2 Forslag til endringar i statsbudsjettet 2026

Kap. 200 Kunnskapsdepartementet

Post 01 Driftsutgifter

Departementet foreslår å flytte 3 mill. kroner frå kap. 200, post 45 til kap. 200, post 01. Flyttinga skal dekke meirutgifter på post 01 i 2026, mellom anna knytte til drift av kontorlokale, straum og pensjonspremiar, og til sakskostnadar i samband med to klagesaker i sektoren. Behovet for investeringar i IKT-utstyr og lokala til Kunnskapsdepartementet har vore lågare enn venta i 2026, og departementet foreslår derfor å omdisponere midlar frå post 45.

Vidare foreslår departementet å rammeoverføre 0,4 mill. kroner frå kap. 200, post 01 til Digitaliserings- og forvaltningsdepartementet sitt kap. 1510, post 01, i samband med etableringa av kunstforvaltning som ei fellesteneste i departementsfellesskapet.

Samla foreslår departementet å auke løyvinga med 2,6 mill. kroner.

Post 45 Større utstyrsinnkjøp og vedlikehald, kan overførast

Departementet foreslår å flytte 3 mill. kroner frå kap. 200, post 45 til kap. 200, post 01. Sjå omtale under kap. 200, post 01.

Kap. 201 Analyse og kunnskapsgrunnlag

Post 21 Særskilde driftsutgifter

I revidert budsjett for 2026 løyvde Stortinget 30 mill. kroner over budsjettet til Kunnskapsdepartementet til ein pilotstudie om redusert arbeidstid i ti barnehagar. I Prop. 1 S (2026–2027) for Kunnskapsdepartementet foreslo departementet å flytte midlane til 2027-budsjettet. Som følge av dette foreslår departementet å redusere løyvinga for 2026 med 30 mill. kroner.

Post 70 Noregs forskingsråd – Forsking om utdanning og forsking, kan overførast

Departementet foreslår å redusere løyvinga med 35 mill. kroner, mot ein tilsvarande auke i tilsegnsfullmakta på posten, jf. forslag til vedtak II. Årsaka til reduksjonen er forseinkingar i dei estimerte utbetalingane til prosjekt. Sjå ei nærare forklaring av årsaka til nedgongen i løyvingsbehovet i Forskingsrådet under avsnitt 3 Andre saker.

Midlane til eit fagblad for forskingspolitikk blei i revidert budsjett for 2026 flytta til kap. 201, post 70 for at dei kunne lysast ut i ei tilskotsordning. Ettersom avtalen Noregs forskingsråd har med Nordisk institutt for studier av innovasjon, forsking og utdanning (NIFU) går ut over 2026, kan tilskotsordninga først bli oppretta i 2027. Kunnskapsdepartementet foreslår derfor at 1 mill. kroner blir flytta frå posten til kap. 285, post 01.

Samla foreslår departementet å redusere løyvinga med 36 mill. kroner.

Kap. 220 Utdanningsdirektoratet

Post 01 Driftsutgifter

Departementet foreslår å auke løyvinga med 0,6 mill. kroner under kap. 220, post 01 mot ein tilsvarande auke i inntektsløyvinga på kap. 3220, post 02. Meirinntekta gjeld tilskot Utdanningsdirektoratet får frå Forskingsrådet for å dekke delar av personalkostnadene for ein tilsett som tek doktorgrad.

Post 21 Driftsutgifter, kan nyttast under post 70

Departementet foreslår å redusere løyvinga med 0,5 mill. kroner under kap. 220, post 21 mot ein tilsvarande reduksjon i inntektsløyvinga på kap. 3220, post 01 på grunn av lågare aktivitet i oppdrag frå dei nordiske landa til Nordic Base of Childhood Education and Care (NB-ECEC) og EU-støtta til TALIS (Teaching and Learning International Survey).

Kap. 3220 Utdanningsdirektoratet

Post 01 Inntekter frå oppdrag

Departementet foreslår å redusere løyvinga med 0,5 mill. kroner under kap. 220, post 21 og kap. 3220, post 01. Sjå omtale under kap. 220, post 21.

Post 02 Salsinntekter o.a.

Departementet foreslår å auke løyvinga med 0,6 mill. kroner under kap. 220, post 01 og kap. 3220, post 02. Sjå omtale under kap. 220, post 01.

Kap. 222 Statlege skular og fjernundervisningstenester

Post 01 Driftsutgifter

Departementet foreslår å auke løyvinga med 5,6 mill. kroner mot ein tilsvarande auke av inntektsløyvinga på kap. 3222, post 02.

