3 Omtale av forslag til inntektsendringar
Kap. 3900 Nærings- og fiskeridepartementet
Post 03 Inntekter frå forvalting av grunneigedom på Svalbard
Departementet gjer framlegg om å auke løyvinga med 1,5 mill. kroner mot ei tilsvarande auke under kap. 900, post 26. Endringa skuldast auke i talet på fakturerbare leigeavtalar.
Kap. 3902 Justervesenet
Post 01 Gebyrinntekter
Det visast til omtale under kap. 902, post 01. Departementet gjer framlegg om å redusere løyvinga med 2 mill. kroner.
Post 03 Inntekter frå sal av tenester
Departementet gjer framlegg om å redusere løyvinga med 3 mill. kroner, som følgje av at sluttbetalingar frå nokre avslutta forskingsprosjekt innanfor det europeiske metrologipartnarskapet, Euromet, først blir innbetalt i 2027.
Kap. 3903 Norsk akkreditering
Post 01 Gebyrinntekter og andre inntekter
Meirinntekta kjem av auka vidarefakturerbare utgifter. Departementet gjer framlegg om å auke løyvinga med 5,6 mill. kroner mot ei tilsvarande auke under kap. 903, post 01.
Kap. 3904 Brønnøysundregistera
Post 01 Gebyrinntekter
Nærings- og fiskeridepartementet gjer framlegg om å auke løyvinga med 17,4 mill. kroner. Endringa er basert på nye framskrivingar av forventa gebyrinntekter.
Post 02 Refusjonar, oppdragsinntekter og andre inntekter
Departementet gjer framlegg om å redusere løyvinga med 3,5 mill. kroner, mot ein tilsvarande reduksjon under kap. 904, post 01. Endringa kjem som følgje av færre oppdrag enn venta.
Kap. 3907 Norsk nukleær dekommisjonering
Post 03 Leigeinntekter for tomt i Halden
Staten ved Norsk nukleær dekommisjonering har i 2026 kjøpt ei tomt i Halden av Norske Skog Saugbrugs AS. Det følgjer av kjøpsavtala at Norske Skog Saugbrugs AS skal leige delar av tomta fram til selskapet har flytta ut av området. Eigedomen blei overført til staten seinare enn lagt til grunn i budsjettet, og leigeinntektene i 2026 blir difor lågare. På dette grunnlaget gjer Nærings- og fiskeridepartementet framlegg om å redusere løyvinga med 8,9 mill. kroner, til 8,5 mill. kroner.
Kap. 3910 Sjøfartsdirektoratet
Post 01 Gebyr for skip og innretningar i NOR
Med bakgrunn i nye anslag frå Sjøfartsdirektoratet gjer departementet framlegg om å redusere gebyrinntektene på posten med 8 mill. kroner, til 262,1 mill. kroner. Årsaka er i hovudsak ein reduksjon knytt til førstegongsgebyr.
Post 04 Gebyr for skip i NIS
Med bakgrunn i nye anslag frå Sjøfartsdirektoratet gjer departementet framlegg om å auke gebyrinntektene med 6 mill. kroner, til 80,6 mill. kroner. Auka gebyrinntekt er knytt til førstegongsgebyr.
Kap. 3911 Konkurransetilsynet
Post 86 Lovbrottsgebyr
Departementet gjer framlegg om å redusere inntektene med 100 000 kroner, til 0 kroner, då det ikkje er venta lovbrottsgebyr i 2026.
Kap. 3912 Klagenemndssekretariatet
Post 01 Klagegebyr
Inntektene gjeld klagegebyr på rådgjevande anskaffingssaker og ulovlege direkte anskaffingar behandla av Klagenemnda for offentlege anskaffingar. Departementet gjer framlegg om å auke løyvinga med 0,5 mill. kroner, til 1,3 mill. kroner for å ta omsyn til nye anslag for klagegebyr.
Post 02 Refusjonar og andre inntekter
Inntektene gjeld refusjonar for KOFA-konferansen i 2026. Påmeldingsavgiftene, og dermed estimerte inntekter, er auka i forhold til saldert budsjett. På dette grunnlaget gjer departementet fram legg om å auke løyvinga med 175 000 kroner, til 400 000 kroner.
