1 Innleiing

Arbeids- og inkluderingsdepartementet legg i denne proposisjonen fram forslag om endringar av løyvingane under enkelte kapittel under programområde 09 Arbeid og sosiale formål, programområde 29 Sosiale formål, folketrygda, programområde 33 Arbeidsliv, folketrygda, og enkelte av inntektene for 2026.

Dei reviderte anslaga for folketrygda sine utgifter og inntekter i 2026 bygger i hovudsak på tal frå rekneskap per 30. september 2026.

Arbeids- og inkluderingsdepartementet fremmer forslag om å redusere løyvingane under utgiftskapitla under programområde 09 Arbeid og sosiale formål med 2 139 mill. kroner, å auke løyvingane under programområde 29 Sosiale formål, folketrygda med 724 mill. kroner og å auke løyvingane under programområde 33 Arbeidsliv, folketrygda med 445 mill. kroner. Samla foreslår Arbeids- og inkluderingsdepartementet at løyvingane under utgiftskapitla blir redusert med 970 mill. kroner.

Arbeids- og inkluderingsdepartementet foreslår å redusere løyvingane for inntekter under inntektskapitla med 144 mill. kroner.

Kap. 601 Utgreiingsverksemd, forsking m.m.

Post 70 Tilskot

Løyvinga for 2026 er 69,5 mill. kroner.

Store delar av løyvinga blir nytta til å følge opp departementet sine internasjonale forpliktingar. Den årlege størrelsen på EU-kontingentane vil variere frå år til år i programperioden, avhengig av aktivitetsnivået og valutakursen. Det kan òg komme krav i samanheng med avslutning av program etter at perioden er avslutta. For 2026 er det venta eit mindreforbruk som hovudsakleg følger av valutakurs og avslutning av programmet «Employment and Social Innovation».

Arbeids- og inkluderingsdepartementet foreslår å redusere løyvinga med 9,5 mill. kroner.

Post 74 Tilskot til Noregs forskingsråd, kan overførast

Løyvinga for 2026 er 144,7 mill. kroner.

Forskingsrådet forventar at utbetalingane i 2026 blir lågare enn tidlegare berekna. Det estimerte mindreforbruket skuldast periodisering av utbetalingar til finansierte prosjekt.

Arbeids- og inkluderingsdepartementet foreslår å redusere løyvinga med 32,1 mill. kroner. Tilsvarande beløp blir foreslått innarbeidd i tilsegnsfullmakta for utbetaling på eit seinare tidspunkt, jf. forslag til romartalsvedtak. Tilsegnsramma på 278,8 mill. kroner blir uendra. Ved ein inkurie blei ikkje forslag til endringar i tilsegnsfullmakta tatt inn i vedtakslista ved behandlinga av Revidert nasjonalbudsjett for 2026. Denne er derfor inkludert i denne proposisjonen.

Sjå nærare forklaring på årsaka til nedgangen i løyving til Forskingsrådet i Kunnskapsdepartementet si omgrupperingsproposisjon.

Kap. 605 Arbeids- og velferdsetaten

Post 01 Driftsutgifter

Løyvinga for 2026 er 15,9 mrd. kroner.

Det ligg føre fullmakt til å overskride løyvinga under kap. 605, post 01 mot tilsvarande meirinntekt under kap. 3605, blant anna postane 04 og 05, jf. romartalsvedtak II i Prop. 1 S (2025–2026). Det er samla for dei to inntektspostane venta ei mindreinntekt på 7,6 mill. kroner, jf. omtale under inntektspostane. Kap. 605, post 01 blir paralljustert tilsvarande den samla reduksjonen under inntektspostane.

Arbeids- og inkluderingsdepartementet foreslår å redusere løyvinga med 7,6 mill. kroner.

Kap. 3605 Arbeids- og velferdsetaten

Post 04 Tolketenester

Løyvinga for 2026 er 5,1 mill. kroner.

Det er venta ein auke i inntektene på 2,4 mill. kroner. Årsakene er eit etterslep av fakturaer frå tidlegare år og meir bruk av eigne tolkar framfor frilanstolkar. Inntekter frå eigne tolkar blir inntektsførte under denne posten, mens inntekter frå frilanstolkar blir inntektsførte under kap. 5701, post 87. Sjå òg omtale under kap. 605, post 01 når det gjeld meirinntektsfullmakt.

Arbeids- og inkluderingsdepartementet foreslår å auke løyvinga med 2,4 mill. kroner.

Post 05 Oppdragsinntekter m.m.

Løyvinga for 2026 er 70 mill. kroner.

Det er venta ein reduksjon i inntektene på 10 mill. kroner. Årsaka er lågare aktivitet enn venta i prosjektet Delprogram sysselsetting i Oslo. Sjå òg omtale under kap. 605, post 01 når det gjeld meirinntektsfullmakt.

Arbeids- og inkluderingsdepartementet foreslår å redusere løyvinga med 10 mill. kroner.

