Kosthaldsarbeidet er forankra i Folkehelsemeldinga — Nasjonal strategi for utjamning av sosiale helseforskjellar og bygger på Helsedirektoratet sine kostråd (helsedirektoratet.no).

Endring krev tiltak på tvers av sektorar

For å få til endringar i kosthaldet er det nødvendig med innsats på tvers av sektorane og samarbeid mellom offentleg, privat og frivillig sektor.

Fleire tiltak må verke saman for best mogleg effekt, til dømes gjennom kommunikasjon, kompetanse og tilrettelegging for at sunne val skal vere enkle val.

Fleire etatar involverte i kosthaldsarbeidet

  • Helsedirektoratet har ansvar for å følgje utviklinga i norsk kosthald, gi vitskapleg baserte råd om kosthald til befolkninga, gi ut nasjonale faglege retningslinjer for helse- og omsorgstenesta og samarbeide med andre samfunnssektorar med sikte på å fremje gode kostvanar.
  • Folkehelseinstituttet har ansvar for å evaluere tiltak og foreslå tiltak basert på forsking.
  • Mattilsynet har ansvar for regelverk som er relevant på ernæringsområdet, mellom anna forskrift om ernærings- og helsepåstandar og forskrift om tilsetjing av vitamin, mineral og visse andre stoff til næringsmiddel.
  • Vitenskapskomiteen for mat og miljø (VKM) sikrar at myndigheitene får uavhengige vitskaplege risikovurderingar av forhold som har tyding for helsemessig trygg mat og for miljøet.