2 Forslag om endringar
Kap. 61 Høyesterett
Post 01 Driftsutgifter
Løyvinga på posten blir foreslått auka med 1,4 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Kap. 400 Justis- og beredskapsdepartementet
Post 01 Driftsutgifter
Justis- og beredskapsdepartementet er programpartnar i prioriterte mottakarland for EØS-ordninga og får refundert kostnadene sine gjennom avtalen med Financial Mechanism Office (FMO). For 2024 er refusjonen forventa å bli 700 000 kroner lågare enn budsjettert. Departementet foreslår derfor å redusere løyvinga på kap. 400, post 01 med 700 000 kroner, jf. omtale under kap. 3400, post 01.
Løyvinga på posten blir foreslått auka med 9,7 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Departementet foreslår samla å auke løyvinga med 9 mill. kroner.
Post 70 Overføringer til private
Løyvinga skal bl.a. dekke tilskot til Norsk senter for informasjonssikring (NorSIS), som del av arbeidet som departementet gjer for å førebu IKT-trygging på sivil side. NorSIS er frå 2024 ein del av Nasjonalt tryggingsorgan (NSM) og er lokalisert på Gjøvik. Departementet foreslår derfor å redusere løyvinga på kap. 400, post 70 med 10,1 mill. kroner mot ein tilsvarande auke på kap. 457, post 01.
Post 71 Tilskudd til internasjonale organisasjonar
Løyvinga skal dekke Noreg sine tilskot og kontingentar til internasjonale organisasjonar og samarbeid på saksområda til Justis- og beredskapsdepartementet. Kostnaden til tilskot til internasjonale organisasjonar er forventa å bli 1,5 mill. kroner høgare enn budsjettert. Dette kjem av at krona har svekt seg mot både euro og sveitsiske franc, og at utgiftene har blitt større som følgje av proporsjonalitetsfaktoren i EU/EØS-samarbeidet og at Noregs BNP har vakse relativt til andre land (gjeld særleg ENISA). Departementet foreslår derfor å auke løyvinga på kap. 400, post 71 med 1,5 mill. kroner.
Kap. 3400
Post 01 Diverse inntekter
Justis- og beredskapsdepartementet er programpartnar i prioriterte mottakarland for EØS-ordninga og får refundert kostnadene sine gjennom avtalen med Financial Mechanism Office (FMO). For 2024 er refusjonen forventa å bli 700 000 kroner lågare enn budsjettert. Departementet foreslår derfor å redusere løyvinga på kap. 3400, post 01 med 700 000 kroner, jf. omtale under kap. 400, post 01.
Kap. 410 Domstolene
Post 01 Driftsutgifter
Løyvinga på posten blir foreslått auka med 27,8 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Post 21 Spesielle driftsutgifter
Løyvinga dekker utgifter som etter rettsgebyrlova er inkluderte i rettsgebyret, t.d. kunngjeringsutgifter, nødvendige utgifter ved tvangsforretningar, registrering m.m. under offentleg bubehandling, forkynning som er nødvendig etter lova. I enkelte saker blir utgifter til meddommarar, vitne og rettsvitne m.m. dekte. Løyvinga dekker òg arbeidsgivaravgift av godtgjersle til meddommarar og tolkar i sivile saker der partane sjølv dekker godtgjersla. Løyvinga på posten er regelstyrt, og det er utfordrande å anslå utgiftene.
Løyvinga på posten avheng av salærsatsen og talet på avslutta saker.
Det er vanskeleg å berekne utgiftene til tvangssal, sidan det er uvisse knytt til konsekvensar av rentenivå og andre endringar i samfunnet.
Departementet foreslår å redusere løyvinga med 2,5 mill. kroner.
Post 22 Vernesaker/sideutgifter, jordskiftedomstoler
Jordskiftedomstolane har heimel til å krevje inn sideutgifter i visse saker. Sideutgiftene skal dekke det tekniske arbeidet i desse sakene. Utgiftene blir førte i eigne saksrekneskapar.
Utgiftene avheng av omfanget av saker og kapasiteten til jordskiftedomstolane til å avvikle desse sakene. På bakgrunn av rekneskapstal og forventa utvikling i 2024 foreslår departementet å redusere løyvinga med 1,7 mill. kroner.
Kap. 3410 Domstolene
Post 01 Rettsgebyr
Løyvinga på posten dekker inntekter frå gebyrpliktige oppgåver i domstolane i samband med sivile saker, skjønn, skifte, konkurs, tvangsforretningar m.m.
Gebyrinntektene er reduserte, bl.a. pga. færre konkursar enn venta som følgje av etterverknader av koronapandemien. Departementet foreslår på denne bakgrunnen å redusere løyvinga på posten med 50,6 mill. kroner.
Post 02 Saks- og gebyrinntekter jordskiftedomstolene
Løyvinga på posten omfattar inntekter frå gebyr som partane i saka betaler. Prognosar frå jordskiftedomstolane viser at anslaga for saks- og gebyrinntekter er usikre.
Departementet foreslår på denne bakgrunnen å auke løyvinga med 1,5 mill. kroner.
Post 04 Vernesaker jordskiftedomstolene
Det er ei meirinntektsfullmakt knytt til posten, jf. kap. 410, post 22. Departementet har fullmakt på posten til postering mot mellomverande med statskassa. Eventuelle restbeløp blir balanseførte, overførte til påfølgjande år og inntektsførte på eit seinare tidspunkt. Sakene går over fleire rekneskapsår og blir gjorde opp med oppdragsgivaren når dei er avslutta.
Departementet foreslår å redusere løyvinga med 1,5 mill. kroner.
Kap. 411 Domstoladministrasjonen
Post 01 Driftsutgifter
Løyvinga på posten blir foreslått auka med 1,6 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Kap. 414 Forliksråd og andre domsutgifter
Post 01 Driftsutgifter
Løyvinga på posten blir foreslått auka med 4,3 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Kap. 430 Kriminalomsorgen
Post 01 Driftsutgifter
For å sikre budsjettbalanse på kap. 432, post 01 i 2024 foreslår regjeringa å flytte 8 mill. kroner frå kap. 430, post 01. Flyttinga må sjåast i samanheng med løyvinga tildelt i statsbudsjettet for 2024 på kap. 430, post 01 for å oppnå budsjettbalanse i kriminalomsorga.
Departementet har fullmakt til å overskride løyvinga på kap. 430, post 01, mot tilsvarande meirinntekter på kap. 3430, post 03 og post 04. Departementet foreslår å auke løyvinga med 23 mill. kroner under kap. 430, post 01 mot ein tilsvarande auke under kap. 3430, post 04. Sjå omtale under kap. 3430, post 04.
Løyvinga på posten blir foreslått auka med 94,5 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Departementet foreslår samla å auke løyvinga med 109,5 mill. kroner.
Post 45 Større utstyrsanskaffelser og vedlikehold, kan overføres
I statsbudsjettet for 2025 er det foreslått 65 mill. kroner til drift av elleve mellombelse plassar for mindreårige innsette. Plassane vil bli etablerte ved Agder fengsel, Evje avdeling. For at plassane skal kunne takast i bruk så raskt som mogleg, foreslår regjeringa 11 mill. kroner til investeringar. Midlane skal nyttast til ombygging av eksisterande bygningsmasse.