Kap. 3222 Statlege skular og fjernundervisningstenester

Post 02 Salsinntekter o.a.

Departementet foreslår å auke løyvinga med 5,6 mill. kroner. Auken følger av høgare inntekter frå sal av fjernundervisningstenester frå Sørsamisk kunnskapspark og dei statlege samiske vidaregåande skulane i Kautokeino og Karasjok og utvikling av undervisningsmateriell på samisk.

Kap. 225 Tiltak i grunnopplæringa

Post 01 Driftsutgifter

Departementet foreslår å auke løyvinga med 1,8 mill. kroner, som følge av oppdatert anslag for utgifter til administrasjon av eksamen og behandling av klager.

Post 21 Særskilde driftsutgifter

Departementet foreslår å auke løyvinga med 3 mill. kroner, som følge av oppdatert anslag for utgifter til honorar for sensoroppdrag og behandling av klager på sensur.

Post 61 Rentekompensasjon for investeringar i læringsarenaer og større utstyr som bidreg til meir praktisk og variert opplæring

Departementet foreslår å redusere løyvinga med 10 mill. kroner, som følge av færre søknader om rentekompensasjon enn lagt til grunn i Saldert budsjett 2026.

Post 63 Tilskot til samisk i grunnopplæringa

Departementet foreslår å redusere løyvinga med 4 mill. kroner, som følge av oppdaterte anslag for utgiftsbehovet på posten. Reduksjonen i løyvingsbehovet kjem av oppdaterte elevtal og eit oppdatert overslag for tilskot til studiepermisjonar for vidareutdanning i samisk for lærarar i grunnopplæringa og rekrutteringsstipend for lærarstudentar.

Post 64 Tilskot til opplæring av barn og unge som søker opphald i Noreg

Departementet foreslår å auke løyvinga med 26,6 mill. kroner i tråd med endringsforslaga frå Berekningsgruppa for utlendingsforvaltinga.

Post 65 Rentekompensasjon for skule- og symjeanlegg

Departementet foreslår å auke løyvinga med 14 mill. kroner, som følge av at rentesatsane i ordninga blei høgare enn lagt til grunn i Saldert budsjett 2026.

Post 67 Tilskot til opplæring i kvensk eller finsk

Departementet foreslår å redusere løyvinga med 0,9 mill. kroner basert på oppdaterte elevtal og eit oppdatert overslag for tilskot til studiepermisjonar for vidareutdanning i kvensk eller finsk for lærarar i grunnopplæringa.

Post 68 Tilskot til opplæring i kriminalomsorga

Departementet foreslår å redusere løyvinga med 0,9 mill. kroner, som følge av at det er utbetalt tilskot til færre soningsplassar enn lagt til grunn i Saldert budsjett 2026.

Post 74 Prosjekttilskot

Etter at Utdanningsdirektoratet har avslutta søknadsbehandlinga for 2026, er det eit mindrebehov på 0,8 mill. kroner. Departementet foreslår å redusere løyvinga tilsvarande.

Kap. 3225 Tiltak i grunnopplæringa

Post 04 Refusjon av ODA-godkjende utgifter

Ein del av løyvinga på kap. 225, post 64 blir rapportert som utviklingshjelp og refusjon frå Utanriksdepartementet blir ført på posten. Departementet foreslår å redusere løyvinga med 5,5 mill. kroner i tråd med endringsforslaga frå Berekningsgruppa for utlendingsforvaltinga.

Kap. 228 Tilskot til private skular o.a.

Post 70 Private grunnskular, overslagsløyving

Departementet foreslår å auke løyvinga med 122,2 mill. kroner, som følge av endringar i elevgrunnlaget i høve til det som er lagt til grunn for gjeldande budsjett for 2026.

Post 71 Private vidaregåande skular, overslagsløyving

Departementet foreslår å auke løyvinga med 142 mill. kroner, som følge av endringar i elevgrunnlaget i høve til det som er lagt til grunn for gjeldande budsjett for 2026.

Post 72 Diverse skular som gir yrkesretta opplæring, overslagsløyving

Departementet foreslår å redusere løyvinga med 8,3 mill. kroner, som følge av endringar i elevgrunnlaget i høve til det som er lagt til grunn for gjeldande budsjett for 2026.

Post 73 Private grunnskular i utlandet, overslagsløyving

Departementet foreslår å redusere løyvinga med 5,8 mill. kroner, som følge av endringar i elevgrunnlaget i høve til det som er lagt til grunn for gjeldande budsjett for 2026.