Kap. 611 Pensjonar frå statskassa

Post 01 Driftsutgifter, overslagsløyving

Løyvinga for 2026 er 17,0 mill. kroner.

Nytt overslag er basert på utbetalte pensjonar så langt i 2026 og prognose ut året.

Arbeids- og inkluderingsdepartementet foreslår å redusere løyvinga med 2 mill. kroner.

Kap. 612 Tilskot til Statens pensjonskasse

Post 01 Driftsutgifter, overslagsløyving

Løyvinga for 2026 er 14 118 mill. kroner.

Det er behov for å redusere løyvinga med 1 170 mill. kroner. Reduksjonen kjem i hovudsak av at overslaget over premieinntekter (arbeidsgivarpremie og medlemsinnskot) er auka. Hovudårsaka til auken i premieinntektene er at lønnsveksten i 2025 og anslaget for lønnsveksten i 2026 er noko høgare enn tidlegare lagt til grunn. Vidare viser oppdaterte overslag mellom anna at utbetalte alderspensjonar er noko lågare enn tidlegare lagt til grunn.

Arbeids- og inkluderingsdepartementet foreslår å redusere løyvinga med 1 170 mill. kroner.

Post 22 Sluttoppgjer, overslagsløyving

Løyvinga for 2026 er -186 mill. kroner.

Løyvinga på posten skal dekke sluttoppgjer for verksemder som melder seg ut av Statens pensjonskasse frå 1. januar 2026. Det er behov for å auke løyvinga med 14 mill. kroner. Dette skriv seg frå oppdatert overslag for innbetaling av eit eingongsoppgjer for framtidig reguleringsansvar knytt til oppsette rettar og pensjonistar frå Flytoget AS.

Arbeids- og inkluderingsdepartementet foreslår å auke løyvinga med 14 mill. kroner.

Kap. 634 Arbeidsmarknadstiltak

Post 21 Forsøk med tilrettelagd vidaregåande opplæring, kan overførast

Løyvinga for 2026 er 53,8 mill. kroner.

Totalsummen for prosjekt det er søkt om midlar til, er lågare enn det som blei lagt til grunn for løyvinga. I tillegg har enkelte prosjekt hatt noko lågare forbruk enn venta.

Arbeids- og inkluderingsdepartementet foreslår å redusere løyvinga med 5 mill. kroner.

Post 70 Forsøk med ungdomsprogramyting, kan overførast

Løyvinga for 2026 er 209 mill. kroner.

Oppskalering av ungdomsprogrammet har tatt noko lenger tid enn opphavleg føresett. Det gjer at utgiftene blir lågare enn det som blei lagt til grunn for løyvinga. Det har vore ein positiv utvikling med omsyn til arbeidsdeltaking for ein del av deltakarane i forsøket. Det bidrar også til lågare utgifter.

Arbeids- og inkluderingsdepartementet foreslår å redusere løyvinga med 69 mill. kroner.

Post 76 Tiltak for arbeidssøkarar, kan overførast

Løyvinga for 2026 er 7 737,5 mill. kroner.

Aktivitetsnivået i arbeidsmarknadstiltaka frå 2025 og inn 2026 var lavt, og gjorde at forbruket ikkje kom opp på budsjettert nivå gjennom våren. Det har ført til mindreforbruk på posten.

Arbeids- og inkluderingsdepartementet foreslår å redusere løyvinga med 300 mill. kroner.

Post 77 Varig tilrettelagt arbeid, kan overførast

Løyvinga for 2026 er 2 401,7 mill. kroner.

Ved ein inkurie blei ikkje forslag til endringar i tilsegnsfullmakta tatt inn i vedtakslista ved behandlinga av Revidert nasjonalbudsjett for 2026. Denne er derfor inkludert i denne proposisjonen. Det er ikkje endringar samanlikna med det som blei omtalt i Prop. 96 S (2025–2026) Tilleggsbevilgninger og omprioriteringer i statsbudsjettet 2026.

Kap. 640 Arbeidstilsynet

Post 01 Driftsutgifter

Løyvinga for 2026 er 974,7 mill. kroner.

Det er forventa ei mindreinntekt på 1,5 mill. kroner knytt til bortfall av refusjonar i samband med internasjonalt arbeid, jf. kap. 3640, post 06. Posten har meirinntektsfullmakt, jf. romartalsvedtak II i Prop. 1 S (2025–2026). Som følge av dette blir det foreslått å redusere utgiftene tilsvarande.

Arbeids- og inkluderingsdepartementet foreslår å redusere løyvinga med 1,5 mill. kroner.

Kap. 3640 Arbeidstilsynet

Post 06 Refusjonar

Kap. 3640 post 06 omfattar refusjonar for midlertidige utlegg og innbetaling av kursavgifter der Arbeidstilsynet tek deltakaravgift.

Det er forventa ei mindreinntekt på 1,5 mill. kroner, i hovudsak knytt til bortfall av refusjonar i samband med internasjonalt arbeid.