I statsbudsjettet for 2025 er det foreslått 40 mill. kroner til å byggje ut fire nye plassar ved Ungdomseining aust på Eidsvoll. Plassane vil vere klare til drift i 2026. Det er mogleg å utvide eininga med ytterlegare to plassar. Dette inneber eit behov for investeringar allereie i 2024. Regjeringa foreslår derfor 20 mill. kroner til investeringar til ytterlegare utbygging ved Ungdomseining aust.
I statsbudsjettet for 2025 er det òg foreslått 40 mill. kroner til å setje i verk eit lovforslag som opnar for å gjennomføre varetekt med elektronisk kontroll, i tråd med endringane i Prop. 139 L (2022–2023). Regjeringa foreslår 5,5 mill. kroner til nødvendige investeringar for at endringa skal kunne tre i kraft så raskt som mogleg.
Departementet foreslår å auke løyvinga med 36,5 mill. kroner.
Post 60 Refusjoner til kommunene, forvaringsdømte mv.
Løyvinga på posten dekker refusjonar til kommunale omsorgstiltak for prøvelauslating frå forvaring og varetektssurrogat. Det er domstolane som avgjer prøvelauslatingar frå forvaring for opphald i institusjon eller kommunal bustad.
Den oppdaterte prognosen tilseier eit meirforbruk på posten i 2024 på 19,5 mill. kroner. Departementet foreslår derfor å redusere løyvinga på kap. 430, post 60 med 19,5 mill. kroner.
Kap. 3430 Kriminalomsorgen
Post 04 Tilskudd
Inntektene på posten omfattar tilskot til deltaking i internasjonalt fengselssamarbeid under EØS-finansieringsmekanismane. Posten omfattar òg inntekter frå prosjekt som kriminalomsorga får tilskot til å gjennomføre i samarbeid med internasjonale organisasjonar eller andre land.
Refusjon for påkomne utgifter til det internasjonale arbeidet kriminalomsorga gjer, vil gi ei meirinntekt i 2024 på 25 mill. kroner.
Departementet foreslår derfor å auke løyvinga med 25 mill. kroner mot ein auke på kap. 430, post 01 (på 23 mill. kroner) og kap. 432, post 01 (på 2 mill. kroner).
Kap. 431 Kriminalomsorgsdirektoratet
Post 01
Løyvinga på posten blir foreslått auka med 2,7 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Kap. 432 Kriminalomsorgens høgskole og utdanningssenter
Post 01 Driftsutgifter
KRUS har ein utfordrande økonomisk situasjon. Det er sett i verk tiltak for å redusere utgifter, bl.a. å halde stillingar vakante. Prognosen viser likevel eit forventa meirforbruk på posten. Departementet foreslår derfor å auke løyvinga på kap. 432, post 01 med 8 mill. kroner mot ein tilsvarande reduksjon på kap. 430, post 01. Sjå omtale under kap. 430, post 01.
Departementet har fullmakt til å overskride løyvinga på kap. 432, post 01 mot tilsvarande meirinntekter på kap. 3430, post 03 og post 04. Departementet foreslår å auke løyvinga under kap. 432, post 01 med 2 mill. kroner mot ein tilsvarande auke under kap. 3430, post 04. Sjå omtale under kap. 3430, post 04.
Løyvinga på posten blir foreslått auka med 4,9 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Departementet foreslår samla å auke løyvinga med 14,9 mill. kroner.
Kap. 433 Konfliktrådet
Post 01 Driftsutgifter
I statsbudsjettet for 2025 er det foreslått 34 mill. kroner. til å gjennomføre lovendringar og forbetre ungdomsreaksjonane ungdomsstraff og ungdomsoppfølging, jf. Prop. 114 L (2023–2024), og til å etablere hurtigspor for behandling av straffesaker i Oslo der gjerningspersonen er under 18 år. For å setje i verk endringane så raskt som mogleg foreslår regjeringa å løyve 1 mill. kroner til å dekke meirkostnader i konfliktrådet.
Departementet har fullmakt til å overskride løyvinga på kap. 433, post 01 mot tilsvarande meirinntekter på kap. 3433, post 02. Departementet foreslår å auke løyvinga på kap. 433, post 01 med 129 000 kroner mot ein tilsvarande auke på kap. 3433, post 02. Sjå omtale under kap. 3430, post 04.
Løyvinga på posten blir foreslått auka med 2,9 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Departementet foreslår samla å auke løyvinga med 4,0 mill. kroner.
Kap. 3433 Konfliktrådet
Post 02 Refusjoner
Inntektene på posten er refusjonar som skal dekke utgiftene konfliktrådet har i samband med kurs og konferansar.
Departementet foreslår å auke løyvinga på posten med 129 000 kroner mot ein tilsvarande auke på kap. 433, post 01, grunna auka inntekter i samband med eit prosjekt knytt til EØS-samarbeidet.
Kap. 440 Politiet
Post 01 Driftsutgifter
Posten dekker alle ordinære driftsutgifter i politidistrikta, dei lokale einingane til Politiets tryggingsteneste (PST) i politidistrikta og politiet sine eigne særorgan, med unntak av Politihøgskolen og PST, som får løyvingane sine over høvesvis kap. 442 og kap. 444. Utgifter til påtalemakta i politiet blir budsjetterte på kap. 443, post 01, og utgifter til Politidirektoratet blir budsjetterte på kap. 441, post 01. Justis- og beredskapsdepartementet har i 2024 fullmakt til å overskride løyvinga på kap. 440, post 01 mot tilsvarande meirinntekter på kap. 3440, post 02, post 03 og post 04.
Færre produserte pass
Som følgje av redusert etterspurnad etter pass og ID-kort er det i år produsert færre ID-dokument enn planlagt. Departementet foreslår derfor å redusere løyvinga med 19 mill. kroner som følgje av reduserte utgifter politiet, jf. omtale under kap. 3440, post 01.
Overføring av ansvar for helsetenester på Trandum
Ansvaret for helsetenestene på Utlendingsinternatet på Trandum skal overførast til kommunen. Overdraginga er forsinka, og er utsett til 1. januar 2025. Departementet foreslår derfor å auke løyvinga med 5,4 mill. kroner mot ein tilsvarande reduksjon på Helse- og omsorgsdepartementets kap. 762, post 61.
Korrekt postbruk – flytting av RNB-midlar
I revidert nasjonalbudsjett 2024 vart kap. 440, post 01 auka med totalt 1 778,8 mill. kroner. Ein del av midlane skal styrke grunnfinansieringa i politiet. Finansieringa av dette formålet gjeld òg kap. 441, 442, 443 og 448. Departementet foreslår derfor å redusere løyvinga på kap. 440, post 01 med 22,2 mill. kroner mot tilsvarande samla auke på høvesvis kap. 441, 442, 443 og 448.
