Til: Statsforvaltninga og Riksrevisjonen
Gjeld: Statens personalhandbok punkta 5.5, 5.11.2, 8.1, 12.1.1, 12.2 og 12.3.1  

Digitaliserings- og forvaltningsdepartementet (DFD) har vedteke å regulere følgjande satsar i Statens personalhandbok. Satsane får verknad frå 1. januar 2026.

Midlar til velferdstiltak (punkt 8.1) 

Følgjande sats gjeld med verknad frå 1. januar 2026:
Midlar til velferdstiltak er inntil kr 643,- pr. tilsett pr. år

Satsar for representasjon innanlands (punkt 12.3.1) 

Følgjande satsar gjeld frå 1. januar 2026:
Lunsj/middag: inntil kr 1 745,- pr. person
Enklare lunsj/mottaking: inntil kr. 643,- pr. person

Bevertning – Godtgjering til mat ved møte, konferansar m.m. (punkt 12.1.1) 

Følgjande satsar gjeld frå 1. januar 2026:

  1. arrangement under 3 timar kr 241,- pr. deltakar
  2. arrangement over 3 timar kr 546,- pr. deltakar
  3. langvarige arrangement kr 797,- pr. deltakar

Dekning av utgifter til mat ved overtidsarbeid (punkt 12.2) 

Følgjande sats gjeld frå 1. januar 2026:
Legitimerte utgifter til mat med inntil kr 241,-

Pensjonistlønn (punkt 5.5) 

Frå 1. januar 2026 er godtgjeringa kr 269,- pr. faktisk arbeidde time

Utvalsgodtgjering (punkt 5.11.2) 

Dette er rettleiande satsar. Fullmakt til å fastsetje timesats for utvalsgodtgjering er delegert til fagdepartementet.

Følgjande rettleiande satsar gjeld for utvalsgodtgjering frå 1. januar 2026:

Leiar og medlemmer:
Leiar: kr 791,- pr. time
Andre medlemmer: kr 598,- pr. time

Sjølvstendig næringsdrivande:
Arbeid i møte: kr 1 646,- pr. time
Førebuing av møte: kr 598,- pr. time

Erstatning for tapt arbeidsforteneste:
Dokumentert tap i arbeidsinntekt kan bli dekt med inntil kr 2 627,- pr. dag.

Tapt arbeidsinntekt som ikkje kan dokumenterast, men som kan sannsynleggjerast, kan bli dekt med inntil kr 1 054,- pr. dag.

Der verksemda opererer med faktureringskrav til kvar enkelt medarbeidar, kan tap av inntekter for verksemda bli dekt av oppdragsgivar. Det blir presisert at fullmakta til å dekkje slike utgifter ligg til fagdepartementet. Frå 1. januar 2026 har DFD fastsett ein rettleiande sats på kr 1 731,- pr. time + meirverdiavgift.

Etter fullmakt
Gisle Norheim
statens personaldirektør

Martin Kjellsen
avdelingsdirektør

Eventuelle spørsmål kan rettast til Statens arbeidsgivarportal