3 Andre saker
Nytt saksbehandlingssystem i kriminalomsorga
Departementet viser til omtalen i Prop. 96 S (2025–2026) om nytt saksbehandlingssystem i kriminalomsorga. Det er gjennomført ei tilpassa ekstern kvalitetssikring av prosjektet, som tek omsyn til at prosjektet er i gjennomføringsfasen. Prosjektet er framleis planlagt ferdigstilt i løpet av 2028. Ekstern kvalitetssikrar vurderer i sitt oppdaterte kostnadsestimat at totalkostnaden for prosjektet vil auke betydeleg. Kvalitetssikraren har gitt tilrådingar til både Justis- og beredskapsdepartementet og Kriminalomsorgsdirektoratet (KDI) om den vidare styringa og gjennomføringa av prosjektet. Departementa vil følgje opp innhaldet i rapporten i den videre styringsdialogen med KDI.
Endra periodisering av utbetaling av tilskot til energistøtte i Longyearbyen
Regjeringa legg i budsjettet for 2027 opp til å løyve tilskot til energistøtte i Longyearbyen, jf. kap. 0008 post 70. Løyvinga er øyremerka Svalbard Energi AS (SEAS) og skal nyttast til å senke energiprisane for kundar i Longyearbyen samt til handtering av SEAS sine kapitalkostnadar i samband med oppgraderinga av energiforsyninga i Longyearbyen. For privatpersonar og frivillige organisasjonar skal løyvinga leggje til rette for ein Svalbardpris som er som følgjer: 1,26 kr/kWt for straum og 0,63 kr/kWt for fjernvarme. Resterande del av tilskotet skal telje mot dei samla kostnadane i SEAS, slik at venta gjennomsnittspris for straum til andre kundar, og fjernvarme til alle kundar, blir redusert prosentvis likt.
Diesel er ein stor drivar for kostnadane for SEAS sin produksjon av straum og fjermvarme, og kostnadane kan variere mykje. Regjeringa jobbar med å sjå på løysingar for energistønaden til selskapet som gjer at SEAS vil kunne levere straum i tråd med Svalbardpris òg i dei tilfella kostnadane til energiproduksjon aukar vesentleg. Regjeringa vil kome attende til dette i samband med revidert nasjonalbudsjett for 2027.