Arbeids- og inkluderingsdepartementet foreslår å redusere løyvinga med 1,5 mill. kroner.

Post 86 Gebyr for brot

Løyvinga for 2026 er 60 mill. kroner.

Posten omfattar inntekt frå gebyr som er blitt ilagde verksemder for brot på arbeidsmiljøregelverket, og det er derfor ei utfordring å estimere beløp for løyvinga. Venta inntekt for 2026 er 65 mill. kroner.

Arbeids- og inkluderingsdepartementet foreslår å auke løyvinga med 5 mill. kroner.

Kap. 647 Kompensasjonsordning for oljepionerane

Post 01 Driftsutgifter, kan overførast

Løyvinga for 2026 er på 21,5 mill. kroner.

Posten omfattar utgifter til å drifte nemnda for kompensasjonsordninga for kjemikalieskadde oljepionerar (Oljepionernemnda) og sekretariatet. I tillegg omfattar posten nødvendige kostnader til IKT-utvikling, arkivering, søknadsbehandling og utbetaling av kompensasjon.

Det er Arbeids- og velferdsdirektoratet som står for den administrative oppfølginga og gjennomføringa av kompensasjonsordninga. Det er anslått at det vil vera eit mindreforbruk på posten på 7,5 mill. kroner i 2026.

Arbeids- og inkluderingsdepartementet foreslår å redusere løyvinga med 7,5 mill. kroner.

Post 70 Kompensasjonsutbetalingar til oljepionerane, overslagsløyving

Løyvinga for 2026 er på 438 mill. kroner.

Posten omfattar utbetaling av kompensasjon til kjemikalieskadde oljepionerar basert på vedtak fatta av Oljepionernemnda.

Det er forventa ei mindreutgift på posten på 358 mill. kroner for 2026. Dette skuldast at det har komme langt færre søknadar enn det som blei lagt til grunn for anslaget om at til saman 650 personar ville oppfylle kriteria for å motta kompensasjon. Anslaget er basert på Oljepionerkommisjonens rapport (NOU 2022: 19), og på berekningar som Oslo Economics har gjort på oppdrag frå kommisjonen. Kommisjonens rapport, inkludert tala frå Oslo Economics, var ute på ei brei høyring og det kom ikkje innspel om anslaga i den samanheng.

Berekningar av denne typen medfører til dels høg usikkerheit knytt til både talet på søknadar som kjem inn, talet på søkarar som vil oppfylle kriteria for å motta kompensasjon, og tidspunktet for når søknadane kjem inn. Bl.a. på grunn av dette har posten fått stikkordet overslagsløvying. Alle som fyller kriteria for å motta kompensasjon, skal få denne utbetalt. Dersom det skulle vise seg at beløpet som er løyva ikkje er tilstrekkeleg, vil regjeringa komme tilbake til dette i revidert nasjonalbudsjett for 2027.

Arbeids- og inkluderingsdepartementet foreslår å redusere løyvinga med 358 mill. kroner.

Kap. 660 Krigspensjon

Post 71 Tilskot, sivile, overslagsløyving

Løyvinga for 2026 er 56 mill. kroner.

Overslaget på posten er auka med 1 mill. kroner som følge av mindre justeringar i anslaga for gjennomsnittleg tal på mottakarar og gjennomsnittleg yting.

Arbeids- og inkluderingsdepartementet foreslår å auke løyvinga med 1 mill. kroner.

Kap. 664 Pensjonsordninga for arbeidstakarar til sjøs

Post 70 Tilskot, overslagsløyving

Arbeids- og inkluderingsdepartementet foreslår ingen endringar i løyvinga.

Posten får stikkordet «overslagsløyving». Dette som følge av at utgiftsnivået på statstilskotet følger av regelverk etter § 15 i lov om pensjonsordning for arbeidstakarar til sjøs. Stikkordfullmakta omfattar ikkje ei eventuell utløysing av garantitilskot frå staten. Stikkordfullmakta blei gitt i budsjettet for 2027 og posten får tilsvarande også for 2026.

Det blir vist til Prop. 1 S (2026–2027) under Arbeids- og inkluderingsdepartementet og nærmare omtale under kap. 664 Pensjonsordninga for arbeidstakarar til sjøs, post 70 Tilskot.

Kap. 666 Avtalefesta pensjon (AFP)

Post 70 Tilskot, overslagsløyving

Løyvinga for 2026 er 4 710 mill. kroner

Overslaget på posten er auka med 10 mill. kroner som følge av høgare overslag for gjennomsnittleg tal på mottakarar og gjennomsnittleg yting.

Arbeids- og inkluderingsdepartementet foreslår å auke løyvinga med 10 mill. kroner.

Kap. 667 Supplerande stønad

Post 70 Tilskot til personar over 67 år med kort butid, overslagsløyving

Løyvinga for 2026 er 445 mill. kroner.

Overslaget på posten er auka med 10 mill. kroner hovudsakleg som følge av høgare overslag for gjennomsnittleg yting.