Lågare aktivitet i politiinnsats utført for organisasjonar, lag, offentlege etatar m.m.
Som følgje av redusert aktivitet i politiinnsats som er utført for organisasjonar, lag, entreprenørar og offentlege etatar, er det venta reduserte refusjonar i 2024. På bakgrunn av dette foreslår departementet å redusere løyvinga på posten med 40 mill. kroner mot ein tilsvarande reduksjon på kap. 3440, post 02.
Færre oppdrag i samband med vakthald m.m.
Som følgje av færre oppdrag i samband med vakthald på festivalar, konsertar, fotballkampar osv. er det venta reduserte refusjonar. På bakgrunn av dette foreslår departementet å redusere løyvinga på posten med 10 mill. kroner mot ein tilsvarande reduksjon på kap. 3440, post 03.
Lågare utgifter som følgje av lågare inntekter frå vaktselskap og etterkontroll av skytevåpen
Som følgje av færre oppdrag frå vaktselskap og færre etterkontrollar av skytevåpen er det venta reduserte inntekter. På bakgrunn av dette foreslår departementet å redusere løyvinga på posten med 2 mill. kroner mot ein tilsvarande reduksjon på kap. 3440, post 04.
Lønnsoppgjeret i staten
Løyvinga på posten blir foreslått auka med 423,8 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Oppsummering
Samla sett foreslår departementet å auke løyvinga på kap. 440, post 01 med 336 mill. kroner.
Post 22 Søk etter antatt omkomne, kan overføres
Løyvinga på posten skal dekke utgifter til søk etter personar ein reknar med er omkomne. Posten dekker òg nokre personellutgifter og ev. utgifter til å betre søkemetodane.
På bakgrunn av rekneskapstal og forventa utvikling i 2024 foreslår departementet å redusere løyvinga på posten med 2,3 mill. kroner.
Post 25 Variable utgifter ved ankomst, mottak og retur i politiets utlendingsforvaltning
Løyvinga på posten dekker dei variable utgiftene til retur av tidlegare asylsøkarar med avslag og personar som er bort- og utviste etter utlendingslova.
På bakgrunn av oppdaterte rekneskapstal og prognosar for retur er det forventa eit mindreforbruk på posten. Departementet foreslår derfor å redusere løyvinga med 30 mill. kroner.
Post 48 Tildelinger fra EUs grense- og visumfinansieringsordninger, kan overføres
Løyvinga på posten dekker løyvingane til nasjonale prosjekt under EUs grense- og visumfinansieringsordning (BMVI).
Det er venta auka prosjektstøtte frå BMVI i 2024. Auken medfører tilsvarande auka refusjon frå EU over kap. 3440, post 08 seinare år.
Departementet foreslår derfor å auke løyving med 1,5 mill. kroner.
Post 73 Internasjonale forpliktelser, mv., kan overføres
Løyvinga på posten dekker utgifter i samband med internasjonale forpliktingar, medrekna bl.a. utbetalingar til EUs grense- og visumfinansieringsordning (BMVI), Det europeiske byrået for operativ forvaltning av store IT-system på området for fridom, tryggleik og rettferd (eu-LISA) og Det europeiske grense- og kystvaktbyrået (Frontex).
Noreg si tilknyting til BMVI var forseinka, jf. Prop. 18 S (2023–2024), og Noreg vart formelt tilknytt ordninga først 1. juni 2024. Noreg sitt bidrag til fondet for både 2023 og 2024 er derfor venta å forfalle i år.
Departementet foreslår derfor å auke løyvinga på posten med 332 mill. kroner.
Post 74 Midlertidig destruksjonspant for enkelte typer halvautomatiske rifler
Løyvinga på posten dekker utgifter i samband med våpen som blir leverte inn som følgje av ei ordning for mellombels destruksjonspant i perioden 2022–2024.
På bakgrunn av rekneskapstal og forventa utvikling i 2024 foreslår departementet å redusere løyvinga på posten med 2 mill. kroner.
Kap. 3440 Politiet
Post 01 Gebyr – pass og våpen
Løyvinga på posten dekker inntekter frå behandlingsgebyr for utferding av pass og våpenløyve.
Pass og ID-kort
Som følgje av redusert etterspurnad etter pass og ID-kort er det i år produsert færre ID-dokument enn planlagt. Departementet foreslår derfor å redusere løyvinga på posten med 275 mill. kroner som følgje av reduserte inntekter til politiet, jf. omtale under kap. 440, post 01.
Post 02 Refusjoner mv.
På bakgrunn av rekneskapstal og forventa utvikling i 2024 reknar ein med lågare refusjonar i politietaten i 2024. Departementet foreslår derfor å redusere løyvinga på posten med 40 mill. kroner mot ein tilsvarande reduksjon på kap. 440, post 01.
Post 03 Salgsinntekter
På bakgrunn av rekneskapstal og forventa utvikling i 2024 reknar ein med lågare salsinntekter i politietaten i 2024. Departementet foreslår derfor å redusere løyvinga på posten med 10 mill. kroner mot ein tilsvarande reduksjon på kap. 440, post 01.
Post 04 Gebyr – vaktselskap og etterkontroll av deaktiverte skytevåpen
På bakgrunn av rekneskapstal og forventa utvikling i 2024 reknar ein med lågare salsinntekter og færre etterkontrollar av deaktiverte skytevåpen i politietaten i 2024. Departementet foreslår derfor å redusere løyvinga på posten med 2 mill. kroner mot ein tilsvarande reduksjon på kap. 440, post 01.
Post 06 Gebyr – utlendingssaker
Løyvinga på posten dekker gebyr i samband med søknader om statsborgarskap, familieinnvandring, arbeidsløyve, utdanningsløyve og permanent opphaldsløyve.
På bakgrunn av oppdaterte prognosar på fordeling av sakstypar i tillegg til ein reduksjon i talet på visse søknader foreslår departementet å redusere løyvinga på posten med 3,9 mill. kroner.
Post 07 Gebyr – sivile gjøremål
Løyvinga på posten dekker gebyrinntekter i samband med den sivile rettspleia på grunnplanet, det vil seie gebyr frå tvangsforretningar og forliksrådsbehandling. Politiet har store restansar, både i utleggsforretningar og i gjeldsordningssaker, og vil ikkje nå inntektsløyvinga på posten.
Politiet har motteke færre utleggssaker enn venta, og det er nedgang i talet på avslutta forliksklagar. Det har òg vore utfordringar med å oppretthalde grunnbemanninga, noko som har ført til at eit mellombels restanseprosjekt til no ikkje har resultert i ein auke i behandla saker som venta, og restansane har auka. Samla sett gir dette lågare inntekter enn berekna.
På denne bakgrunnen foreslår departementet å redusere løyvinga på posten med 30 mill. kroner.
Post 08 Refusjoner fra EUs grense- og visumfinansieringsordninger
Posten dekker refusjonar frå EU sine grense- og visumfinansieringsordningar. Refusjonane på posten er baserte på det rekneskapsførte forbruket i prosjekta som har fått løyving over kap. 440, post 48. I 2024 får Noreg refusjonar frå EU for prosjekt knytte til Det indre tryggleiksfondet (ISF-fondet).
