Tydelegare prioriteringar innanfor det næringsretta verkemiddelapparat

Regjeringa foreslår å avvikle Miljøteknologiordninga i Innovasjon Noreg og å ta eitt års pause i tildelingane til nye prosjekter gjennom Grøn plattform, i påvente av resultantane frå ei pågåande evaluering av plattforma.

Regjeringa meiner at det er viktigare å oppretthalde andre former for støtte til næringslivet, spesielt CO2-kompensasjonsordninga.

I tillegg legger regjeringa opp til å avslutte tilskotet frå Nærings- og fiskeridepartementet til stiftelsen Design og arkitektur Noreg (Doga). Dette inneber at ordninga Designdrevet innovasjonsprogram (DIP) vil bli avvikla. Stiftelsen vil framleis få finansiering frå Kommunal- og distriktsdepartementet.

Løyvingane frå Nærings- og fiskeridepartementet til verkemiddelapparatet summerer seg til 5,36 milliardar kroner i budsjettforslaget for 2027. Bevilgningene til Innovasjon Norge er på 2,5 milliardar kroner. I tillegg kjem fleire andre former for næringsstøtte gjennom mellom anna CO2-kompensasjonsordninga, Enova og havvindsatsinga.

Reform

Regjeringa er opptatt av at vi skal få mest mogleg ut av den offentlege innsatsen for forsking, innovasjon og verdiskaping i næringslivet, og set derfor i gong ei reform av det næringsretta verkemiddelapparatet.

– Lågare løyvingar gjer det nødvendig å vurdere effektiviteten av verkemidla slik at vi får mest mogleg ut av kvar budsjettkrone, seier Myrseth.

Dei konkrete tiltaka i reforma skal bli utforma i tett dialog med mellom anna næringslivet, aktørane i verkemiddelapparatet, fylkeskommunane og andre påverka aktørar. Regjeringa vil òg arbeide for å effektivisere verkemidla for forsking og utvikling (FoU) i næringslivet og for å auke kommersialiseringa av offentleg finansiert forsking.

– Føremålet med reforma er å leggje til rette for meir privat kapital i innovative vekstselskap og å sikre markedsadgang og vurdere effektiviserande strukturendringar i verkemiddelapparatet, seier næringsminister Cecilie Myrseth.