Arbeids- og inkluderingsdepartementet foreslår å auke løyvinga med 10 mill. kroner.

Post 71 Tilskot til uføre flyktningar med kort butid, overslagsløyving

Løyvinga for 2026 er 380 mill. kroner.

Overslaget på posten er auka med 5 mill. kroner som følge av høgare overslag for gjennomsnittleg tal på mottakarar og gjennomsnittleg yting.

Arbeids- og inkluderingsdepartementet foreslår å auke løyvinga med 5 mill. kroner.

Kap. 671 Busetting av flyktningar og tiltak for innvandrarar

Post 60 Integreringstilskot, kan overførast

Løyvinga for 2026 er 17 283,2 mill. kroner.

Talet på personar som utløyser integreringstilskot år 2–5, er redusert pga. registrert utvandring og dødsfall. Samtidig er talet på personar som utløyser tilskot år 1 i 2026 auka. Dette kjem av at prognosen for talet på busette i 2026 er auka, og at fleire blei busette mot slutten av 2025. Samla sett bidrar dette til at løyvingsbehovet på posten blir redusert.

Arbeids- og inkluderingsdepartementet foreslår å redusere løyvinga med 205,5 mill. kroner.

Post 61 Særskilt tilskot ved busetting av einslege mindreårige flyktningar, overslagsløyving

Løyvinga for 2026 er 2 208,1 mill. kroner.

Det er ein reduksjon i prognosen for talet på busette einslege mindreårige i 2026. Det er også færre einslege mindreårige som utløyser tilskot frå og med det andre busettingsåret.

Arbeids- og inkluderingsdepartementet foreslår å redusere løyvinga med 60,4 mill. kroner.

Post 71 Tilskot til integreringsarbeid i regi av sivilsamfunn og frivillige organisasjonar

Løyvinga for 2026 er 260,8 mill. kroner.

Det har vore eit mindreforbruk på tilskot til norskopplæringsordninga og tilskot til nasjonale ressurssenter på integreringsfeltet.

I budsjettforhandlingane i samanheng med revidert nasjonalbudsjett, blei løyvinga på posten auka med 11,4 mill. kroner for ei eittårig overgangsordning med driftstilskot til sju organisasjonar. To av organisasjonane som fekk tilskot over overgangsordninga, har etter klagebehandlinga fått tildelt tilskot som nasjonale ressurssenter. Tilskotet over overgangsordninga skal avkortast mot tilskotet som ressurssenter, sidan offentlege tilskot ikkje skal dekke dei same kostnadene fleire gonger.

Arbeids- og inkluderingsdepartementet foreslår å redusere løyvinga med 4 mill. kroner.

Post 73 Tilskot

Løyvinga for 2026 er 21,4 mill. kroner.

Ved ein feil fekk ein tilskotsmottakar ikkje utbetalt tilskot til tiltak for å auke etnisk mangfald i arbeidslivet i 2025. Tilskotet blei utbetalt i 2026, noko som aukar løyvingsbehovet på posten.

Arbeids- og inkluderingsdepartementet foreslår å auke løyvinga med 0,45 mill. kroner.

Kap. 3671 Busetting av flyktningar og tiltak for innvandrarar

Post 04 Tilskot til integreringsprosjekt i asylmottak i regi av frivillige organisasjonar, ODA-godkjende utgifter

Løyvinga for 2026 er 13,7 mill. kroner.

Enkelte utgifter knytt til integreringstiltak i asylmottak kan førast som ODA-godkjende utgifter. Det er fleire integreringsprosjekt i asylmottak i regi av frivillige organisasjonar enn det som er lagt til grunn i det gjeldande budsjettet.

Arbeids- og inkluderingsdepartementet foreslår å auke løyvinga med 1,5 mill. kroner.

Kap. 672 Opplæring i norsk og samfunnskunnskap for vaksne innvandrarar

Post 21 Spesielle driftsutgifter, kan overførast

Løyvinga for 2026 er 91,3 mill. kroner.

Arbeidet med forvaltning av læreplanar og digital norskopplæring er forseinka, noko som reduserer løyvingsbehovet på posten.

Arbeids- og inkluderingsdepartementet foreslår å redusere løyvinga med 5,5 mill. kroner.

Post 60 Tilskot til opplæring i norsk og samfunnskunnskap for vaksne innvandrarar

Løyvinga for 2026 er 1 424,4 mill. kroner.

Det er ein auke i talet på fordrivne frå Ukraina som blei busette i 2025, og som utløyser tilskot i 2026. Samtidig er tilskotet til opplæring for asylsøkarar i mottak redusert fordi det er færre i målgruppa for tilskotet. Samla sett bidrar dette til at løyvingsbehovet på posten aukar.

Arbeids- og inkluderingsdepartementet foreslår å auke løyvinga med 88 mill. kroner.

