Statssekretær Anette Stegegjerdet Norberg (f. 24.12.1986) er frå Luster i Vestland fylke. 

Ho er 1.vararepresentant til Stortinget for Sogn og Fjordane i perioden 2025-2029, og har også vore vara i periodane 2009-2017. Ho har lang erfaring frå ulike verv i Ap og AUF, mellom anna som folkevald i Luster kommune frå 2007 og nestleiar i Sogn og Fjordane AUF. 

Ho har tidlegare vore konstituert statssekretær i Kultur – og likestillingsdepartementet. 

Norberg er advokat, utdanna frå Universitetet i Bergen (2010). Ho har yrkesbakgrunn frå politiet, privat advokatfirma og frå fylkeskommunen.