Vidarefører reduserte ferjetakstar – Avviklar ordninga for gratis ferje

– På grunn av reduserte ferjetakstar har både privatpersonar og næringstransport i store deler av landet fått lågare reisekostnadar. Samstundes har ordninga med gratis ferje gitt fleire negative konsekvensar for  lokalbefolkninga, næringa og fylkeskommunane. Mellom anna har det ført til auka trafikk, unødvendig bruk av ferja, kø og køyretøy som står att på kaia. Regjeringa ønskjer at det skal vera god framkomme og føreseieleg å reise på vegnettet vårt. Derfor prioriterer vi å vidareføre dei betydeleg reduserte takstane på ferje og avviklar ordninga for gratis ferjer, seier samferdselsminister Jon-Ivar Nygård.

Det har dei siste åra vore stor auke i trafikken for fleire ferjesamband som har ført til utfordringar med attståande køyretøy på ferjekaia, unødvendige reiser med ferja for å sleppa å betala i samband med fleire stopp, kødanning og mindre føreseielegheit for dei reisande. Ved avviklinga av ordninga for gratis ferje vil ein i større grad kunne styre trafikken og rutetilboda med betaling som verkemiddel og fjerne insentiva for unødvendig bruk av ferja. Dette vil skape ein meir føreseieleg reisekvardag for trafikantane.

– Regjeringa legg til rette for at dei sambanda som har vore omfatta av ordninga med gratis ferje vil inngå i ordninga med reduserte ferjetakstar. Ordninga vil framleis komma lokalbefolkninga, næringslivet og turistane til gode, seier samferdselsministeren.