1 Samandrag

Under programområde 02 Utanriksforvaltning blir det gjort framlegg om å auke løyvingane med 87,8 mill. kroner. Auken har i hovudsak samanheng med høgare utgifter under kap. 117 EØS-finansieringsordningane i år.

Under programområde 03 Internasjonal bistand er Gaza og Palestina regjeringas viktigaste prioritering. Den palestinske befolkninga opplever total øydelegging i Gaza, framleis okkupasjon og aukande busetjarvald på Vestbredden. Den palestinske regjeringa er i si djupaste likviditetskrise til no, med fare for bankkollaps. President Trump sin 20-punktsplan om ei fredeleg løysing på konflikten mellom Israel og Palestina har opna for auka humanitær støtte og kan leggje grunnlag for gjenoppbygging. Finansieringsbehova for naudhjelp, stabilisering, gjenoppbygging, drift og reform av palestinske myndigheiter (PA) er formidable. Regjeringa foreslår difor å auke løyvingane med 251,7 mill. kroner i 2025.

Nye overslag tilseier at flyktningutgiftene i Noreg som kan godkjennast som internasjonal bistand (ODA) blir lågare i år enn budsjettert etter revidert nasjonalbudsjett for 2025 (RNB 2025). Det blir gjort framlegg om å redusere løyvinga med 259,3 mill. kroner som i hovudsak omprioriterast til anna bistand. Samla utgjer bistandsbudsjettet i 2025 med dette 57,1 mrd. kroner. Dette svarar til 1 pst. av BNI-anslaget lagt til grunn for 2025-budsjettet.