Kap. 3672 Opplæring i norsk og samfunnskunnskap for vaksne innvandrarar

Post 01 Norskopplæring i mottak, ODA-godkjende utgifter

Løyvinga for 2026 er 49,6 mill. kroner.

Det er færre personar i målgruppa for opplæring i norsk og samfunnskunnskap for asylsøkarar i mottak.

Arbeids- og inkluderingsdepartementet foreslår å redusere løyvinga med 20,1 mill. kroner.

Kap. 2470 Statens pensjonskasse

Post 24 Driftsresultat

Løyvinga for 2026 er -20 mill. kroner.

Arbeids- og inkluderingsdepartementet foreslår følgande endringar som i sum ikkje endrar løyvinga på post 24 Driftsresultat:

Underpost 24.3 Avskrivingar

Arbeids- og inkluderingsdepartementet foreslår å redusera løyvinga med 5 mill. kroner til 110 mill. kroner mot ein auke av 24.6 Til reguleringfond.

Underpost 24.5 Til investeringsformål

Underposten omfattar avsetning til eigenfinansierte investeringar, jf. kap. 5470, post 30. Arbeids- og inkluderingsdepartementet foreslår å redusere løyvinga med 30 mill. kroner til 60 mill. kroner mot å auke underpost 24.6 Til reguleringfond. Dette kjem mellom anna av noko forskyvingar for prosjekta pensjonsprogrammet til SPK (Pro25), nytt IKT-system for bustadslånsordninga i SPK, og dessutan utgifter til anskaffingar i samband med nye lokale for SPK.

Underpost 24.6 Til reguleringsfond

Arbeids- og inkluderingsdepartementet foreslår ein auke i avsetting til reguleringsfondet med 35 mill. kroner, jf. omtale ovanfor.

Post 45 Større utstyrsanskaffingar og vedlikehald, kan overførast

Løyvinga for 2026 er 180,4 mill. kroner.

Det vises til omtale under kap. 2470, underpost 24.5.

Arbeids- og inkluderingsdepartementet foreslår å redusere løyvinga med 30 mill. kroner.

Kap. 5470 Statens pensjonskasse

Post 30 Avsetting til investeringsformål

Løyvinga for 2026 er 90 mill. kroner.

Det vises til omtale under kap. 2470, underpost 24.5.

Arbeids- og inkluderingsdepartementet foreslår å redusere løyvinga med 30 mill. kroner.

Kap. 2541 Dagpengar

Post 70 Dagpengar, overslagsløyving

Løyvinga for 2026 er 16 430 mill. kroner.

På bakgrunn av utviklinga så langt i år ser utgiftene ut til å bli høgare enn tidlegare venta. Det er hovudsakleg som følge av endra underliggande vekst i gjennomsnittleg yting.

Arbeids- og inkluderingsdepartementet foreslår å auke løyvinga med 330 mill. kroner.

Kap. 5705 Refusjon av dagpengar

Post 70 Refusjon av dagpengar, statsgaranti ved konkurs

Løyvinga for 2026 er 24 mill. kroner.

Utviklinga hittil i år tilseier at inntektene i 2026 blir høgare enn tidlegare venta.

Arbeids- og inkluderingsdepartementet foreslår å auke løyvinga med 15 mill. kroner.

Post 72 Innkrevjing av forskotterte dagpengar

Løyvinga for 2026 er 12 mill. kroner.

Utviklinga hittil i år tilseier at inntektene i 2026 blir høgare enn tidlegare venta.

Arbeids- og inkluderingsdepartementet foreslår å auke løyvinga med 7 mill. kroner.

Kap. 2542 Statsgaranti for lønnskrav ved konkurs m.m.

Post 70 Statsgaranti for lønnskrav ved konkurs m.m., overslagsløyving

Løyvinga for 2026 er 1 015 mill. kroner.

Utviklinga hittil i år viser ein auke i utgiftene til lønnsgarantiordninga samanlikna med på tilsvarande tidspunkt i fjor.

Utbetalingane gjennom lønnsgarantiordninga er sterkt konjunkturavhengige. Det er særleg utviklinga i talet på konkursar på landsbasis, talet på tilsette som blir råka og lønnsnivået blant desse som påverkar den samla utbetalinga.

Hittil i år har det vore ein nedgang av nye saker og ein nedgang i gjennomsnittleg størrelse på konkursane, men på grunn av lang saksbehandlingstid ser det ikkje ut til å ha påverka utgiftene i 2026. Høgare vekst enn antatt må sjåast i samanheng med at det var oppbygging av restansar i 2025.

Arbeids- og inkluderingsdepartementet foreslår å auke løyvinga med 115 mill. kroner.

Kap. 5704 Statsgaranti for lønnskrav ved konkurs

Post 70 Dividende

Løyvinga for 2026 er 255 mill. kroner.

Posten gjeld refusjonar av utgifter gjennom lønnsgarantiordninga. Det varierer sterkt kor lang tid det tar før innbetalingane kjem og i tillegg kor mykje det er å hente i konkursbua. Hittil i 2026 har det vore ei nedgang i innbetalingane.

