Meld. St. 5 (2025–2026)
Noregs fiskeriavtalar for 2026 og fisket etter avtalane i 2024 og 2025
Melding til Stortinget
Tilråding frå Nærings- og fiskeridepartementet 20. mars 2026, godkjend i statsråd same dagen. (Regjeringa Støre)
Meldinga omtalar fiskeriavtalane Noreg har inngått med andre land for 2026 og fisket etter avtalane i 2024 og 2025. Ho gjev ei innføring i viktige tema i det internasjonale fiskerisamarbeidet, som det havrettslege rammeverket, internasjonale havmiljøprosessar, kontrollsamarbeid, og kampen mot ulovleg, uregulert og urapportert fiske og fiskerikriminalitet. I tillegg gjer meldinga greie for status og vitskapleg rådgjeving for dei viktigaste bestandane vi deler med andre land.