Høyring – redusert nedre grense i grunnrenteskatten og naturressursskatten for vasskraft
Høyring | Dato: 15.10.2025 | Finansdepartementet
Finansdepartementet sender med dette på høyring framlegg om å redusere nedre grense i grunnrenteskatten for vasskraft frå 10 000 til 1 500 kVA. Bakgrunnen for framlegget er at nedre grense i grunnrenteskatten gir insentiv til å nedjustere kraftverk for å sleppe grunnrenteskatt. På denne måten går samfunnet glipp av verdifull fornybar kraftproduksjon.
Forslaget reduserer rommet for skattemotivert nedjustering av kraftverk, og legg til rette for betre utnytting av vassressursane.
I framlegget er det óg foreslått overgangsreglar for historiske investeringar og prissikringsavtalar i lov og forskrift.
Departementet foreslår samstundes at nedre grense for naturressursskatten vert nedjustert frå 10 000 til 1 500 kVA. Naturressursskatten er ei mekanisme for å omfordele grunnrente frå staten til vertskommunar og vertsfylke.
I høyringsnotatet vert det gjort framlegg om at endringane får verknad frå og med inntektsåret 2027.
For å gje høyringsfråsegn, gå til høyringa på www.regjeringen.no og bruk den digitale løysinga for høyringsfråsegn ved å klikke på «Send inn høyringssvar». Høyringsfråsegner er offentlege etter offentleglova og vil bli publiserte på våre nettsider.
Høyringsinstansar som ikkje står på høyringslista, kan òg gi høyringsfråsegn. Vi ber om at den einskilde høyringsinstans vurderer om saka bør sendast til underliggjande etatar eller verksemder, tilknytte verksemder, medlemsorganisasjonar o.l.
Frist for å sende inn høyringssvar er 15. januar 2026.
Med helsing
Kari Alice Frønsdal (e.f.)
avdelingsdirektør
Gard Jakob Ørka
fyrstekonsulent
Den Norske Advokatforening
Distriktsenergi
Elhub
Energi Norge
Energidepartementet
Finans Norge (FNO)
Fornybar Norge
Hovedorganisasjonen Virke
Justis- og beredskapsdepartementet
Klima- og miljødepartementet
Kommunal- og moderniseringsdepartementet
KS
Landsorganisasjonen i Norge
Landssamanslutninga av Vasskraftkommunar
Miljøstiftelsen Bellona
Motvind
Naturressurskommunene
NordPool
Norges Bondelag
Norges Naturvernforbund
Norges vassdrags- og energidirektorat (NVE)
Norsk Bonde- og Småbrukarlag
Norsk Industri
Norsk Øko-Forum (NØF)
Nærings- og fiskeridepartementet
Næringslivets Hovedorganisasjon (NHO)
Regelrådet
Samarbeidande Kraftfylker
Skattedirektoratet
SMB Norge
Småbedriftsforbundet
Småkraftforeninga
Statistisk sentralbyrå
Statkraft AS
Statnett SF
Storbedriftenes skatteforum
WWF-Norge
Zero Emission Resource Organisation (ZERO)