Arbeids- og inkluderingsdepartementet foreslår å redusere løyvinga med 55 mill. kroner.

Kap. 2620 Stønad til einsleg mor eller far

Post 70 Overgangsstønad, overslagsløyving

Løyvinga for 2026 er 1 540 mill. kroner.

På bakgrunn av utviklinga så langt i år blir utgiftene berekna til 1 560 mill. kroner i 2026.

Arbeids- og inkluderingsdepartementet foreslår å auke løyvinga med 20 mill. kroner.

Post 72 Stønad til barnetilsyn til einsleg mor eller far i arbeid, overslagsløyving

Løyvinga for 2026 er 41 mill. kroner.

På bakgrunn av utviklinga så langt i år blir utgiftene berekna til 39 mill. kroner i 2026.

Arbeids- og inkluderingsdepartementet foreslår å redusere løyvinga med 2 mill. kroner.

Kap. 2650 Sjukepengar

Post 70 Sjukepengar for arbeidstakarar m.m., overslagsløyving

Løyvinga for 2026 er 64 110 mill. kroner.

Utviklinga til og med september 2026 tilseier høgare utgifter enn lagt til grunn i Prop. 96 S (2025–2026). Auken kjem i hovudsak av at Arbeids- og velferdsetaten har redusert talet på restansar gjennom ein intensivert innsats.

Arbeids- og inkluderingsdepartementet foreslår å auke løyvinga med 2 070 mill. kroner.

Post 71 Sjukepengar for sjølvstendige, overslagsløyving

Løyvinga for 2026 er 1 890 mill. kroner.

Utviklinga til og med september 2026 tilseier ein reduksjon i det trygdefinansierte sjukefråværet for sjølvstendige samanlikna med det som blei lagt til grunn i Prop. 96 S (2025–2026).

Arbeids- og inkluderingsdepartementet foreslår å redusere løyvinga med 40 mill. kroner.

Post 72 Pleie-, opplærings- og omsorgspengar m.m., overslagsløyving

Løyvinga for 2026 er 4 310 mill. kroner.

Det er venta noko høgare volumvekst på posten enn det som blei lagt grunn i vedtatt budsjett. Anslaget for volumvekst i 2026 er justert opp frå 6 til 8 pst.

Arbeids- og inkluderingsdepartementet foreslår å auke løyvinga med 90 mill. kroner.

Kap. 2651 Arbeidsavklaringspengar

Post 70 Arbeidsavklaringspengar, overslagsløyving

Løyvinga for 2026 er 56 586 mill. kroner.

Gjennomsnittleg tal på mottakarar av arbeidsavklaringspengar i 2026 er berekna å bli lågare enn det som tidlegare er lagt til grunn for løyvinga. Reduksjonen er tilsvarande 3000 personar. I hovudsak skuldas dette redusert tilgang, men det skuldast også ein auke i avgangen frå arbeidsavklaringspengar til uføretrygd og i avgangen til andre statusar enn uføretrygd. Utbetalinga per mottakar er venta å bli høgare enn det som tidlegare er lagt til grunn for løyvinga.

Arbeids- og inkluderingsdepartementet foreslår å redusere løyvinga med 686 mill. kroner.

Post 71 Tilleggsstønad, overslagsløyving

Løyvinga for 2026 er 139 mill. kroner.

Volumveksten er venta å bli noko lågare enn det som tidlegare er lagt til grunn for løyvinga.

Arbeids- og inkluderingsdepartementet foreslår å redusere løyvinga med 4 mill. kroner.

Post 72 Legeerklæringar

Løyvinga for 2026 er 495 mill. kroner.

Volumveksten er venta å bli høgare enn det som er lagt til grunn for løyvinga. Takstauken i 2026 er lågare enn det som tidlegare er lagt til grunn.

Arbeids- og inkluderingsdepartementet foreslår å auke løyvinga med 1 mill. kroner.

Arbeids- og inkluderingsdepartementet viser til Prop. 1 S (2026–2027) og omtale av fullmakt til overskriding med tilhøyrande forslag til romartalsvedtak for kap. 2651, post 72. Fleire usikre faktorar påverkar utgiftene under posten. Usikkerheita kan gjere at anslaget for utgiftene blir for lågt enkelte år, slik at ramma på posten blir overskride. Dette er forbode i samsvar med bevilgningsreglementet § 5, med mindre Stortinget har gitt samtykke til ei slik overskriding. Arbeids- og inkluderingsdepartementet foreslår derfor ei overskridingsfullmakt for 2026, tilsvarande forslaget i Prop. 1 S (2026–2027), sjå forslag til romartalsvedtak.

