1 Innleiing
1.1 Hovudinnhaldet i proposisjonen
Denne proposisjonen inneheld forslag til endringar i lov 17. juli 1998 nr. 61 om grunnskolen og den vidaregåande opplæringa (opplæringslova) og i lov 4. juli 2003 nr. 84 om private skolar med rett til statstilskot (privatskolelova).
Det blir foreslått følgjande endringar:
I opplæringslova og privatskolelova: Lovfeste plikt for skoleeigarane til å tilby elevar på 1.-4. årstrinn leksehjelp
I opplæringslova og privatskolelova: Endre føresegnene om bortvising av elevar
I opplæringslova og for privatskolar: Lovfeste rett til skyss for funksjonshemma til og frå skolefritidsordninga
I privatskolelova: Lovfeste plikt for private skolar til foreldresamarbeid
I opplæringslova: Endre § 9-4 om lærebøker og andre læremiddel (språknorm)
I opplæringslova: Endre føresegnene om utlysing av stilling ved tilsetjing av deltidstilsette med fortrinnsrett
I opplæringslova: Endre nemninga kompetanse på lågare nivå til grunnkompetanse
I opplæringslova: Innføre krav om politiattest ved tilsetjing i musikk- og kulturskolar
I opplæringslova § 13-7: Endre sjette ledd (tekniske endringar)
Bakgrunnen for forslaga blir nærmare utdjupa i omtalen av kvart enkelt av dei i proposisjonen.
Departementet tek sikte på at lovendringane skal tre i kraft 1. august 2010.
Når det gjeld forslaget om rett til skyss for funksjonshemma til og frå skolefritidsordning, tek departementet sikte på at dette skal tre i kraft seinast 1. januar 2011.
1.2 Høringane
Høringsbrev vedlagt høringsnotat med forslaget om å endre føresegnene i opplæringslova og privatskolelova om bortvising vart sendt til høring 5. juni 2009 med frist for fråsegn 6. oktober 2009. Det kom inn 95 høringsfråsegner.
Høringsbrev vedlagt høringsnotat med forslaget i privatskolelova om å lovfeste plikt til foreldresamarbeid for private skolar, endre omgrepet kompetanse på lågare nivå til grunnkompetanse i opplæringslova, lovfeste unntak frå plikta til utlysing av stillingar for deltidstilsette med fortrinnsrett i opplæringslova, og å oppdatere opplæringslova § 9-4 om lærebøker og andre læremiddel, vart sendt til høring 11. september 2009 med frist for fråsegn 11. desember 2009. Det kom inn 54 høringsfråsegner.
Høringsbrev vedlagt høringsnotat med forslaget om å endre føresegnene i opplæringslova og privatskolelova ved å innføre plikt for skoleeigarane til å tilby elevar på 1.-4. årstrinn leksehjelp, innføre rett til skyss for funksjonshemma til og frå skolefritidsordninga, innføre krav om politiattest ved tilsetjing i musikk- og kulturskolar og å endre opplæringslova § 13-7 sjette ledd (tekniske endringar), vart sendt til høring 2. november 2009 med frist for fråsegn 31. desember 2009. Det kom inn 127 høringsfråsegner.
Synspunkta frå høringsinstansane til dei enkelte forslaga er nærmare oppsummerte under omtalen av kvart forslag.
Høringsnotata vart sende til desse instansane:
Departementa
Fylkeskommunane
Fylkesmennene
Kommunane
Akademikarane
Aktive foreldre
Arbeidsgivarforeininga NAVO
Barneombodet
CULCOM v/UiO (Kulturell kompleksitet i det nye Noreg)
Datatilsynet
Det utdanningsvitskaplege fakultet, UiO
Dysleksiforbundet
Elevorganisasjonen
FAFO
Faglege råd v/Utdanningsdirektoratet
Fellesorganisasjonen for barnevernspedagogar, sosionomar og vernepleiarar
Forbrukarombodet
Forbrukarrådet
Foreldreutvalet for grunnskolen (FUG)
Funksjonshemmedes Fellesorganisasjon (FFO)
Handels- og Servicenæringens Hovedorganisasjon (HSH)
Hovedorganisasjonen for universitets- og høyskoleutdannede (Unio)
Innvandrernes Landsorganisasjon (INLO)
Institutt for samfunnsforsking (ISF)
Integrerings- og mangfaldsdirektoratet
Kontaktutvalet mellom innvandrarbefolkninga og myndigheitene (KIM)
Kristne friskolers forbund (KFF)
KS (Kommunesektorens interesse- og arbeidsgivarorganisasjon)
Landslaget Fysisk Fostring i Skolen
Landslaget for udelt og fådelt skole (LUFS)
Landsrådet for Noregs barne- og ungdomsorganisasjonar
Landsorganisasjonen i Noreg (LO)
Likestillings- og diskrimineringsombodet
Longyearbyen lokalstyre
Lærernes Yrkesforbund
Nasjonalt organ for kvalitet i utdanninga (NOKUT)
Nasjonalt Senter for fleirkulturell opplæring (NAFO)
Nettverket av samfunnsvitskaplege forskingsinstitutt
NIFU STEP
Noregs Forskingsråd
Noregs Handicapforbund
Norske fag- og friskolers forbund
Norsk Forbund for Utviklingshemma (NFU)
Norsk foreldrelag for funksjonshemma
Norsk Forbund for fjernundervisning
Norsk innvandrarforum
Norsk Kulturskoleråd
Norsk Lektorlag
Norsk Montessoriforbund
Norsk senter for fleirkulturell verdiskaping
Norsk Skoleleiarforbund
Norsk Studentunion
NOVA
Næringslivets Hovedorganisasjon (NHO)
Opplysningstenesta for heimeundervisning
Private Barnehagers Landsforbund (PBL)
Private grunnskolar
Private skolar med rett til statstilskot
Privatskoleorganisasjonane
Riksarkivet
Riksrevisjonen
Samarbeidsforum for Funksjonshemmedes fellesorganisasjon (SAFO)
Sametinget
Samnemnda for NF og NKF
Samordna opptak
SEFIA, Høgskolen i Oslo
Senter for interkulturell kommunikasjon
Senter mot etnisk diskriminering
Sivilombodsmannen
Skolenes landsforbund
Språkrådet
SRY v/Utdanningsdirektoratet
Statens lånekasse for utdanning
Statens råd for funksjonshemma
Statistisk sentralbyrå (SSB)
Statlege grunnskolar og vidaregåande skolar
Steinerskolane i Noreg
Studentenes Landsforbund
Sysselmannen på Svalbard
Utdanningsdirektoratet
Utdanningsforbundet
Utdanningsgruppenes hovudorganisasjon
Utlendingsdirektoratet (UDI)
Universitet/Høgskolar
Universitets- og høgskolerådet
VOX - Vaksenopplæringsinstituttet
Vaksenopplæringsforbundet (VOFO)
Yrkesorganisasjonanes Sentralforbund (YS)