– I tråd med budsjettforliket vidarefører vi tilskotet til kystrekeflåten i 2026. Dette vil bidra til å oppretthalde aktiviteten og lette dei økonomiske utfordringane i denne flåtegruppa, seier fiskeri- og havminister Marianne Sivertsen Næss.

Stortinget har i budsjettet for 2026 løyvt 23 200 000 kroner til tilskotet. Tilskotet blir fastsett i forskrift av Nærings- og fiskeridepartementet, og departementet vil følgje utviklinga og gjere nødvendige justeringar dersom situasjonen tilseier det. 

Ordninga gjeld for kystrekeflåten i heile landet, og blir administrert av Garantikassen for fiskarar. Søknader kan sendast frå og med februar.