Kap. 2652 Eit enklare Nav – forsøk med aktivitetspengar for unge

Post 70 Forsøk med aktivitetspengar for unge

Arbeids- og inkluderingsdepartementet viser til Prop. 1 S (2026–2027) og omtale av fullmakt til overskriding med tilhøyrande forslag til romartalsvedtak for kap. 2652, post 70. Fleire usikre faktorar påverkar utgiftene under posten. Usikkerheita kan gjere at anslaget for utgiftene blir for lågt enkelte år, slik at ramma på posten blir overskride. Dette er forbode i samsvar med bevilgningsreglementet § 5, med mindre Stortinget har gitt samtykke til ei slik overskriding. Arbeids- og inkluderingsdepartementet foreslår derfor ei overskridingsfullmakt for 2026, tilsvarande forslaget i Prop. 1 S (2026–2027), sjå forslag til romartalsvedtak.

Kap. 2655 Uførleik

Post 70 Uførleik, overslagsløyving

Løyvinga for 2026 er 141 367 mill. kroner.

På grunn av utviklinga så langt i år ser utgiftene ut til å bli 3 mill. kroner høgare enn tidlegare berekna.

Arbeids- og inkluderingsdepartementet foreslår å auke løyvinga med 3 mill. kroner.

Post 75 Meinerstatning ved yrkesskade, overslagsløyving

Løyvinga for 2026 er 86 mill. kroner.

På grunn av utviklinga så langt i år ser utgiftene ut til å bli 10 mill. kroner lågare enn tidlegare berekna.

Arbeids- og inkluderingsdepartementet foreslår å redusere løyvinga med 10 mill. kroner.

Kap. 2661 Grunn- og hjelpestønad, hjelpemiddel m.m.

Post 70 Grunnstønad, overslagsløyving

Løyvinga for 2026 er 1 870 mill. kroner.

Det er venta lågare utgifter i 2026 enn det som tidlegare er lagt til grunn for løyvinga. Dette er som følge av lågare gjennomsnittleg yting og lågare anslag for antal mottakarar enn tidlegare venta.

Arbeids- og inkluderingsdepartementet foreslår å redusere løyvinga med 20 mill. kroner.

Post 71 Hjelpestønad, overslagsløyving

Løyvinga for 2026 er 2 760 mill. kroner.

Det er venta høgare utgifter i 2026 enn det som tidlegare er lagt til grunn for løyvinga. Gjennomsnittleg yting er lågare enn venta, men fordi det er venta fleire mottakarar auker utgiftene samla sett.

Arbeids- og inkluderingsdepartementet foreslår å auke løyvinga med 10 mill. kroner.

Post 73 Hjelpemiddel m.m. under arbeid og utdanning

Løyvinga for 2026 er 154 mill. kroner.

Det er venta noko høgare volumvekst enn det som tidlegare er lagt til grunn for løyvinga.

Arbeids- og inkluderingsdepartementet foreslår å auke løyvinga med 7 mill. kroner.

Post 74 Tilskot til bilar

Løyvinga for 2026 er 1 140 mill. kroner.

Det er venta høgare utgifter til stønad til bil enn det som tidlegare er lagt til grunn for løyvinga, hovudsakleg som følge av høgare volumvekst.

Arbeids- og inkluderingsdepartementet foreslår å auke løyvinga med 90 mill. kroner.

Post 75 Betring av funksjonsevna, hjelpemiddel

Løyvinga for 2026 er 5 460 mill. kroner.

Det er venta lågare utgifter enn det som tidlegare er lagt til grunn for løyvinga, hovudsakleg som følge av lågare volumvekst.

Arbeids- og inkluderingsdepartementet foreslår å redusere løyvinga med 170 mill. kroner.

Post 76 Betring av funksjonsevna, hjelpemiddel som tenester

Løyvinga for 2026 er 520 mill. kroner.

Det er venta lågare volumvekst enn det som tidlegare er lagt til grunn for løyvinga.

Arbeids- og inkluderingsdepartementet foreslår å redusere løyvinga med 30 mill. kroner.

Post 77 Ortopediske hjelpemiddel

Løyvinga for 2026 er 3 040 mill. kroner.

Det er venta lågare volumvekst enn det som tidlegare er lagt til grunn for løyvinga. Dette har samanheng med lang saksbehandlingstid på området.

Arbeids- og inkluderingsdepartementet foreslår å redusere løyvinga med 360 mill. kroner.

Post 78 Høyreapparat

Løyvinga for 2026 er 1 210 mill. kroner.

Det er venta noko lågare volumvekst enn det som tidlegare er lagt til grunn for løyvinga.

Arbeids- og inkluderingsdepartementet foreslår å redusere løyvinga med 140 mill. kroner.

Post 79 Aktivitetshjelpemiddel til personar over 26 år, kan overførast

Løyvinga for 2026 er 79 mill. kroner.

Det blir satt av middel frå ramma til å dekke reparasjonar og delar ut året. Dersom utgifter til reparasjon m.m. blir meldt inn seint på året, vil dei først bli regnskapsførte året etter. For at dette ikkje skal gå utover ramma for 2027, er det behov for å overføre unytta middel til neste år.