Dei totale refusjonane frå EU utgjer om lag 55 mill. kroner i 2024. Derfor foreslår departementet å redusere løyvinga på kap. 3440, post 08 med 24 mill. kroner.
Kap. 441 Politidirektoratet
Post 01 Driftsutgifter
Løyvinga på posten dekker driftsutgifter til Politidirektoratet. I revidert nasjonalbudsjett 2024 vart kap. 440, post 01 auka med totalt 1 778,8 mill. kroner. For å få korrekt postbruk foreslår departementet å auke løyvinga på kap. 441 med 5,3 mill. kroner mot tilsvarande reduksjon på kap. 440, post 01.
Løyvinga på posten blir foreslått auka med 7,5 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Departementet foreslår samla å auke løyvinga med 12,8 mill. kroner.
Kap. 442 Politihøgskolen
Post 01 Driftsutgifter
Løyvinga på posten dekker driftsutgifter til Politihøgskolen.
Korrekt postbruk – flytting av RNB-midlar
I revidert nasjonalbudsjett 2024 ble kap. 440, post 01 auka med totalt 1 778,8 mill. kroner. Ein del av midlane skal styrke grunnfinansieringa i politiet. For å få korrekt postbruk foreslår departementet å auke løyvinga på kap. 442 med 9,5 mill. kroner mot tilsvarande reduksjon på kap. 440, post 01.
Høgare salsinntekter
Politihøgskolen har i 2024 hatt høgare salsinntekter enn venta. På bakgrunn av dette foreslår departementet å auke løyvinga med 4 mill. kroner mot ein tilsvarande auke på kap. 3442, post 02.
Lågare inntekter frå eksterne forskingsmidlar
Som følgje av lågare inntekter frå eksterne midlar til forsking ved Politihøgskolen i 2024, er det venta reduserte inntekter. På bakgrunn av dette foreslår departementet å redusere løyvinga med 2,3 mill. kroner mot tilsvarande reduksjon på kap. 3442, post 03.
Lønnsoppgjeret i staten
Løyvinga på posten blir foreslått auka med 10,3 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Oppsummering
Samla sett foreslår departementet å auke løyvinga på kap. 442, post 01 med 21,5 mill. kroner.
Kap. 3442 Politihøgskolen
Post 02 Diverse inntekter
På bakgrunn av rekneskapstal og forventa utvikling i 2024 reknar ein med høgare salsinntekter for Politihøgskolen i 2024. Departementet foreslår derfor å auke løyvinga på posten med 4 mill. kroner mot ein tilsvarande auke på kap. 442, post 01.
Post 03 Eksterne forskningsmidler
På bakgrunn av rekneskapstal og forventa utvikling i 2024 reknar ein med lågare inntekter frå eksterne forskingsmidlar i Politihøgskolen i 2024. Departementet foreslår derfor å redusere løyvinga på posten med 2,3 mill. kroner mot ein tilsvarande reduksjon på kap. 442, post 01.
Kap. 443 Påtalemyndigheten i politiet
Post 01 Driftsutgifter
Løyvinga på posten dekker driftsutgifter til påtalemakta i politiet.
I revidert nasjonalbudsjett 2024 vart kap. 440, post 01 auka med totalt 1 778,8 mill. kroner. Ein del av midlane skal styrke grunnfinansieringa i politiet. For å få korrekt postbruk foreslår departementet å auke løyvinga på kap. 443 med 6,6 mill. kroner mot tilsvarande reduksjon på kap. 440, post 01.
Løyvinga på posten blir foreslått auka med 35,5 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Departementet foreslår samla å auke løyvinga med 42,1 mill. kroner.
Kap. 444 Politiets sikkerhetstjeneste (PST)
Post 01 Driftsutgifter
Løyvinga på posten dekker driftsutgifter for den sentrale eininga (DSE) i PST i tillegg til enkelte utgifter knytte til drifta av dei lokale PST-einingane i politidistrikta.
Eit høgt aktivitetsnivå i PST som følgje av trusselnivået
Aktivitetsnivået i PST har vore høgt også i 2024, noko som heng saman med den tryggingspolitiske situasjonen og trusselnivået.
Departementet foreslår derfor å auke løyvinga med 31 mill. kroner.
Lågare aktivitet innan bistandsarbeid til andre verksemder
Som følgje av redusert aktivitet i PST sitt bistandsarbeid for andre verksemder, til dømes Utanriksdepartementet, er det venta reduserte refusjonar i 2024. På bakgrunn av dette foreslår departementet å redusere løyvinga på posten med 5,2 mill. kroner mot ein tilsvarande reduksjon på kap. 3444, post 02.
Lønnsoppgjeret i staten
Løyvinga på posten blir foreslått auka med 30,3 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Oppsummering
Samla sett foreslår departementet å auke løyvinga på kap. 444, post 01 med 56,1 mill. kroner.
Kap. 3444 Politiets sikkerhetstjeneste
Post 02 Refusjoner
På posten blir det ført rekneskap over inntekter som PST får refundert for enkeltoppdrag og særskild bistand til Utanriksdepartementet. Jf. omtale under kap. 444, post 01, reknar ein med lågare refusjonar til PST i 2024.
Departementet foreslår derfor å redusere løyvinga på posten med 5,2 mill. kroner mot ein tilsvarande reduksjon på kap. 444, post 01.
Kap. 445 Den høyere påtalemyndighet
Post 01 Driftsutgifter
Løyvinga på posten blir foreslått auka med 7,9 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Kap. 446 Den militære påtalemyndighet
Post 01 Driftsutgifter
Løyvinga på posten blir foreslått auka med 95 000 kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Kap. 448 Grensekommissæren
Post 01 Driftsutgifter
Løyvinga på posten dekker driftsutgifter for Grensekommissæren. I revidert nasjonalbudsjett 2024 ble kap. 440, post 01 auka med totalt 1 778,8 mill. kroner. For å få korrekt postbruk foreslår departementet å auke løyvinga på kap. 448 med 0,8 mill. kroner mot tilsvarande reduksjon på kap. 440, post 01.
Løyvinga på posten blir foreslått auka med 68 000 kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Departementet foreslår samla å auke løyvinga med 895 000 kroner.
Kap. 451 Direktoratet for samfunnssikkerhet og beredskap
Post 01 Driftsutgifter
Kontingent for deltaking i EUs ordning for sivil beredskap
Løyvinga skal bl.a. dekke den årlege kontingenten for at Noreg skal delta i EU si ordning for sivil beredskap (UCPM). Kontingenten for 2024 vart lågare enn tidlegare venta, bl.a. grunna ei avrekning for 2022.
Derfor foreslår departementet å redusere løyvinga med 34,5 mill. kroner.
Realistisk budsjettering av refusjonsinntekter
Løyvinga skal bl.a. dekke utgifter som DSB får refundert frå andre verksemder, inkl. administrative tenester til Valdirektoratet, som er samlokalisert med DSB, og variable overføringar og tilskot frå EU og EØS.
