1 Innleiing

Etter Grunnlova § 75 bokstav i kan Stortinget mellom anna innvilge pensjonar frå statskassa.

I samband med søknader om pensjonar frå statskassa er departementet gitt fullmakt til fortløpande å ta stilling til søknader om pensjon, med atterhald om Stortingets endelege godkjenning. I proposisjonen her blir det lagt fram ei liste over pensjonar som departementet mellombels har innvilga i 2025, og som departementet no ber om Stortingets endelege godkjenning av.

Ei omtale av ordninga med pensjonar av statskassa og om dei pensjonane som denne proposisjonen gjeld, er gitt i punkt 2.

I 2025 blei det utbetalt 16 418 197 kroner i pensjon av statskassa. I statsbudsjettet for 2026 er det løyvt 18 000 000 kroner på kapittel 611 Pensjonar frå statskassa.