2 Andre endringer under fiskeridepartementet
Kap. 2414 Statens Fiskarbank
I samband med at Statens Fiskarbank blir innlemma i Statens nærings- og distriktsutviklingsfond gjer regjeringa framlegg om at 44 stillingsheimlar under Statens Fiskarbank blir inndregne.
Kap. 1000 Fiskeridepartementet
I kjølvatnet av medlemskapsforhandlingane med EU, har Fiskeridepartementet fått store nye ansvarsområde grunna sterkare internasjonal orientering. Dette gjeld særleg områda ressurs- og havbruksforvaltning. Fiskeridepartementet har, og vil få, behov for å kanalisere ein større del av dei eksisterande personellrerssursane inn mot arbeid knytt til internasjonale ressursspørsmål, oppfølging av EØS-avtalen og andre avtalar på handelsområde for fisk og fiskeprodukt mm. I den situasjonen vi no er inne i på laksesektoren, vil dumping- og subsidieklagen frå EU mot den norske oppdrettsnæringa krevje ein stor ressursinnsats.
Etter ei samla vurdering av personellsituasjonen i Fiskeridepartementet, og av omsyn til nye ansvarsområde generelt, og den akutte handelspoltiske situasjonen innan laksesektoren spesielt, gjer regjeringa framlegg om at det i statsbudsjettet for 1997 blir oppretta 2 mellombelse 4-årsheimlar og ein ny mellombels 2-års heimel.