Vidareutdanning i regi av utdanningssektoren

Mange vidareutdanningar som er relevante for helse- og omsorgstenestene, blir tilbydde av fagskular, høgskular og universitet.

Fleire etter-/vidareutdanningar har blitt omgjorde til masterstudium som blir tilbydde på universitet eller høgskular.

Spesialistutdanning for legar

Spesialistutdanning for legar skjer i helsetenestene, i eigne stillingar for legar i spesialisering (LIS). For legar som spesialiserer seg i allmennmedisin, blir det inngått eigne avtalar med den aktuelle kommunen. Det er spesifikke krav til dei tenestestadene som skal tilby spesialistutdanning.

For å få spesialistgodkjenning må legen ha oppnådd læringsmåla som er sette for den aktuelle spesialiteten, og minimumstida for utdanninga er 6,5 år. Helsedirektoratet fastset læringsmåla og har eit overordna ansvar for å følgje med på kvaliteten i utdanninga.

Spesialistutdanning for tannlegar og avansert klinisk allmennsjukepleiar

Enkelta tar delar av den kliniske praksisen ved kompetansesentra i tannhelsetenesta (som har spesialisttannklinikkar). 

Spesialistutdanning i avansert klinisk allmennsjukepleie blir gitt som masterutdanning på 120 studiepoeng som blir tilbydd av universitets- og høgskulesektoren. Bestått masterutdanning gir grunnlag for offentleg spesialistgodkjenning.

Etterutdanning

Etterutdanning er ledd i kompetanseutviklinga til personellet og blir som regel gjennomført i eit arbeidsgjevar-/arbeidstakarforhold.