Ein gjennomgang av årlege inntekter i perioden 2019 til og med 2023 viser at årlege meirinntekter på kap. 3451, post 06 er på om lag 10 mill. kroner.
Departementet foreslår å auke løyvinga på kap. 451, post 01 med 10 mill. kroner mot ein tilsvarande auke på kap. 3451, post 06.
Lønnsoppgjeret i staten
Løyvinga på posten blir foreslått auka med 22,4 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Oppsummering
Samla sett foreslår departementet å redusere løyvinga på kap. 451, post 01 med 2,1 mill. kroner.
Post 22 Spesielle driftsutgifter – Nødnett
Løyvinga på posten dekker utgifter til drift og vedlikehald og mindre utgifter til utvikling og investering i Nødnett og tilhøyrande tenester. Kjøp av utstyr i Nødnett på vegner av brukarane er venta å bli 40 mill. kroner høgare enn budsjettert.
Departementet foreslår derfor å auke løyvinga med 40 mill. kroner mot ein tilsvarande auke på kap. 3451, post 05.
Staten har kontrakt om drift av Nødnett til og med 2026. Direktoratet for samfunnssikkerhet og beredskap har etter mandat frå departementet forhandla fram ny kontrakt om å vidareføre Nødnett ut 2031, jf. forslag til vedtak.
Post 23 Variable utgifter til EUs ordning for sivil beredskap
Løyvinga skal dekke alle utlegg DSB har i samanheng med ekstraordinære oppdrag gjennom EU si ordning for sivil beredskap (UCPM), som lønn, reiser, frakt og andre driftsutgifter.
DSBs aktivitet i EUs ordning for sivil beredskap har vore høgare enn det som vart føresett ved inngangen til året.
Departementet foreslår å auke løyvinga med 10 mill. kroner.
Post 45 Større utstyrsanskaffelser og vedlikehold
Løyvinga skal dekke utgifter for større investeringar i Nødnett og for tilleggskjøp av utstyr og funksjonalitet på vegner av brukarane. Løyvinga på posten vart auka med 91,2 mill. kroner i 2024 grunna Telenor si utfasing av koparnettet. Oppdaterte estimat frå leverandørane i tillegg til erfaring og effektivisering tilseier at utfasinga vil bli rimelegare enn føresett.
Departementet foreslår derfor å redusere løyvinga på kap. 451, post 45 med 17,8 mill. kroner mot ein tilsvarande reduksjon på kap. 3451, post 04.
Kap. 3451 Direktoratet for samfunnssikkerhet og beredskap
Post 04 Refusjoner større utstyrsanskaffelser og vedlikehold Nødnett
Løyvinga omfattar refusjonar frå brukarar av Nødnett for tilleggskjøp av utstyr og funksjonalitet som er bestilt av DSB gjennom avtalane deira.
Departementet foreslår å redusere løyvinga på kap. 3451, post 04 med 17,8 mill. kroner mot ein tilsvarande reduksjon på kap. 451, post 45, jf. omtale under kap. 451, post 45.
Post 05 Abonnementsinntekter og refusjoner Nødnett
Løyvinga omfattar inntektene DSB får frå abonnementsordninga i Nødnett. Vidare dekker løyvinga refusjonar for tenester og produkt som kundar av Nødnett har skaffa seg utover abonnementsordninga.
Departementet foreslår å auke løyvinga på kap. 3451, post 05 med 40 mill. kroner mot ein tilsvarande auke i løyvinga på kap. 451, post 22, jf. omtale under kap. 451, post 22.
Post 06 Refusjoner
Løyvinga på posten består av variable inntekter og refusjonar frå andre verksemder, irekna refusjonar for administrative tenester til Valdirektoratet, som er samlokalisert med DSB, og variable overføringar og tilskot frå EU og EØS.
Departementet forslår å auke løyvinga på kap. 3451, post 06 med 10 mill. kroner mot ein tilsvarande auke på kap. 451, post 01, jf. omtale under kap. 451, post 01.
Post 07 Refusjoner frå EU i forbindelse med variable utgifter knyttet til EUs ordning for sivilberedskap
Løyvinga på posten består av refusjonar frå EU for utgifter som DSB har hatt under kap. 451, post 23, og som er knytte til ekstraordinære oppdrag som DSB har gjennom EU si ordning for sivil beredskap (UCPM).
Refusjonane som DSB får frå EU, kjem ofte etterskotsvis året etter at oppdraga er gjennomførte. Ein del av utgiftene frå årets aktivitetar vil derfor først bli refunderte i seinare budsjettår. Især gjeld dette DSB sine utgifter til medisinsk evakuering frå Ukraina.
Departementet foreslår å redusere løyvinga på kap. 3451, post 07 med 31,2 mill. kroner.
Kap. 452 Sentral krisehåndtering
Post 01 Driftsutgifter
Løyvinga på posten blir foreslått auka med 505 000 kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Kap. 453 Sivil klareringsmyndighet
Post 01 Driftsutgifter
Løyvinga på posten blir foreslått auka med 1,1 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Kap. 454 Redningshelikoptertjenesten
Post 01 Driftsutgifter
Løyvinga på posten dekker kostnader til drift av den offentlege redningshelikoptertenesta og prosjektet for kjøp av nye redningshelikopter.
Ein forventar lågare utbetaling til leverandøren, i tillegg til auka valutautgifter i samband med dei redningshelikopterbasane som er sette i drift med SAR Queen. Det er eit forventa mindreforbruk i driftsutgiftene på til saman 16,9 mill. kroner. Av denne innsparinga blir 4 mill. kroner omdisponerte til å dekke meirutgifter i Luftforsvaret, som er operatør av dei nye redningshelikoptera. Departementet foreslår å auke løyvinga med 1,0 mill. kroner som følgje av høgare valutautgifter i samband med Tromsø-basen.
Løyvinga på posten blir foreslått auka med 6,1 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Oppsummering
Departementet foreslår å redusere løyvinga på posten med til saman 5,8 mill. kroner.
Post 45 Større utstyrsanskaffelser og vedlikehold
Løyvinga på posten dekker investeringar i samband med kjøp av nye redningshelikopter og bygging av ein ny redningshelikopterbase i Bodø som følgje av at Bodø lufthamn skal flyttast.
Prosjektet for kjøp av nye redningshelikopter
Grunna forseinkingar i prosjektet blir milepælar, og dermed kostnader, forskyvde frå 2024 til 2025 og 2026. Saman med endringar i utgiftene til bl.a. helikopterleverandøren, eigedom, bygg og anlegg, utbetring av landingsplassar ved sjukehus og oppgradering av IKT fører dette til at kostnadene til prosjektet blir lågare enn venta. Departementet foreslår å redusere løyvinga med 208,8 mill. kroner.
Bygging av ny redningshelikopterbase i Bodø
Det blir foreslått å redusere løyvinga som er sett av til bygging av ny redningshelikopterbase i samband med at Bodø lufthamn skal flyttast, med 13 mill. kroner. Dette kjem av at utbetalingane blir forskyvde til seinare år.
