1 Innleiing

Føremålet med denne proposisjonen er å be om Stortinget si godkjenning til å starte opp to nye investeringsprosjekt, godkjenning av endringar i eit tidligare godkjent prosjekt og å orientere Stortinget om nokre andre prosjekt og tiltak.

Proposisjonen har følgjande innhald:

• Godkjenning av kostnadsramme for eit nytt eigedoms-, byggje- og anleggsprosjekt (kapittel 1761, post 47): Ørland – nytt skvadronsbygg F-35.

• Godkjenning av endringar i tidlegare godkjent prosjekt (kapittel 1710, post 47): Nye stasjonar til Grensevakta i Sør-Varanger.

• Godkjenning av eit nytt materiellprosjekt (kapittel 1760, post 45): Oppgradering av luftvernsystem til Fridtjof Nansen-klassen fregattar.

• Saker til informasjon: Landbasert indirekte eldstøtte, fleirnasjonalt samarbeid om multi-rolle tank- og transportfly, einskapshelikopter til Forsvaret og klede og verneutstyr – teknisk justering av kostnadsramma.