Post 87 Lovbrotsgebyr
Inntektene gjeld vedtak om brot i klagesaker om offentlege anskaffingar der det er pålagt brotsgebyr. Det var innbetalt 4,9 mill. kroner ved utgangen av august. Det er sannsynleg at det vil kome fleire innbetalingar i løpet av året. På dette grunnlaget gjer departementet framlegg om å auke løyvinga med 5,7 mill. kroner.
Kap. 3917 Fiskeridirektoratet
Post 01 Ymse inntekter
Departementet gjer framlegg om å auke løyvinga på posten med 0,65 mill. kroner på bakgrunn av høgare anslag for innbetalingar i inneverande år.
Post 13 (ny) Inntekter frå sal av løyve til oppdrett
Posten gjeld inntekter frå sal av løyve til oppdrettsverksemd. Inntektene skal delast mellom staten, og kommunar og fylkeskommunar med oppdrettsverksemd. Ein viser og til omtale under kap. 919 post 60. Hausten 2026 har det blitt selt nye oppdrettsløyve til fastpris og auksjon gjennom ei tildelingsrunde. Førebels er dei samla inntektene frå tildelingsrunden 704,7 mill. kroner.
Det er også selt nokre oppdrettsløyve utanom den ordinære tildelingsrunden. Dette gjeld konvertering av oppdrettsløyve til utvikling mot betaling, og sal av oppdrettsløyve i samband med tildelingsrunden 2024. Dei samla inntektene frå desse sala er 137,3 mill. kroner. På dette grunnlag gjer Nærings- og fiskeridepartementet framlegg om å auke løyva med 842 mill. kroner.
Post 86 Forvaltingssanksjonar
Departementet gjer framlegg om å auke løyvinga med 5 mill. kroner. Inntekter på denne posten gjeld tvangsmulkt og lovbrotsgebyr for fiskeria og havbruksnæringa. Omfanget av sanksjonar varierer frå år til år og har til no i 2026 vore høgare enn forventa.
Kap. 3950 Forvalting av statleg eigarskap
Post 96 Sal av aksjar
Fleire av dei børsnoterte selskapa har tilbakekjøpsprogram der selskapet blir gitt fullmakt til å kjøpe sine eigne aksjar i marknaden med sikte på seinare sletting av aksjane. For desse tilfella er det etablert et avtaleverk som inneber innløysing og sletting av eit slikt antal av staten sine aksjar at staten sin eigardel i selskapet ikkje endrar seg som følgje av tilbakekjøpsprogrammet. Staten får eit vederlag for sletting av staten sine aksjar som svarar til det volumvekta gjennomsnittet av kursen selskapet har betalt for aksjane, pluss ein rentekompensasjon og justert for eventuelle utbyte. Så langt i 2026 utgjer vederlag som staten har fått for sletting av staten sine aksjar 3 341,6 mill. kroner ekskl. vederlag for sletting av staten sine aksjar i Equinor ASA, jf. kap. 3955, post 96. Vederlaget er knytt til sletting av aksjar i DNB Bank ASA.
På dette grunnlaget gjer departementet framlegg om å auke løyvinga med 3 316,6 mill. kroner, til 3 341,6 mill. kroner.
Kap. 3951 Store Norske Spitsbergen Kulkompani AS
Post 90 Avdrag
I saldert budsjett 2026 er avdraga på lån til Store Norske Spitsbergen Kulkompani AS anslått til 23,5 mill. kroner. Endra rentenivå og justerte betalingsplanar inneber at avdraga blir 400 000 kroner høgare enn tidlegare lagt til grunn. På dette grunnlaget gjer departementet framlegg om å auke løyvinga med 400 000 kroner.
Kap. 3952 Investinor AS
Post 50 (ny) Tilbakeført kapital, pre-såkorn m.m.
Det visast til omtale under kap. 952, post 50 og tilbakeføringa av 15,1 mill. kroner i tilbakebetaling frå pre-såkornordninga. Investinor har også hatt eit overskot frå midlar knytt til ordninga med såkornfond og Koinvesteringsfondet Nord-Noreg. Midlar knytt til ordningane blir plassert i eit rentefond forvalta av Investinor. Dette har gitt om lag 32,3 mill. kroner som kan utbetalast frå Investinor. I tillegg er det tilbakebetalingar på 15,5 mill. kroner i avdrag på lån og 29,3 mill. kroner i renter knytt til ordninga med såkornfond oppretta mellom 2006–2008 og 1 mill. kroner frå Investeringsfondet for Nordvest-Russland og Øst-Europa. Begge desse ordningane blei avslutta i 2025 og fordringar i statsrekneskapen knytt til ordningane blei gjort opp.