Oppsummering
Departementet foreslår å redusere løyvinga med til saman 221,8 mill. kroner.
Kap. 455 Redningstjenesten
Post 01 Driftsutgifter
Løyvinga på posten blir foreslått auka med 2,8 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Post 71 Tilskudd til frivillige organisasjoner i redningstjenesten
Løyvinga på posten dekker tilskot til Frivillige Organisasjoners Redningsfaglige Forum (FORF) og til frivillige organisasjonar i redningstenesta som er representerte av paraplyorganisasjonen FORF. Løyvinga kan òg dekke tilskot til andre særs relevante frivillige organisasjonar innanfor redningstenesta.
Løyvinga på posten vart auka med 15 mill. kroner i 2024 for å dekke kostnadene som dei frivillige organisasjonane i redningstenesta har i samband med utskifting av koparnettet, jf. Prop. 1 S (2023–2024) for Justis- og beredskapsdepartementet og Innst. 6 S (2023–2024). Dei frivillige organisasjonane sin del av kostnadene vart om lag 12 mill. kroner.
Departementet foreslår derfor å redusere løyvinga med 3,0 mill. kroner.
Kap. 457 Nasjonal sikkerhetsmyndighet
Post 01 Driftsutgifter
Løyvinga på posten skal dekke alle ordinære driftsutgifter og investeringar for NSM.
Overdraging av Norsk senter for informasjonssikring (NorSIS)
Det er i saldert budsjett 2024 gitt løyving på kap. 400, post 70 til tilskot til Norsk senter for informasjonssikring (NorSIS), som ein del av arbeidet som departementet gjer for å førebu IKT-trygging på sivil side. NorSIS er frå 2024 ein del av Nasjonalt tryggingsorgan (NSM), med same arbeidsstad som før, på Gjøvik.
På denne bakgrunnen foreslår departementet å auke løyvinga på kap. 457, post 01 med 10,1 mill. kroner mot ein tilsvarande reduksjon på kap. 400, post 70.
Varslingssystem for digital infrastruktur (VDI)
Som følgje av avtalen mellom Forsvaret og NSM om varslingssystem for digital infrastruktur (VDI) vil utgiftene for NSM auke med 7 mill. kroner, med tilsvarande auka inntekter under kap. 3457, post 01.
Departementet foreslår å auke løyvinga med 7 mill. kroner mot ein tilsvarande auke på kap. 3457, post 01.
Flytting av tilleggsløyving frå revidert nasjonalbudsjett
I samband med Stortingets behandling av Innst. 447 S (2023–2024), jf. Prop. 104 S (2023–2024) Tilleggsbevilgninger og omprioriteringer i statsbudsjettet 2024, vart det vedteke å auke løyvinga under kap. 457, post 01 med 90 mill. kroner. Delar av løyvinga blir nytta til større utstyrsanskaffingar og levetidsforlengingar av IT-system, som er investeringar.
På denne bakgrunnen foreslår departementet å redusere løyvinga på kap. 457, post 01 med 20 mill. kroner mot ein tilsvarande auke i løyvinga på kap. 457, post 45.
Lønnsoppgjeret i staten
Løyvinga på posten blir foreslått auka med 10,3 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Oppsummering
Departementet foreslår å auke løyvinga med 7,4 mill. kroner.
Post 45 Større utstyrsanskaffelser og vedlikehold
Departementet foreslår å auke løyvinga på kap. 457, post 45 med 20 mill. kroner mot ein tilsvarande reduksjon i løyvinga på kap. 457, post 01, jf. omtale under kap. 457, post 01.
Kap. 3457 Nasjonal sikkerhetsmyndighet
Post 01 Inntekter
Varslingssystem for digital infrastruktur (VDI)
Som følgje av avtalen mellom Forsvaret og NSM om varslingssystem for digital infrastruktur (VDI) vil utgiftene for NSM auke med 7 mill. kroner, med tilsvarande auka inntekter under kap. 3457, post 01.
Departementet foreslår å auke løyvinga med 7 mill. kroner mot ein tilsvarande auke på kap. 457, post 01.
Kap. 460 Spesialenheten for politisaker
Post 01 Driftsutgifter
Løyvinga på posten blir foreslått auka med 1,3 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Kap. 466 Særskilte straffesaksutgifter m.m.
Post 01 Driftsutgifter
Løyvinga på posten dekker hovudsakleg utgifter til juridisk bistand i straffesaker for personar som har rett til advokatbistand i medhald av straffeprosesslova kap. 9 og 9 a. Dette er personar som har status som sikta eller tiltalte, som fornærma eller som pårørande av eller etterlatne etter den fornærma. Posten er regelstyrt.
Det har vore ein auke i talet på saker, og dei fleste sakene er større og meir kostnadskrevjande enn i same periode i fjor. På denne bakgrunnen foreslår departementet å auke løyvinga på kap. 466, post 01 med 141,7 mill. kroner.
Løyvinga på posten blir foreslått auka med 2,2 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Departementet foreslår samla å auke løyvinga med 143,8 mill. kroner.
Kap. 468 Kommisjonen for gjenopptakelse av straffesaker
Post 01 Driftsutgifter
Løyvinga på posten blir foreslått auka med 550 000 kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Kap. 471 Statens erstatningsansvar og Stortingets rettferdsvederlagsordning
Post 71 Erstatningsansvar m.m., overslagsbevilgning
Posten blir nytta når staten blir dømd til eller har inngått forlik om å betale erstatning fordi staten er ansvarleg etter ikkje-lovfesta eller lovfesta erstatningsrettslege reglar. Posten blir òg belasta når staten betaler ut erstatning utan at det har oppstått usemje om erstatningsansvaret i desse sakene. Posten er regelstyrt.
Det er fleire forhold som påverkar forbruket på posten. I saker der det blir forhandla om rettsforlik er det utfordrande å føresjå når det blir semje. Det er òg uvisse knytt til tidspunktet for utbetaling i erstatningssaker som blir tekne til domstolen, sidan utbetalingane ikkje blir klargjorde før det føreligg ein rettskraftig dom. I 2024 har det vore fleire uvanleg store enkeltutbetalingar på posten, bl.a. erstatninga i Tengs-saka.
Departementet foreslår på denne bakgrunnen å auke løyvinga på kap. 471, post 71 med 118,4 mill. kroner.
Post 73 Stortingets rettferdsvederlagsordning
Posten dekker utbetalingar av rettferdsvederlag. Rettferdsvederlagsordninga er Stortinget si eiga ordning der enkeltpersonar som har komme særleg uheldig ut i møtet med det offentlege i forhold til andre på same tid, kan søke om kompensasjon etter skjønn. Statens sivilrettsforvaltning er sekretariat for Stortingets utval for rettferdsvederlag.
På bakgrunn av utviklinga i utbetalingar av rettferdsvederlag foreslår departementet å auke løyvinga på kap. 471, post 73 med 2,9 mill. kroner.
