Høyring - teknisk revisjon av forskriftene til petroleumsskattelova

Finansdepartementet sender på høyring utkast til teknisk revisjon av forskriftene til petroleumsskattelova.

Høyringa følger opp framlegget om teknisk revisjon av petroleumsskattelovgivinga i Prop. 3 LS (2026–2027). Høyringsutkastet inneber i hovudsak at føresegna i forskriftene til petroleumsskattelova blir flytta til Finansdepartementets forskrift til skatteloven (FSFIN). Ein forskrift skal framleis bli fastsett av Energidepartementet.

Framlegget er reint teknisk, og departementet legg til grunn at det ikkje har provenyverknad.

Kvar høyringsinstans må vurdere om saka bør sendast til underliggjande etatar eller verksemder, tilknytte verksemder, medlemsorganisasjonar eller liknande.

Høyringsfristen er 30. november 2026. For å gje høyringsfråsegn, gå til høyringa på www.regjeringen.no og bruk den digitale løysinga for høyringsfråsegn ved å klikke på «Send inn høyringssvar». Høyringsfråsegner er offentlege etter offentleglova og vil bli publiserte på våre nettsider.

Med helsing 

Kari Alice Frønsdal (e.f.)
avdelingsdirektør

                                                                                       Beate Bentzen
                                                                                       fagdirektør  

Høringsnotat-Teknisk revisjon av forskriftene til petroleumsskatteloven.pdf

Energidepartementet
Offshore Norge
Oljeskattekontoret
Skattedirektoratet