Ny rapport:
Kommunane ønskjer å ta i bruk kunstig intelligens for å effektivisere planprosessar
Pressemelding | Dato: 24.11.2025 | Kommunal- og distriktsdepartementet
Kunstig intelligens (KI) er et godt verktøy for å effektivisere planlegginga i kommunane. Ein ny rapport viser både små og store kommunar nyttar KI-verktøy i deira arbeid med planprosessar – og fleire kommunar ønskjer å ta teknologien i bruk.
– Rapporten stadfestar at potensialet for KI i planprosessar er stort. Direktoratet for byggkvalitet er allereie godt i gang med å skape løysningar som vil gi kommunane raskare planprosessar, og redusere kostnader, seier kommunal- og distriktsmininster Bjørnar Skjæran
Rapporten, som er bestilt av Kommunal- og distriktsdepartementet og utarbeida av Menon Economics og Sweco, viser at 14,7 prosent av kommunane har teke i bruk KI i arbeidet med arealplanlegging. Kommunane bruker KI hovudsakleg til administrative oppgåver som teksthandsaming og dokumentarbeid. Bruken gir effektivisering, men har førebels liten innverknad på kvaliteten i planarbeidet.
Rapporten peikar på fem konkrete verktøy som kan vere nyttige i planprosessar:
- ei spørjeteneste for lover og reglar
- innhaldskontroll av planforslag
- analyse av høyringsinnspel
- smart søk i arkiv
- geografiske analysar
Teknologien kan redusere flaskehalsar, frigjere tid og gi betre grunnlag for avgjerder.
Mange kommunar ønskjer å ta i bruk teknologien, men manglar ofte kapasitet og kompetanse til å kome i gang på eiga hand og sit med eit ønskje om at staten gir rettleiing slik at endå fleire kommunar kan ta i bruk KI verktøya som er tilgjengelege. Rapporten tilrår at staten tek ei tydelegare rolle i å koordinere arbeidet nasjonalt, utvikle praktiske rettleiingar og leggje til rette for pilotprosjekt og testplattformer.
Direktoratet for byggkvalitet (DiBK) utviklar ein rekke verktøy med hjelp av KI. Som ein del av prosjektet ‘Drømmeplan’ er KI-verktøyet «Planslurpen» utvikla. «Planslurpen» nyttar kunstig intelligens til å hente ut nøkkelinformasjon frå reguleringsplanar. Slik kan innbyggjarar enkelt få tilgang til relevant informasjon om byggjeføresegner for sin tomt, utan å måtte navigere gjennom komplekse dokument.
– Frå staten si side skal vi fortsette å legge til rette for at det utviklast gode digitale løysingar, for å effektivisere plan- og byggesaksprosessane. I statsbudsjettet for 2025 og i budsjettforslaget for 2026 har vi stryka rammene til DiBK. Som ein del av denne satsinga kan vi sette enda meir fart og kraft i dette arbeidet, seier Skjæran.