Petroleumsskattelova vart vedteken i 1975 og er endra mange gonger opp gjennom åra. Over tid har strukturen i lova blitt uoversiktleg, og einskilde føresegner er blitt omfangsrike.

Departementet foreslår at petroleumsskattelova blir oppheva som særlov, og at føresegnene blir flytte til skattelova og skattebetalingslova.

Lovrevisjonen er reint teknisk og inneber ingen materielle endringar. Det er meininga at endringane skal tre i kraft 1. januar 2027.

Finansdepartementet sender i dag også på høyring forslag til teknisk revisjon av forskriftene til petroleumsskattelova. Høyringa følgjer opp lovforslaget om teknisk revisjon av petroleumsskattelovgjevinga.