Post 74 Private vidaregåande skular i utlandet, overslagsløyving

Departementet foreslår å auke løyvinga med 4,2 mill. kroner, som følge av endringar i elevgrunnlaget i høve til det som er lagt til grunn for gjeldande budsjett for 2026.

Post 75 Private skular med særskild tilrettelagd opplæring for elevar med dokumenterte behov, overslagsløyving

Departementet foreslår å auke løyvinga med 9,1 mill. kroner, som følge av endringar i elevgrunnlaget i høve til det som er lagt til grunn for gjeldande budsjett for 2026.

Post 76 Andre private skular, overslagsløyving

Departementet foreslår å auke løyvinga med 5,4 mill. kroner, som følge av endringar i elevgrunnlaget i høve til det som er lagt til grunn for gjeldande budsjett for 2026.

Post 77 Den tysk-norske skolen i Oslo, overslagsløyving

Departementet foreslår å redusere løyvinga med 0,8 mill. kroner, som følge av endringar i elevgrunnlaget i høve til det som var lagt til grunn for gjeldande budsjett for 2026.

Post 78 Kompletterande undervisning

Departementet foreslår å redusere løyvinga med 0,7 mill. kroner, som følge av endringar i elevgrunnlaget i høve til det som er lagt til grunn for gjeldande budsjett for 2026.

Post 81 Elevutveksling til utlandet

Departementet foreslår å redusere løyvinga med 2 mill. kroner, som følge av at det berre var to skular som til saman hadde ti elevar på utveksling gjennom ordninga i skuleåret 2025–26.

Post 82 Kapital- og husleigetilskot til private skular

Departementet foreslår å redusere løyvinga med 0,3 mill. kroner, som følge av lågare elevtal og nedlagde skular.

Post 84 Redusert foreldrebetaling i skulefritidsordninga ved private skular

Departementet foreslår å redusere løyvinga med 27 mill. kroner, som følge av færre søknader om redusert foreldrebetaling i skulefritidsordninga ved private skular enn løyvinga i Saldert budsjett 2026 ga rom for.

Kap. 240 Fagskular

Post 61 Utviklingsmidlar for høgare yrkesfagleg utdanning, kan overførast

Frå og med statsbudsjettet for 2026 er posten budsjettert med tilsegnsramme, løyving og tilsegnsfullmakt, jf. Prop. 1 S (2025–2026). Departementet foreslår å redusere løyvinga på posten med 5,7 mill. kroner og auke tilsegnsfullmakta med 5 mill. kroner, som følge av lågare rapportert forbruk i enkelte avslutta prosjekt og at utbetalingar til forseinka prosjekt har vorte utsette til seinare år. Sjå forslag til vedtak II.

Kap. 253 Folkehøgskular

Post 70 Tilskot til folkehøgskular

Follo folkehøgskule og Ringebu folkehøgskule er ikkje i drift hausten 2026.

Ny berekningsmodell innført i 2023 for nye folkehøgskular gjeld i år for Stavanger Urban Folkehøgskole. Departementet foreslår å redusere løyvinga med 0,8 mill. kroner som følge av dette.

Samla foreslår departementet å redusere løyvinga med 11,4 mill. kroner.

Kap. 256 Direktoratet for høgare utdanning og kompetanse

Post 01 Driftsutgifter

Direktoratet for høgare utdanning og kompetanse hatt høgare inntekter mellom anna frå EU til administrasjon av programmet Erasmus+ enn det som er lagt til grunn i Saldert budsjett 2026. På bakgrunn av dette foreslår departementet å auke løyvinga på posten med 6,7 mill. kroner og ein tilsvarande auke i inntektsløyvinga på kap. 3256, post 02.

Post 21 Særskilde driftsutgifter

Direktoratet for høgare utdanning og kompetanse har hatt høgare oppdragsinntekter frå EU-prosjekt enn forventa i 2026. På bakgrunn av dette foreslår departementet å auke løyvinga på posten med 5,2 mill. kroner og ein tilsvarande auke i inntektsløyvinga på kap. 3256, post 01.

Kap. 3256 Direktoratet for høgare utdanning og kompetanse

Post 01 Inntekter frå oppdrag

Departementet foreslår å auke løyvinga på posten med 5,2 mill. kroner og ein tilsvarande auke i utgifter over kap. 256, post 21. Sjå omtale under kap. 256, post 21.

