– Andøya står framfor ei rivande utvikling, og The Whale blir eit unikt og spektakulært opplevingssenter som vil bidra til å setje Andøya og Andenes på kartet som eit spennande reisemål. Senteret vil bidra til å løfte reiselivsnæringa i heile regionen, men vil òg bli viktig for utviklinga av lokalsamfunnet på Andøy, seier kommunal- og distriktsminister Bjørnar Skjæran (Ap).

Stortinget har løyva 20 millionar kroner til The Whale i 2024 og 30 millionar kroner i 2025. Regjeringa foreslår no ei løyving på 25 millioner. Det utgjer til saman ei løyving på 75 millionar kroner frå staten. Tilskotet til The Whale er ei øyremerka tilleggsløyving til Andøy kommune, gjennom Andøyfondet.