Arbeids- og inkluderingsdepartementet foreslår derfor at posten i 2026 får stikkordet «kan overførast», sjå forslag til romartalsvedtak.

Kap. 2670 Alderdom

Post 70 Grunnpensjon, overslagsløyving

Løyvinga for 2026 er 97 830 mill. kroner

Overslaget på posten er redusert med 160 mill. kroner hovudsakleg som følge av lågare overslag for gjennomsnittleg yting

Arbeids- og inkluderingsdepartementet foreslår å redusere løyvinga med 160 mill. kroner.

Post 71 Tilleggspensjon, overslagsløyving

Løyvinga for 2026 er 199 910 mill. kroner

Overslaget for gjennomsnittleg tal på mottakarar er lågare og overslag for gjennomsnittleg yting er auka. Samla sett er overslaget på posten redusert med 240 mill. kroner.

Arbeids- og inkluderingsdepartementet foreslår å redusere løyvinga med 240 mill. kroner.

Post 72 Inntektspensjon, overslagsløyving

Løyvinga for 2026 er 47 540 mill. kroner.

Overslaget på posten er auka med 300 mill. kroner hovudsakleg som følge av høgare overslag for gjennomsnittleg yting

Arbeids- og inkluderingsdepartementet foreslår å auke løyvinga med 300 mill. kroner.

Post 73 Særtillegg, pensjonstillegg m.m., overslagsløyving

Løyvinga for 2026 er 11 985 mill. kroner.

Posten dekker fleire tillegg til alderspensjon: særtillegg, pensjonstillegg, minstenivåtillegg, garantipensjon, skjermingstillegg og forsørgingstillegg.

Samla sett er overslaget på posten redusert med 105 mill. kroner, hovudsakleg som følge av redusert anslag for minstenivåtillegg og garantipensjon Det er også gjort mindre justeringar av dei andre tillegga.

Arbeids- og inkluderingsdepartementet foreslår å redusere løyvinga med 105 mill. kroner.

Kap. 2680 Etterlatne

Post 70 Omstillingsstønad, overslagsløyving

Løyvinga for 2026 er 1 740 mill. kroner.

Overslaget for gjennomsnittleg tal på mottakarar er lågare og overslag for gjennomsnittleg yting er auka. Samla sett er overslaget på posten redusert med 20 mill. kroner.

Arbeids- og inkluderingsdepartementet foreslår å redusere løyvinga med 20 mill. kroner.

Post 74 Tilleggsstønader og stønad til skolepengar, overslagsløyving

Løyvinga på posten er 0,2 mill. kroner.

Utgiftene på posten ser ut til å bli 0,2 mill. kroner høgare enn tidlegare berekna.

Arbeids- og inkluderingsdepartementet føreslår å auke løyvinga med 0,2 mill. kroner.

Post 75 Stønad til barnetilsyn til gjenlevande i arbeid, overslagsløyving

Løyvinga på posten er 1 mill. kroner.

Utgiftene på posten ser ut til å bli 0,1 mill. kroner høgare enn tidlegare berekna.

Arbeids- og inkluderingsdepartementet føreslår å auke løyvinga med 0,1 mill. kroner.

Kap. 2686 Stønad ved gravferd

Post 70 Stønad ved gravferd, overslagsløyving

Løyvinga for 2026 er 400 mill. kroner.

Anslaget på posten er auka med 120 mill. kroner som følge av at det er forventa betydeleg fleire mottakarar av både behovsprøvd gravferdsstønad og båretransport enn lagt til grunn i vedtatt budsjett. Auken for båretransport er på om lag 100 mill. kroner.

Arbeids- og inkluderingsdepartementet foreslår å auke løyvinga med 120 mill. kroner.

Kap. 5701 Diverse inntekter

Post 86 Innkrevjing av feilutbetalingar

Løyvinga for 2026 er 1,4 mrd. kroner.

Det er venta ein reduksjon i inntektene på 51 mill. kroner. Årsaka er at overgang til nytt regelverk og fagsystem gir redusert aktivitet på innkrevjingsområdet.

Arbeids- og inkluderingsdepartementet foreslår å redusere løyvinga med 51 mill. kroner.

Post 87 Diverse inntekter

Løyvinga for 2026 er 5,7 mill. kroner.

Det er venta ein reduksjon i inntektene på 1,5 mill. kroner. Årsaka er meir bruk av eigne tolkar framfor frilanstolkar, jf. nærmare omtale under kap. 3605, post 04.

Arbeids- og inkluderingsdepartementet foreslår å redusere løyvinga med 1,5 mill. kroner.

Post 88 Hjelpemiddelsentralar m.m.

Løyvinga for 2026 er 101 mill. kroner.

Det er venta ein reduksjon i inntektene på 6 mill. kroner. Årsakene er lågare inntekter i samanheng med sal av bilar og gjeldsoppgjer på bilområdet.

Arbeids- og inkluderingsdepartementet foreslår å redusere løyvinga med 6 mill. kroner.