Post 02 Inntekter frå refusjonar o.a.

Departementet foreslår å auke løyvinga på posten med 6,7 mill. kroner og ein tilsvarande auke i utgifter over kap. 256, post 01. Sjå omtale under kap. 256, post 01.

Kap. 257 Kompetanseprogrammet

Post 70 Tilskot, kan overførast

Frå og med statsbudsjettet for 2026 er posten budsjettert med tilsegnsramme, løyving og tilsegnsfullmakt, jf. Prop. 1 S (2025–2026). Departementet foreslår å auke løyvinga på posten med 11 mill. kroner, og redusere tilsegnsfullmakta med 10,7 mill. kroner, jf. forslag til vedtak II. Løyvingsbehovet aukar som følge av lågare anslåtte avkortingar i ordninga Kompetansepluss. Tilsegnsfullmakta blir redusert som følge av utsett utlysing i bransjeprogrammet for barnehage, som blir lyst ut i 2027.

Kap. 258 Tiltak for livslang læring

Post 21 Særskilde driftsutgifter, kan overførast

Departementet foreslår å redusere løyvinga med 6,8 mill. kroner, mellom anna som følge av mindreforbruk på posten.

Pilot for kompetansereform i industrien vart igangsett i 2025. Midlane i ordninga går til lønstilskot til bedrifter som legg ut for lønn medan arbeidstakarar deltek i kompetanseutvikling. Målgruppa er i hovudsak fagarbeidarar og tilsette med låg formell kompetanse. Deltakinga i piloten har vore lågare enn det midlane sette av til ordninga gav rom for. Det tek tid å bygge opp ei ny tilskotsordning, og departementet foreslår derfor ei teknisk nedjustering av løyvinga på 38 mill. kroner, med sikte på ei periodisering av midlane ved behov.

Samla foreslår departementet å redusere løyvinga med 44,8 mill. kroner.

Kap. 270 Studentvelferd

Post 74 Tilskot til velferdsarbeid o.a.

I revidert budsjett for 2026 blei det som ei mellombels ordning løyvd 65 mill. kroner for å kompensere studentsamskipnader og studentbustadstiftingar for høge straumkostnader, jf. Innst. 450 S (2025–2026) og Prop. 96 S (2025–2026). Formålet var å skjerme studentar i studentbustadar mot auka husleige som følge av auka straumutgifter. I 2026 er løyvinga basert på anslåtte meirkostnader som følge av at samskipnadene ikkje er omfatta av straumstøtteordninga. Oppdaterte anslag viser at behovet er høgare enn det som blei lagt til grunn i revidert budsjett for 2026. Departementet foreslår derfor å auke løyvinga på kap. 270, post 74 med 46 mill. kroner.

Post 75 Tilskot til bygging av studentbustadar

Utbetaling av tilskot til studentsamskipnadene som har fått tilsegner til byggeprosjekt blir gjort i tråd med framdrifta i prosjekta. Disponible midlar på posten er 1 247 mill. kroner. Prognosane frå Husbanken viser at utbetalingane av tilskot vil vere 1 355,8 mill. kroner i 2026. Departementet foreslår derfor å auke løyvinga på posten med 108,8 mill. kroner. Det er vidare behov for å redusere tilsegnsfullmakta med 109,9 mill. kroner, frå 1 520,5 mill. kroner til 1 410,6 mill. kroner, jf. forslag til vedtak II. Tilsegnsfullmakta skal dekke utbetalingar i framtida, det vil seie frå og med 2027, medan løyvinga på kap. 270, post 75 skal dekke utbetaling i 2026.

Kap. 273 Kunnskapssektorens tenesteleverandør – Sikt

Post 50 Verksemdskostnader

Kunnskapssektorens tenesteleverandør – Sikt betaler årleg Noregs kontingent til NORDUnet AS. NORDUnet AS organiserer samarbeidet mellom dei nordiske forskingsnetta. Kunnskapsdepartementet har tildelt Sikt 47 mill. kroner til kontingenten på posten i 2026. Sikt betaler kontingenten kvartalsvis, og utbetalinga for fjerde kvartal i 2026 står att. Sikt har betalt 29,9 mill. kroner hittil for kontingenten i 2026, og det står att å betale om lag 9,4 mill. kroner. Kunnskapsdepartementet foreslår derfor å redusere løyvinga på kap. 273, post 50 med 7,7 mill. kroner.

