– Kina er ein viktig handelspartnar, både for sjømatnæringa og maritim næring. Kina er verdas største skipsbyggjar og dermed eit sentralt marknad for den maritime industrien vår, som leverer leiande grøne løysingar for skipsfarten. Besøket handlar om å styrkje marknadstilgangen og vidareutvikle samarbeidet innanfor den maritime sektoren, seier fiskeri- og havminister Marianne Sivertsen Næss.

I Beijing skal ho møte minister for industri- og informasjonsteknologi Li Lecheng og viseminister for transport Fu Xuyin. Tema for møta vil mellom anna vere maritim industri og grøn omstilling. 

I Shanghai skal fiskeri- og havministeren besøke Marintec, Asias største maritime messe, der Noreg er invitert som æresland. Ho skal mellom anna opne den nasjonale paviljongen og møte aktørar frå maritim næring. 

Næss skal i tillegg delta i ei mediepromotering av norsk sjømat i regi av Noregs Sjømatråd. Det finn stad 30. november i matbutikken Hema Fresh i Wang Jing, Beijing.

Pressekontakt (med på reisen): Emil Bremnes, +47 465 15 382