Advokattilsynet fører kontroll med at advokatverksemder er i samsvar med føresegnene i advokatlova. Mellom anna fører Advokattilsynet tilsyn med at advokatar fører rekneskap etter gjeldande rett. Tilsyn med behandling av klientmidlar inngår her som ei vesentleg oppgåve. Med heimel i kvitvaskingslova er Advokattilsynet også tilsynsorgan i kvitvaskingssaker.

Advokattilsynet kan vedta å tilbakekalle eller suspendere advokatløyve og autorisasjon av advokatfullmektigar, gje lovbrotsgebyr og forby organisasjonar å drive advokatverksemd. Tilsynet kan også forby ein person å yte rettshjelp. Advokatnemnda er klageorganet til Advokattilsynet.

Tilsynet utferdar:

  • Advokatløyve og advokatfullmektigautorisasjonar.
  • Løyve til å utøve advokatverksemd for advokatar utanfor EØS-området.
  • Løyve til å nytte tittelen jurist for personar med utanlandsk juridisk utdanning.

Advokattilsynet skal også skrive erklæringar til advokatar som ønskjer å gjennomføre prøven for Høgsterett.

Nettside: http://tilsynet.no/