Kap. 275 Tiltak for høgare utdanning og forsking

Post 21 Særskilde driftsutgifter, kan overførast, kan nyttast under post 70

Det er handlingsrom på posten som følge av unytta midlar til utgreiingsoppdrag. Departementet foreslår å redusere løyvinga på kap. 275, post 21 med 1,2 mill. kroner mot ein tilsvarande auke på kap. 284, post 01.

Kap. 284 Dei nasjonale forskingsetiske komiteane

Post 01 Driftsutgifter

Dei nasjonale forskingsetiske komiteane (FEK) har dei siste åra hatt ei større arbeidsmengde i Nasjonalt utval for ureieleg forsking og Den nasjonale forskingsetiske komité for medisin og helsefag. FEK er ei lita verksemd og har ikkje kunne handtere den auka mengda klagesaker innanfor gjeldande løyving. I 2026 er anslaget at dei vil ha meirutgifter på 1,2 mill. kroner. Departementet foreslår derfor å auke løyvinga på kap. 284, post 01 med 1,2 mill. kroner mot ein tilsvarande reduksjon på kap. 275, post 21.

Kap. 285 Noregs forskingsråd

Post 01 Driftsutgifter

Midlane til eit fagblad for forskingspolitikk blei i revidert budsjett for 2026 flytta frå kap. 285, post 01 til kap. 201, post 70 for at midlane kunne lysast ut i ei tilskotsordning. Avtalen Noregs forskingsråd har med Nordisk institutt for studier av innovasjon, forsking og utdanning (NIFU) går ut over 2026, og tilskotsordninga kan først bli oppretta i 2027. Kunnskapsdepartementet foreslår derfor at 1 mill. kroner blir flytta frå kap. 201, post 70 til kap. 285, post 01.

Post 21 Særskilde driftsutgifter

I 2026 har Forskingsrådet hatt lågare forbruk enn det som låg til grunn for arbeid med Mineralstrategien i budsjettet. Kunnskapsdepartementet foreslår derfor å redusere løyvinga på posten med 1,6 mill. kroner mot ein tilsvarande auke på Nærings- og fiskeridepartementets kap. 920, post 70.

Forskingsrådet har også hatt lågare forbruk enn det som låg til grunn for arbeid med oppdrag frå Forsvarsdepartementet som skal støtte koplingar mellom FoU på sivil og militær side. Kunnskapsdepartementet foreslår derfor å redusere løyvinga på posten med 3,4 mill. kroner mot ein tilsvarande auke på Forsvarsdepartementets kap. 1760, post 45.

Samla foreslår departementet å redusere løyvinga med 5 mill. kroner.

Post 71 Strategiske forskingsprioriteringar, kan overførast og post 72 Langsiktig, grunnleggande forsking, kan overførast

Postane blir budsjetterte med ei årleg løyving og ei tilsegnsramme med tilhøyrande tilsegnsfullmakt. Tilsegnsramma set ramma for nye forpliktingar som Forskingsrådet kan inngå i budsjettåret. Løyvinga skal dekke forventa utbetalingar av tilsegner i det gjeldande budsjettåret som Forskingsrådet har gitt i tidlegare år, og nye tilsegner som kjem til utbetaling i budsjettåret. Postane blir budsjetterte med ei tilsegnsfullmakt fordi Forskingsrådet finansierer fleirårige forskingsprosjekt, og treng fullmakt frå Stortinget for å kunne forplikte staten utover gjeldande budsjettår. Tilsegnsfullmaktene viser dei uteståande forpliktingane på postane. Det vil seie den delen av gitte tilsegner som enno ikkje er utbetalte ved utgangen av budsjettåret.

Departementet foreslår å redusere løyvinga på post 71 med 556,2 mill. kroner og på post 72 med 427,6 mill. kroner, som følge av oppdaterte anslag for kontante utbetalingar i 2026.

Nedjusteringa skyldast ei forskyving av utbetalingar frå Forskingsrådet til mottakarane til seinare budsjettår, basert på faktureringstakta til mottakarane. Det er fleire årsaker til nedjusteringa, men ei hovudårsak er at Forskingsrådet har innført etterskotsvis fakturering basert på påkomne kostnadar framfor forskotsutbetaling basert på budsjetta til prosjekta. Effekten av dette var ikkje godt nok teke omsyn til i dei opphavelege utbetalingsprognosane for 2026. Forskingsrådet har ingen indikasjonar på at det nedjusterte løyvingsbehovet i 2026 kjem av lågare forskingsaktivitet. Sjå ei nærare forklaring av årsaka til nedgangen i løyvingsbehovet i Forskingsrådet under Andre saker.

