Prop. 53 L (2025–2026)

I proposisjonen foreslår Helse- og omsorgsdepartementet endringar i pasient- og brukerrettighetsloven mv. som inneber ei klargjering av pasienten og brukaren sin rett til å ha med seg andre personar når det blir gitt helse- og omsorgstenester. Forslaget klargjer òg at det berre kan gjerast unntak frå denne retten dersom det er nødvendig for å kunne gi forsvarlege helse- og omsorgstenester. Vidare blir det gjort framlegg om å lovfeste ei plikt for helsepersonell og verksemder som yter helse- og omsorgstenester til å sørge for at retten til medverknad ved gjennomføring av helse- og omsorgstenester blir oppfylt.