Rapport om økonomiske misleghaldssaker osb. i andre kvartal 2025

Rapport | Dato: 08.07.2025 | Utanriksdepartementet

I andre kvartal 2025 registrerte Sentral kontrolleining 31 nye saker. Sakene var i hovudsak knytte til mistanke om økonomisk misleghald, medan sju var relaterte til mistanke om seksuell utnytting, misbruk og trakassering i samband med tilskotsforvaltinga (SEAH-saker).

I den same perioden vart 30 saker avslutta, blant desse var to SEAH-saker. Alle tala omfattar også saker under Norad og Norec sine ansvarsområde.

Oversikta nedanfor viser dei 15 sakene der det var grunnlag for reaksjon og tilskotsmottakaren har betalt tilbake, og som vart avslutta i andre kvartal 2025. Det er betalt tilbake 2 217 291 kroner. I tillegg er 3 465 251 kroner betalte tilbake til prosjekt, noko som inneber at avtalepartnar dekkjer tapet ved å skyta inn eigne midlar.

Oversikta blir utarbeidd som oppfølging av nulltoleransen til regjeringa for økonomisk misleghald og blir ajourført kvart kvartal. For fleire opplysningar blir det vist til Sentral kontrolleining i Utanriksdepartementet, Internrevisjonen i Norad eller til Norec.

Oversikt 2. kvartal 2025 – avslutta med reaksjon

Saksnr./ ansvar	Land/region	Avtalepartnar	Kort omtale av saka
1359 UD	Bangladesh	Kirkens Nødhjelp	Svikt i internkontroll knytt til anskaffingar hos lokal partnar. NOK 664 141 er betalte tilbake til Norad.*)
1682 UD	Etiopia	KfW	Nettsvindel. NOK 3 207 467 er betalte tilbake til prosjektet.
24075 Norad	Nigeria	Tearfund	Forfalska rekneskapsdokumentasjon hos lokal partnar. NOK 10 845 er betalte tilbake til prosjektet.
24072 Norad	Malawi	SOS-barnebyer	Svindel utført av ein entreprenør i samband med eit byggjeoppdrag. NOK 148 447 er betalte tilbake til Norad.
24061 Norad	Sør-Sudan	Norsk Folkehjelp	Kickback-avtale mellom ein tilsett og leverandør. NOK 61 305 er betalte tilbake til Norad.
24060 Norad	Kambodsja	Digni/Misjonsalliansen	Underslag av lønnsmidlar for lærarar. NOK 13 257 er betalte tilbake til prosjektet.
24057 Norad	Indonesia	Regnskogfondet	Lån av midlar mellom prosjekt og mangelfull dokumentasjon av utgifter hos lokal partnar. NOK 233 682 er betalte tilbake til prosjektet.
24027 Norad	Kambodsja	Digni/Misjonsalliansen	Forfalska rekneskapsdokumentasjon hos lokal partnar. NOK 28 191 er betalte tilbake til Norad.
24009 Norad	Myanmar	Redd Barna	Underslag på feltkontor. NOK 11 000 er betalte tilbake til Norad.
23090 Norad	Rwanda	Norsk Folkehjelp	Underslag hos lokal partnar. NOK 41 681 er betalte tilbake til Norad.
23003 Norad	Myanmar	CARE Norge	Økonomisk misleghald og seksuell trakassering hos lokal partnar. NOK 4 523 er betalte tilbake til Norad.
22089 Norad	Nepal	Redd Barna	Forfalska regnskapsdokumentasjon hos lokal partnar. NOK 5 500 er betalte tilbake til Norad.
22088 Norad	Nepal	Redd Barna	Forfalska regnskapsdokumentasjon hos lokal partnar. NOK 122 700 er betalte tilbake til Norad.
22081 Norad	Peru	Regnskogfondet	Økonomisk misleghald hos lokal partnar. NOK 948 623 er betalte tilbake til Norad.
22074 Norad	Angola	Kirkens Nødhjelp	Mangelfull dokumentasjon av utgifter hos lokal partnar. NOK 181 150 er betalte tilbake til Norad.

*) Saka vart behandla av SK/UD medan dei aktuelle midlane skulle betalast tilbake til Norad sidan avtalen i mellomtida hadde vorte overført dit.