1 Innleiing og bakgrunn

Som omtalt i St.prp. nr. 1 (2008-2009) for Samferdselsdepartementet hadde Statens vegvesen tilbodsopning på hovudentreprisen for rv 283 Øvre Sund bru i januar 2008. Det kom inn eitt tilbod som ville ha ført til ytterlegare kostnadsauke på prosjektet. Konkurransen blei derfor avslutta, og det blei vedteke å dele opp hovudentreprisen i fire mindre delar med sikte på fleire tilbod og reduserte kostnader. Det var venta at anleggs­arbeida ville kome i gong igjen i 2008. Figur 1.1 viser kart over prosjektet.