2 Forslag om endringar
Kap. 61 Høyesterett
Post 01 Driftsutgifter
Lønna til dommarane i Høgsterett blir regulerte av Stortinget med verknad frå 1. oktober året før. Verknaden av lønnsoppgjeret for perioden 1. oktober 2024 til 31. desember 2025 er 3,2 mill. kroner.
Departementet foreslår derfor å auke løyvinga med 3,2 mill. kroner.
Kap. 400 Justis- og beredskapsdepartementet
Post 01 Driftsutgifter
Løyvinga dekker lønn og godtgjersle til tilsette i departementet. Løyvinga skal òg dekke driftsutgifter i tillegg til investeringar og utviklingstiltak.
Det er behov for å flytte midlar for å drifte råd, utval og prosjekt under departementet. Departementet foreslår derfor å redusere løyvinga på posten med 9,5 mill. kroner, mot ei tilsvarande auke på kap. 400, post 21.
Post 21 Spesielle driftsutgifter, kan overføres
Løyvinga dekker lønns- og driftsutgifter til råd og utval.
Det er behov for å flytte midlar for å drifte råd, utval og prosjekter under departementet. Departementet foreslår derfor å auke løyvinga på posten med 9,5 mill. kroner, mot ei tilsvarande reduksjon på kap. 400, post 01.
Post 71 Tilskudd til internasjonale organisasjoner
Løyvinga dekker Noreg sine tilskot og kontingentar til internasjonale organisasjonar og samarbeid på saksområda til Justis- og beredskapsdepartementet.
På grunn av endringar i valutakursen har kostnaden auka med om lag 250 000 kroner. Departementet foreslår derfor å auke løyvinga med 250 000 kroner.
Kap. 410 Domstolane
Post 21 Spesielle driftsutgifter
Løyvinga dekker utgifter som etter rettsgebyrlova er inkluderte i rettsgebyret, t.d. kunngjeringsutgifter, nødvendige utgifter ved tvangsforretningar, registrering m.m. under offentleg bubehandling og forkynning som er nødvendig etter lova. I enkelte saker blir utgifter til meddommarar, vitne og rettsvitne m.m. dekte. Løyvinga dekker òg arbeidsgivaravgift av godtgjersle til meddommarar og tolkar i sivile saker der partane sjølve dekker godtgjersla. Løyvinga på posten er regelstyrt.
Løyvinga på posten avheng av salærsatsen og talet på avslutta saker. Det er vanskeleg å anslå utgiftene ved eit tvangssal, fordi det er usikkert korleis rentenivået og andre samfunnsendringar vil påverke situasjonen. Departementet foreslår å redusere løyvinga med 7,9 mill. kroner.
Post 22 Vernesaker/sideutgifter, jordskiftedomstoler, kan overføres
Jordskiftedomstolane har heimel til å krevje inn sideutgifter i visse saker. Sideutgiftene skal dekke det tekniske arbeidet i desse sakene. Utgiftene blir bokførte i separate saksrekneskapar.
Utgiftene avheng av omfanget av saker og kapasiteten til jordskiftedomstolane til å avvikle desse sakene. På bakgrunn av rekneskapstal og forventa utvikling foreslår departementet å redusere løyvinga med 1,8 mill. kroner.
Kap. 3410 Domstolane
Post 01 Rettsgebyr
Løyvinga på posten dekker inntekter frå gebyrpliktige oppgåver i domstolane i samband med sivile saker, skjønn, skifte, konkurs, tvangsforretningar m.m.
Gebyrinntektene er reduserte, mellom anna på grunn av færre konkursar enn venta.
Departementet foreslår på denne bakgrunnen å redusere løyvinga på posten med 5 mill. kroner.
Post 02 Saks- og gebyrinntekter jordskiftedomstolene
Løyvinga på posten omfattar inntekter frå gebyr som partane i saka betaler. Prognosar frå jordskiftedomstolane viser at anslaga for saks- og gebyrinntekter er usikre. Auka fokus på rettsmekling fører til reduserte gebyrinntekter.
Departementet foreslår på denne bakgrunnen å redusere løyvinga med 0,8 mill. kroner.
Kap. 430 Kriminalomsorgen
Post 01 Driftsutgifter, kan nyttes under kap. 431, post 01
Departementet har fullmakt til å overskride løyvinga på kap. 430, post 01, mot tilsvarande meirinntekter på kap. 3430, post 03 og 04. Departementet foreslår å auke løyvinga på kap. 430, post 01 med 6,1 mill. kroner mot ein tilsvarande auke på kap. 3430, post 04 (2 mill. kroner) og kap. 3430 post 03 (4,1 mill. kroner). Sjå nærmare omtale under kap. 3430, post 03 og 04.
Post 60 Refusjoner til kommunene, forvaringsdømte mv., kan overføres
Løyvinga på posten dekker refusjonar til kommunale omsorgstiltak for prøvelauslating frå forvaring og varetektssurrogat. Det er domstolane som avgjer prøvelauslatingar frå forvaring for opphald i institusjon eller kommunal bustad.
Oppdatert prognose tilseier eit mindreforbruk på posten i 2025 på 37 mill. kroner.
Departementet foreslår derfor å redusere løyvinga med 37 mill. kroner.
