Veksten i frie inntekter vil gi kommunesektoren eit handlingsrom på 0,5 milliardar kroner etter at meirkostnader til den demografiske utviklinga er dekt. Det er i tråd med det som ble varsla i kommuneproposisjonen.

– Gode kommunale tenester skaper tryggleik i kvardagen til folk. Difor er det viktig for regjeringa at kommunane er i stand til å levere gode velferdstenester der folk bur. Styrkinga av inntektsrammene dei siste åra legg til rette for dette, seier kommunal- og distriktsminister Bjørnar Skjæran.

Veksten i frie inntekter i 2027 er rekna frå inntektsnivået i 2026 slik det vart anslått etter Stortinget si behandling av Revidert nasjonalbudsjett 2026. Regjeringa foreslår å fordele veksten med 2,6 milliardar kroner til kommunane og 600 millionar kroner til fylkeskommunane.

– Kommunane må utnytte ressursane effektivt og gjennomføre naudsynte omstillingar når det i åra framover blir langt fleire eldre, og færre unge og personar i yrkesaktiv alder. Samstundes må staten leggje til rette for gode og stabile rammevilkår, slik at kommunane kan gjere kloke prioriteringar, seier Skjæran.

Dei frie inntektene til fylkeskommunane vart auka med 1,45 milliardar kroner i revidert nasjonalbudsjett 2026. Av desse blir 450 millionar kroner vidareført i 2027. Inntektene til fylkeskommunane i 2027 blir derfor høgare enn signalisert i kommuneproposisjonen. 

Fylkesvis oversikt: