1 Innleiing

Denne proposisjonen inneheld framlegg om endringar i lov 17. juli 1998 nr. 61 om grunnskolen og den vidaregåande opplæringa (opplæringslova). Lovframlegget frå regjeringa er ein del av oppfølginga av dom i Den europeiske menneskerettsdomstolen av 29. juni 2007 mot KRL-faget.

Lovframlegget inneheld følgjande framlegg til endringar:

• krav om god informasjon om innhaldet i opplæringa i føresegna om fritak frå aktivitetar m.m. i opplæringa

• nytt namn på faget kristendoms-, religions- og livssynskunnskap

• fastsetting av innhaldet i faget blir flytta til andre ledd i lovføresegna

• presisering av at opplæringa skal være objektiv, kritisk og pluralistisk