Ettersom nedjusteringa i løyvinga kjem av forskyvingar av utbetalingar, foreslår departementet samtidig å auke tilsegnsfullmaktene på postane tilsvarande nedjusteringa av løyvinga, slik at Forskingsrådet kan dekke utbetalingane i seinare budsjettår, jf. forslag til vedtak II.

Kap. 288 Internasjonale samarbeidstiltak

Post 72 Internasjonale grunnforskingsorganisasjonar

Departementet foreslår å redusere løyvinga med 6,4 mill. kroner. Reduksjonen skriv seg frå endringar i valutakurs. Om lag 0,3 mill. kroner av løyvinga på posten er Noregs del av eit spleiselag for å dekke Ukrainas CERN-kontingent.

Post 73 EUs rammeprogram for forsking og innovasjon

Departementet foreslår å redusere løyvinga med 99,8 mill. kroner. Reduksjonen skriv seg frå endringar i valutakurs.

Post 74 EUs program for utdanning, opplæring, ungdom og idrett

Departementet foreslår å redusere løyvinga med 27,4 mill. kroner. Reduksjonen skriv seg frå endringar i valutakurs.

Kap. 2410 Statens lånekasse for utdanning

Post 50 Avsetning til utdanningsstipend, overslagsløyving

Løyvinga dekker utgifter til framtidig konvertering av utdanningslån til utdanningsstipend. Departementet foreslår å auke løyvinga med 24,2 mill. kroner hovudsakleg på grunn av høgare utbetalingar av basislån enn tidlegare berekna.

Post 70 Utdanningsstipend, overslagsløyving

Departementet foreslår å auke løyvinga med 80 mill. kroner på grunn av høgare utbetaling av flyktningstipend enn berekna i revidert budsjett for 2026.

Post 72 Rentestøtte, overslagsløyving

Departementet foreslår å auke løyvinga med 140,7 mill. kroner, som følge av at den flytande renta på utdanningslån blei 0,23 prosenteiningar høgare enn lagt til grunn i revidert budsjett for 2026.

Post 73 Avskrivingar, overslagsløyving

Departementet foreslår å auke løyvinga med 58,1 mill. kroner. Auken kjem i hovudsak av høgare anslag for sletting av gjeld i utvalde distriktskommunar på 120 mill. kroner, medan anslaget for avskriving i innsatssona blir redusert med 15 mill. kroner. Anslaget for avskriving på grunn av uførheit blir redusert med 50 mill. kroner, og anslag for avskriving på grunn av kvoteordninga blir auka med 3,1 mill. kroner.

Post 90 Auka lån og rentegjeld, overslagsløyving

Departementet foreslår å auke løyvinga med 506,3 mill. kroner. Auken kjem av mellom anna høgare utbetalingar til basislån, tilleggslån og lån til skulepengar. Andre endringar er knytt til renteelement på posten som aukar på grunn av høgare rentenivå enn lagt til grunn i revidert budsjett for 2026.

Kap. 5310 Statens lånekasse for utdanning

Post 04 Refusjon av ODA-godkjende utgifter

Posten gjeld refunderte midlar til dekning av kostnaden ved å ettergi studielån for kvotestudentar frå utviklingsland som flyttar til heimlandet og busett seg der varig. Departementet foreslår å auke løyvinga med 1,9 mill. kroner som følge av høgare avskrivingar gjennom kvoteordninga.

Post 89 Purregebyr

Det ligg an til å bli fleire purringar enn det som blei lagt til grunn i revidert budsjett for 2026. Departementet foreslår å auke løyvinga med 10 mill. kroner.

Post 90 Redusert lån og rentegjeld

Rekneskapstal per 30. september tilseier at innbetalte avdrag på utdanningslån bør reduserast med 474,6 mill. kroner. Samstundes er det ein auke i anslaget for innbetalingane av renter frå tidlegare år på 620,5 mill. kroner, og i avskrivinga av renteberande lån på 61,7 mill. kroner. Mindre justeringar gjer at anslaget blir redusert med 2,3 mill. kroner.

Samla foreslår departementet å auke løyvinga med 205,3 mill. kroner.

Kap. 5617 Renter frå Statens lånekasse for utdanning

Post 80 Renter

Departementet foreslår å auke løyvinga med 571,4 mill. kroner, hovudsakleg som følge av at den vekta renta på utdanningslån blei 0,23 prosenteiningar høgare enn lagt til grunn i revidert budsjett for 2026.