Kap. 473 Statens sivilrettsforvaltning
Post 01 Driftsutgifter
Løyvinga på posten blir foreslått auka med 2,8 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Post 70 Erstatning til voldsofre, overslagsbevilgning
Løyvinga på posten skal dekke erstatning i saker etter valdserstatningslova. Løyvinga på posten er regelstyrt.
Den nye valdserstatningslova tredde i kraft 1. januar 2023. Det er meir komplisert å anslå utgiftene på posten sidan det no blir utbetalt erstatning etter både den gamle og den nye lova. Det er òg store restansar etter den gamle lova, som vil påverke utbetalingane på posten i fleire år framover.
Departementet foreslår på denne bakgrunnen å auke løyvinga på kap. 473, post 70 med 35 mill. kroner.
Kap. 475 Bobehandling
Post 01 Driftsutgifter
Løyvinga på posten dekker staten sitt ansvar for utgifter til konkursbehandling i tilfelle der buet eller den som ber om konkurs (rekvirenten), ikkje dekker utgiftene. Dette er regelstyrte utgifter etter konkurslova § 73.
Talet på saker har vore stigande sidan 2021.
Departementet foreslår på denne bakgrunnen å auke løyvinga på kap. 475, post 01 med 2,7 mill. kroner.
Kap. 480 Svalbardbudsjettet
Post 50 Tilskudd
Departementet foreslår å redusere løyvinga på kap. 480, post 50 med 15,5 mill. kroner.
For sjølve svalbardbudsjettet foreslår departementet følgjande:
Departementet foreslår å auke løyvinga på kap. 0003, post 50 Tilskudd til Longyearbyen lokalstyre, med 15,0 mill. kroner, til støtte for å halde oppe flyfraktkapasitet mellom Svalbard og fastlandet. Den auka løyvinga blir foreslått som eit ekstraordinært omstillingstilskot for å sørge for at Longyearbyen lokalstyre kan skaffe til veie nødvendig flyfraktkapasitet i 2025, inntil dei lokale aktørane har komme fram til ei langsiktig løysing. Ein skal kunne tilby kapasitet til alle aktørar som treng denne typen flyfrakt på marknadsmessige vilkår, svarande til kjøp av same kapasitet frå kommersielle rutefly. Dersom meirutgiftene til frakten blir lågare enn tilskotet, skal Longyearbyen lokalstyre betale tilbake overskytande tilskot.
Departementet foreslår å auke løyvinga på kap. 0003, post 50 Tilskudd til Longyearbyen lokalstyre med 200 000 kroner som følgje av overføring frå Helse- og omsorgsdepartementet sitt kap. 710 til vaksinasjon mot covid-19. Løyvinga skal dekke oppfriskingsdose til befolkninga 65 år og eldre òg risikogrupper.
Departementet foreslår å auke kap. 0022 Skattekontoret, Svalbard post 01 driftsutgifter med 270 000 kroner, mot tilsvarande auke på kap. 3022 post 01 diverse inntekter. Dei auka inntektene skuldast at ein har inngått avtale med Sysselmeisteren om arbeid med refusjon av miljøavgift for fastbuande.
Departementet foreslår å auke løyvinga på kap. 3030, post 70 Skatter m.m., med 30,0 mill. kroner som følgje av høgare rekna skatteinntekter for 2024. Departementet foreslår å auke løyvinga på kap. 3030 post 71 utførselsavgift med 700 000 kroner, som følgje av høgare rekna utførselsavgift for 2024. Tilskotet til svalbardbudsjettet blir redusert tilsvarande, som ei parallelljustering.
Kap. 481 Samfunnet Jan Mayen
Post 01 Driftsutgifter
Løyvinga på posten blir foreslått auka med 745 000 kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Kap. 490 Utlendingsdirektoratet
Post 01 Driftsutgifter
Løyvinga på posten skal dekke utgifter til drift av UDI. Det inkluderer lønn til tilsette, IT-system, utstyr og anskaffingar, med unntak av større investeringar og mottak for asylsøkarar.
Departementet foreslår å auke løyvinga med til saman 1,1 mill. kroner pga. auka refusjonar, jf. omtale under kap. 3490, post 05.
Løyvinga på posten blir foreslått auka med 22,2 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Departementet foreslår samla å auke løyvinga med 23,3 mill. kroner.
Post 21 Spesielle driftsutgifter, asylmottak
Løyvinga på posten skal dekke utgifter staten har til drift av mottak for asylsøkarar.
Det er eit mindrebehov til innkvartering av asylsøkarar, som i all hovudsak kjem av ein lågare prognose på talet på asylsøkarar og dermed færre bebuarar i mottak enn det som vart lagt til grunn i budsjettet.
Departementet foreslår å redusere løyvinga med 446,4 mill. kroner.
Post 22 Spesielle driftsutgifter, tolk og oversettelse
Løyvinga på posten dekker utgiftene UDI har i samband med tolking og omsetjing under behandlinga av asylsaker. Løyvinga skal òg dekke kvalitetssikring av intervju og omsetjingar.
Det er no eit mindreforbruk på posten, som i hovudsak kjem av at UDI fører vidare det mellombelse tiltaket om å ikkje gjennomføre vedtakssamtalar. Tiltaket blir ført vidare pga. redusert kapasitet som følgje av krigen i Ukraina.
Departementet foreslår å redusere løyvinga med 6 mill. kroner.
Post 60 Tilskudd til vertskommuner for asylmottak
Vertskommunetilskotet skal dekke gjennomsnittlege utgifter til helse, barnevern, tolk, administrasjon m.m. i samband med drift av mottak og omsorgssenter i kommunen.
Løyvingsbehovet er mindre enn venta i hovudsak pga. at det er færre bebuarar i mottak og færre vertskapskommunar enn det som vart lagt til grunn i budsjettet.
Departementet foreslår å redusera løyvinga med 37,4 mill. kroner.
Post 70 Stønader til beboere i asylmottak
Løyvinga på posten skal dekke utgifter til faste økonomiske ytingar til livsopphald for bebuarar i asylmottak som ikkje kan dekke dette sjølv, og ev. andre nødvendige ytingar.
Løyvingsbehovet er mindre enn venta, som følgje at det er færre bebuarar i mottak enn det som vart lagt til grunn i budsjettet.
Departementet foreslår å redusere løyvinga med 16,7 mill. kroner.
Post 71 Tilskudd til aktivitetstilbud for barn i mottak, og veiledning for au pairer
Løyvinga på posten skal dekke utgifter til ei tilskotsordning til aktivitetstilbod for barn i mottak og utgifter til tilskot til informasjons- og rettleiingstiltak for au pairar.
Det er eit mindreforbruk på posten som kjem dels av at fakturaen for rettleiing for au pairar vart 135 000 kroner lågare enn det var lagt til grunn i budsjettet, og dels av ubrukte midlar til tilskot til aktivitetstilbod for barn i mottak på 182 000 kroner.
Departementet foreslår å redusere løyvinga med 317 000 kroner.
