4 Oversyn over ressursar for norsk fagspråk
Terminologi
- Termportalen – ein nasjonal nettportal der ein kan søkje etter fagtermar på tvers av fagområde og termbasar (òg med høve for fagmiljø til å utvikle eigne termbasar). Termportalen er driven av Universitetet i Bergen, men treng bidrag frå alle fagmiljø. (Nettside: termportalen.no)
- Termlosen – innføring i korleis ein kan utvikle terminologi (fastsetje termar, lage definisjonar osb.) (ligg føre som pdf på nett og som eige hefte hos Språkrådet)
- Begrip begrepene! – innføring i korleis ein kan arbeide med terminologi (e-læringskurs hos Direktoratet for forvaltning og økonomistyring (DFØ))
Ordbøker – som oppslagsverk
- Bokmåls- og nynorskordboka – inneheld normert rettskriving og definisjonar for bokmål og nynorsk (nettside: ordbokene.no)
- Norsk Ordbok – oversyn over nynorsk og dialektane
- Det Norske Akademis ordbok (NAOB) – oversyn over bokmål og riksmål (nettside: naob.no)
Skrivesenter – Mange av universiteta og høgskulane har anten kurs i eller eit senter for akademisk skriving for studentane (sjå nettside hos dei einskilde institusjonane).
Norskopplæring – Det europeiske rammeverket for språk set opp ferdigheiter i lesing, skriving, lytting og tale frå nivå A1 (lågast) til nivå C2 (høgast). Rammeverket er å finne under Direktoratet for høgare utdanning og kompetanse (HK-dir).
Kanalar for fagformidling på norsk
- Store norske leksikon – eit oppslagsverk skrive av fagfolk (på nynorsk og bokmål) og eigd av dei norske universiteta og fleire ideelle stiftingar og organisasjonar (nettside: snl.no)
- forskning.no – Nordens største nettavis om forsking og ein viktig formidlingskanal for å fremje forsking på norsk (nettside: forskning.no)
Vegvisar for språkval i universitets- og høgskulesektoren – inneheld konkrete råd om parallellspråkleg praksis innanfor både forsking, formidling, undervisning og administrasjon ved institusjonane (nettside: sprakradet.no/uh)
Støtte til lærebøker i høgare utdanning og til fagbøker (sjå dei respektive nettsidene)
- Lærebokordninga for høgare utdanning, ligg under Direktoratet for høgare utdanning og kompetanse (HK-dir)
- Forfattarstipend frå Norsk faglitterær forfatter- og oversetterforening (NFFO)
- Lærebokstipend frå Universitetsforlaget
- Lærebokstipend frå Cappelen Damm Akademisk
- Lærebokstipend frå Fagbokforlaget
Relevant fagstoff
- More parallel, please! Sprogbrug i internationaliseringsprocesser (2017) – rapport frå Nordisk gruppe i parallellspråklegheit / Nordisk ministerråd om korleis ein kan utarbeide retningslinjer for parallellspråkleg praksis på universiteta og høgskulane
- John Airey (2011) «The Disciplinary Literacy Discussion Matrix: A Heuristic Tool for Initiating Collaboration in Higher Education«– artikkel om matrise for gode språkval til bruk i emne- og programplanlegginga