Statsministeren deltek på lansering av ein ny kampanje for mobilisering av politisk støtte og finansielle bidrag til det globale pandemiarbeidet

Onsdag skal statsminister Gahr Støre, Sør-Afrikas president Ramaphosa og FNs generalsekretær Guterres ha ei digital lansering av ein ny kampanje for mobilisering av politisk støtte og finansielle bidrag til det globale pandemiarbeidet for å sikre likeverdig tilgang til vaksinar, testar og medisin.

Noreg har lenge vore engasjert i globalt helsearbeid og har ei leiarrolle i den internasjonale pandemidugnaden ACT Akseleratoren, som skal sikre rettferdig fordeling av vaksinar og medisin mot covid-19.

Pressekontakt er fagdirektør Tor Borgersen, telefon 90 93 89 87, e-post tab@smk.dep.no.