Post 72 Assistert retur og reintegrering i hjemlandet
Løyvinga på posten skal bidra til at personar som har fått endeleg avslag på søknaden om vern, og andre personar som ikkje har lovleg opphald i Noreg, returnerer til heimlandet. Løyvinga skal òg leggje til rette for at flyktningar kan vende tilbake til heimlandet. Posten finansierer stønadsordningar og tilskotsordningar som kan nyttast til informasjons- og motivasjonsarbeid, som skal bidra til assisterte returar eller tilbakevendingar frå Noreg.
På posten er det behov for 16,3 mill. kroner meir til tilbakevending, som kjem av ein betydeleg auke i talet på ukrainarar som vil nytte seg av ordninga. Det er samstundes eit mindrebehov på 3,3 mill. kroner til returar, som følgje av ein lågare prognose på talet på søknader om assistert retur. Vidare er det eit mindrebehov på 1,5 mill. kroner til assistanse på reisa i samband med tilbakevending for personar som har komme til Noreg for behandling gjennom Medevac-ordninga, og som har behov for assistanse på reisa.
Departementet foreslår samla sett å auke løyvinga med 11,5 mill. kroner.
Post 74 Internasjonale forpliktelser, kontingenter mv., kan overføres
Løyvinga skal dekke kontingentar og andre innbetalingar Noreg har til internasjonale samarbeidsorgan på migrasjonsområdet. Storleiken på rekningane til kvart deltakarland er avhengig av relativ del BNP.
Det er venta eit mindrebehov på 21 mill. kroner til Noregs bidrag til EUs asylbyrå, European Agency for Asylum (EUAA). Mindrebehovet knyter seg dels til at Noreg enno ikkje har skrive under på tilknytingsavtalen med EUAA, slik at Noreg sitt bidrag framleis blir berekna ut frå den tidlegare tilknytingsavtalen med European Union Agency for Asylum (EASO). Mindrebehovet kjem òg dels av at Noreg sin del av rekninga blir lågare enn tidlegare berekna.
Departementet foreslår å redusere løyvinga med 21 mill. kroner.
Post 75 Reiseutgifter for flyktninger til og fra utlandet, kan overføres
Løyvinga dekker reiseutgifter for overføringsflyktningar og ev. reiser i samband med anna byrdedeling. Løyvinga dekker òg utgifter i samband med mottak av overføringsflyktningar.
UDI har ein avtale om reiselogistikk for overføringsflyktningar med FN-organisasjonen International Organization for Migration (IOM). Storleiken på rekninga til IOM avheng bl.a. av talet på reiser til Noreg, kvar reisa er frå, og valutakurs. I 2024 ventar UDI å betale rekning til IOM for både 2023 og 2024. Det er lågare utgifter til IOM for begge år enn tidlegare forventa, som følgje av rimelegare reiser og valutakurs.
Departementet foreslår å redusere løyvinga med 4,1 mill. kroner.
Kap. 3490 Utlendingsdirektoratet
Post 03 Reiseutgifter for flyktninger til og fra utlandet, ODA-godkjente utgifter
Reiseutgifter til og frå utlandet for flyktningar kan i tråd med statistikkdirektiva til OECD/DAC godkjennast som offisiell bistand. Inntektsanslaget knyter seg til utgifter over kap. 490, post 01 og 75.
Som følgje av endringar på kap. 490, post 75 og justeringar i berekningsgrunnlaget på kap. 490, post 01 foreslår departementet å auke løyvinga med 969 000 kroner.
Post 04 Asylmottak, ODA-godkjente utgifter
Visse innanlandske utgifter til innkvartering av asylsøkarar og flyktningar kan i tråd med statistikkdirektiva til OECD/DAC godkjennast som offisiell bistand.
Inntektsanslaget knyter seg til utgifter over kap. 490, post 21, 60, 70 og 71. Inntektsanslaget er redusert pga. eit mindre behov for mottaksplassar. Reduksjonen kjem av underliggjande endringar i berekningsgrunnlaget som er beskrivne i kap. 490, post 21, 60, 70 og 71.
Departementet foreslår å redusere løyvinga med 661,8 mill. kroner.
Post 05 Refusjonsinntekter
Inntektsanslaget aukar med 1,1 mill. kroner pga. høgare refusjonar frå ulike samarbeidsprosjekt. Meirinntekta knyter seg til ressursbruk i UDI, og det blir derfor foreslått ein tilsvarande auke på kap. 490, post 01.
Departementet foreslår å auke løyvinga med 1,1 mill. kroner mot ein tilsvarande auke på kap. 490, post 01.
Post 07 Tolk og oversettelse, ODA-godkjente utgifter
Utgifter til tolk, omsetjing og informasjon i samband med asylsøkarprosessen kan ifølgje statistikkdirektiva til OECD/DAC godkjennast som offisiell bistand.
Dei siste prognosane tilseier lågare utgifter til tolk og omsetjing på kap. 490, post 22 i 2024.
Departementet foreslår å redusere løyvinga på posten med 5,9 mill. kroner.
Post 08 Internasjonalt migrasjonsarbeid og reintegrering i hjemlandet, ODA-godkjente utgifter
Utgifter knytte til reintegrering av personar som blir returnerte til opphavslandet eller til eit tredjeland, og tiltak som bidrar til samarbeid om retur, returavtalar, oppbygging av migrasjonsforvaltninga i sentrale opphavs- og/eller transittland og velordna migrasjon, kan godkjennast som offisiell internasjonal bistand ifølgje statistikkdirektiva til OECD/DAC.
Inntektsanslaget knyter seg til utgifter på kap. 490, post 72 og post 76. Det er fleire tilbakevendingar, som fører til høgare ODA-godkjende utgifter.
Departementet foreslår å auke løyvinga på posten med 11,6 mill. kroner.
Kap. 491 Utlendingsnemnda
Post 01 Driftsutgifter, kan nyttes under post 21
Løyvinga på posten skal dekke utgifter til drift av UNE.
Det ligg an til eit meirforbruk på opptil 1,3 mill. kroner til nemndbehandling på kap. 491, post 21. Auken kjem av at det er fleire saker enn tidlegare anslått. Kap. 491, post 01 og 21 har stikkorda «kan nyttes under».
Departementet foreslår å redusere løyvinga på denne posten med 1,3 mill. kroner mot ein tilsvarande auke på post 21, jf. omtale under post 21.
Løyvinga på posten blir foreslått auka med 5,2 mill. kroner som følgje av eit anslag på verknaden av lønnsoppgjeret for 2024. Sjå nærmare omtale i nysalderingsproposisjonen til Finansdepartementet.
Departementet foreslår samla å auke løyvinga med 3,9 mill. kroner.
Post 21 Spesielle driftsutgifter, nemndbehandling, kan nyttes under post 1
Løyvinga på posten skal dekke utgifter i samband med avvikling av nemndmøte.
Det ligg an til eit meirforbruk på opptil 1,3 mill. kroner i samband med nemndbehandling. Auken kjem av at det er fleire saker enn tidlegare anslått. Kap. 491, post 01 og 21, har stikkorda «kan nyttes under».
I samsvar med prinsippet om realistisk budsjettering foreslår departementet å auke løyvinga på post 21 med 1,3 mill. kroner mot ein tilsvarande reduksjon på post 01.