Det har ikkje vore budsjettert med inntekter knytt til desse ordningane tidlegare i budsjettet for 2026. På dette grunnlaget gjer departementet framlegg om å løyve til saman 93,2 mill. kroner.
Post 90 (ny) Tilbakeført kapital, såkornfond
Nærings- og fiskeridepartementet gjer framlegg om å føre tilbake midlar frå såkornfonda oppretta etter 2014 kor det er uteståande investeringskapital ført som lån i statsrekneskapen. Dette gjeld 23,9 mill. kroner som kjem frå realiseringar og utbytter i ulike fond.
Samla gjer departementet framlegg om ei løyving på 23,9 mill. kroner.
Kap. 3955 Equinor ASA
Post 96 (ny) Sal av aksjar
Ein viser til omtale under kap. 3950, post 96 om at børsnoterte selskap kan ha tilbakekjøpsprogram der selskapet blir gitt fullmakt til å kjøpe sine eigne aksjar i marknaden med sikte på seinare sletting av aksjane. Så langt i 2026 utgjer vederlaget som staten fekk for sletting av staten sine aksjar i Equinor ASA om lag 28,0 mrd. kroner. Staten sin eigardel i selskapet er vidareført med 67 pst.
På dette grunnlaget gjer Nærings- og fiskeridepartementet framlegg om ei løyving på 28 001,8 mill. kroner.
Kap. 5325 Innovasjon Noreg
Post 90 Avdrag på uteståande fordringar
Posten omfattar avdrag på lån som Innovasjon Noreg har teke opp i statskassa. Ein viser til omtale av opplegget for lån under kap. 2421, post 90. Løyvinga vil variere som følgje av kor ofte ein refinansierer innlåna, men vil også vere avhengig av endringar i utlånsvolum.
På dette grunnlaget gjer departementet framlegg om å auke løyvinga med 1,7 mrd. kroner.
Post 92 Låneordning for pakkereisearrangørar – avdrag
Avdrag for 2026 er oppdatert i tråd med nye anslag frå Innovasjon Noreg. Anslaga er oppdatert på grunnlag av innbetalingar og betalingsplanane som gjeld for låna. Nye anslag viser ein liten oppgang som følgje av ekstraordinære innfriing av lån.
På dette grunnlaget gjer departementet framlegg om å auke løyvinga med 200 000 kroner.
Kap. 5329 Eksportkredittordninga
Post 70 Gebyr m.m.
Gebyr blir bestemt i dei ulike lånekontraktene. Dei vil difor variera med innhald og verdien på kontraktane. Siste estimat frå Eksfin er at det vil bli 30 mill. kroner i gebyr inntekter for 2026. På dette grunnlaget gjer departementet framlegg om å auke løyvinga med 5 mill. kroner til 30 mill. kroner.
Post 90 Avdrag på uteståande fordringar
Eksfin hadde ved slutten av august 2026 mottatt 6,8 mrd. kroner der ein betydeleg del er førehandsbetalingar. Eksfin estimerer no at totale avdrag i løpet av 2026 vil bli 8,5 mrd. kroner. Departementet gjer difor framlegg om å auke løyvinga med 1 mrd. kroner.
Kap. 5460 Eksportfinansiering Noreg
Post 71 Tilbakeføring frå avvikla garantiordningar
I saldert budsjett for 2026 blei det løyvd 1,7 mill. kroner på posten. Eksfin vurderer no at ytterlegare 6,8 mill. kroner kan bli overført til staten. På bakgrunn av dette foreslår Nærings- og fiskeridepartementet å auka løyvinga med 6,8 mill. kroner.
Post 85 Inntekter frå avvikla mellombelse ordningar
På posten blir det ført inntekter frå dei avvikla mellombelse ordningane. Under lånegarantiordning i samband med høge straumprisar er det enno 1,3 mill. kroner att i uteståande ansvar, medan det er 3,8 mill. kroner er avsett til tap. På dette grunnlag gjer departementet framlegg om å auke løyvinga med 2,5 mill. kroner.
