Dette omfattar vedtak om opptak gjennom samordna opptak, annullering av eksamen m.m., samt om utestenging, bortvising, vurdering av dugleik (skikkethet) og krav om politiattest. Nemnda handsamar ikkje klager på fagskulane sine opptaksvedtak om realkompetanse eller spesielle opptakskrav.

Klagenemnda har sju medlemmer, utpeikt av Kunnskapsdepartementet. Nemndas sakshandsaming er skriftleg, og nemnda kan prøve alle sider av saker den mottek. HK-dir er sekretariat for nemnda, og ansvarleg for å ta imot, førebu og leggje til rette klagesakshandsaminga til nemnda.