Kap. 5574 Sektoravgifter under Nærings- og fiskeridepartementet
Post 73 Årsavgift merkeregisteret
Inntektene dekker ein del av staten sine kostnader knytte til drift og vedlikehald av merkeregisteret og til bruk av registeret til statistikk- og forvaltningsføremål. Innbetalingane på posten hittil i år er lågare enn forventa. Departementet gjer difor framlegg om å redusere løyvinga med 0,8 mill. kroner.
Post 74 Fiskeriforskingsavgift
Fiskeriforskingsavgifta bereknast som 1,35 pst. av førstehandsverdien av villfanga fisk. Eit oppdatert anslag tilseier at inntektene frå avgifta blir 470 mill. kroner i 2026. Nærings- og fiskeridepartementet gjer difor framlegg om å auke løyvinga med 53,6 mill. kroner.
Inntektene frå fiskeriforskingsavgifta motsvarast av løyvingane under kap. 917, post 22, kap. 919, post 76 og kap. 923, post 22.
Post 76 Kontrollavgift fiskeflåten
Avgifta reknast som 0,22 pst. av førstehandsverdien av villfanga fisk, med unntak for fangst frå fartøy som er under 15 meter. Eit oppdatert anslag tilseier at inntektene frå avgifta blir 61 mill. kroner i 2026. På dette grunnlaget gjer departementet framlegg om å auke løyvinga med 6,8 mill. kroner.
Kap. 5612 Renter frå Store Norske Spitsbergen Kulkompani AS
Post 80 Renter
Ein viser til omtale under kap. 3951, post 90. I saldert budsjett for 2026 blei renteinnbetalingane anslått til 40,1 mill. kroner. På bakgrunn av nye anslag gjer departementet framlegg om å redusere løyvinga med 1,7 mill. kroner.
Kap. 5625 Renter og utbyte frå Innovasjon Noreg
Post 82 Låneordning for pakkereisearrangørar – renter
Renteinntektene for 2026 er oppdatert i tråd med nye anslag frå Innovasjon Noreg. Anslaga er oppdatert på grunnlag av innbetalingar og betalingsplanane som gjeld for låna. På dette grunnlaget gjer Nærings- og fiskeridepartementet framlegg om å auke løyvinga med 30 000 kroner.
Kap. 5626 Renter av lån til Institutt for energiteknikk
Post 80 Renter
Det visast til omtale under kap. 908, post 72. Lågare utbetaling av lån enn det som blei lagt til grunn i saldert budsjett, gjer at rekna renteinntekter blir lågare. På dette grunnlaget gjer departementet framlegg om å redusere løyvinga med 1 mill. kroner.
Kap. 5629 Renter frå eksportkredittordninga
Post 80 Renter
Renteinntektene blir i hovudsak styrte av rentenivå, storleik på låneporteføljen og valutaeffektar. På grunn av førehandsbetalingar som har redusert den uteståande låneporteføljen, ventar Eksfin noko lågare renteinntekter. På dette grunnlaget gjer departementet framlegg om å redusere løyvinga med 50 mill. kroner, til 900 mill. kroner.
Kap. 5656 Aksjar under Nærings- og fiskeridepartementet si forvaltning
Post 85 Utbyte
Ved handsaminga av Prop. 96 S og Innst. 450 S (2025–2026) blei løyvinga satt til 32 048,4 mill. kroner. Nye tal viser at utbyte frå selskapa vil bli 197,8 mill. kroner høgare. Utbyte frå Akastor ASA, Argentum AS, Investinor AS, Mesta AS og Store Norske Spitsbergen Kulkompani AS blei høvesvis 29,7, 100,0, 25,2, 42,0 og 0,9 mill. kroner høgare.
På dette grunnlaget gjer departementet framlegg om å auke løyvinga med til saman 197,8 mill. kroner, til 32 246,2 mill. kroner.
Kap. 5685 Aksjar i Equinor ASA
Post 85 Utbyte
Ved handsaminga av Prop. 96 S (2025–2026) og Innst. 450 S (2025–2026) blei løyvinga satt til 25 386,5 mill. kroner. Anslaget er oppdatert med siste vekslingskurs mot amerikanske dollar på 9,51 kroner per dollar.
På dette grunnlaget gjer departementet framlegg om å redusere løyvinga med 1 327,7 mill. kroner, til 24 058,8 mill. kroner.