Kap. 3430 Kriminalomsorgen
Post 03 Andre inntekter
Inntektene på posten omfattar mellom anna inntekter frå andre direktorat og statlege organ for felles aktivitetar. Kriminalomsorgsdirektoratet vil få inn om lag 4,1 mill. kroner meir i inntekter enn lagt til grunn i budsjettet. Posten har meirinntektsfullmakt mot kap. 430, post 01.
Departementet foreslår derfor å auke løyvinga på posten med 4,1 mill. kroner, mot tilsvarande auke på kap. 430, post 01.
Post 04 Tilskudd
Inntektene på posten omfattar tilskot til deltaking i internasjonalt fengselssamarbeid under EØS-finansieringsmekanismane. Posten omfattar òg inntekter frå prosjekt som kriminalomsorga får tilskot til å gjennomføre i samarbeid med internasjonale organisasjonar eller andre land.
Refusjon for pådratte utgifter til det internasjonale arbeidet kriminalomsorga gjer, vil gi ei meirinntekt i 2025 på 4,2 mill. kroner. Posten har meirinntektsfullmakt mot kap. 430, post 01 og kap. 431, post 01.
Departementet foreslår å auke løyvinga med 4,2 mill. kroner mot ein auke på kap. 430, post 01 (2 mill. kroner) og kap. 431, post 01 (2,2 mill. kroner).
Kap. 431 Kriminalomsorgsdirektoratet
Post 01 Driftsutgifter, kan nyttes under kap.430, post 01
Løyvinga på posten dekker ordinære driftsutgifter under Kriminalomsorgsdirektoratet.
Departementet har fullmakt til å overskride løyvinga på kap. 431, post 01, mot tilsvarande meirinntekter på kap. 3430, post 04. Departementet foreslår å auke løyvinga med 2,2 mill. kroner mot tilsvarande auke av løyvinga på kap. 3430, post 04, knytt til det internasjonale arbeidet kriminalomsorga gjer.
Kap. 433 Konfliktrådet
Post 01 Driftsutgifter
Departementet har fullmakt til å overskride løyvinga på kap. 433, post 01, mot tilsvarande meirinntekter på kap. 3433, post 02. Departementet foreslår å auke løyvinga med 18 000 kroner på kap. 433, post 01, mot ei tilsvarande auke på kap. 3433, post 02.
Kap. 3433 Konfliktrådet
Post 02 Refusjoner
Inntektene på posten er refusjonar som skal dekke utgiftene konfliktrådet har i samband med kurs og konferansar.
Departementet foreslår å auke posten med 18 000 kroner, mot ei tilsvarande auke på kap. 433, post 01, som følgje av auka inntekter.
Kap. 440 Politiet
Post 01 Driftsutgifter, kan nyttes under kap. 441, post 01 og kap. 443, post 01
Posten dekker alle ordinære driftsutgifter i politidistrikta, dei lokale einingane til Politiets tryggingsteneste (PST) i politidistrikta og politiet sine eigne særorgan, med unntak av Politihøgskolen og PST sentralt, som får løyvingane sine over høvesvis kap. 442 og kap. 444. Utgifter til påtalemakta i politiet blir budsjetterte på kap. 443, post 01, og utgifter til Politidirektoratet blir budsjetterte på kap. 441, post 01. Justis- og beredskapsdepartementet har i 2025 fullmakt til å overskride løyvinga på kap. 440, post 01 mot tilsvarande meirinntekter på kap. 3440, post 02, post 03 og post 04.
Midlar til dronar
Den tryggleikspolistiske situasjonen krev at politiets evne til å løyse oppdrag knytt til dronehendingar må aukes. Departementet forslår derfor å auke løyvinga på kap. 440, post 01 med 30,3 mill. kroner til investeringar i materiell.
Flytting av midlar – påtalemakta i politiet
Det er behov for å flytte ein del av midlane til satsinga mot kvitvasking og korrupsjon frå kap. 440 til kap. 443, som følgje av auka aktivitet i påtalemakta. Departementet foreslår derfor å redusere løyvinga på kap. 440, post 01 med 18 mill. kroner mot ein tilsvarande auke av løyvinga på kap. 443, post 01.
Lågare aktivitet i politiinnsats utført for organisasjonar, lag, offentlege etatar m.m.
Som følgje av lågare aktivitet i politiinnsats som er utført for organisasjonar, lag, entreprenørar og offentlege etatar, er det venta reduserte refusjonar i 2025. På bakgrunn av dette foreslår departementet å redusere løyvinga på posten med 100 mill. kroner mot ein tilsvarande reduksjon på kap. 3440, post 02.
Færre oppdrag i samband med vakthald m.m.
Som følgje av færre oppdrag i samband med vakthald på festivalar, konsertar, fotballkampar osv. er det venta reduserte refusjonar. På bakgrunn av dette foreslår departementet å redusere løyvinga på posten med 20 mill. kroner mot ein tilsvarande reduksjon på kap. 3440, post 03.
Oppsummering
Samla sett foreslår departementet å redusere løyvinga på kap. 440, post 01 med 107,7 mill. kroner.
Post 22 Søk etter antatt omkomne, kan overføres
Løyvinga under denne posten skal dekke kostnader knytte til søk etter personar som ein går ut frå har omkomme. Posten dekker òg nokre personellutgifter og ev. utgifter til å betre søkemetodane.
På bakgrunn av rekneskapstal og forventa utvikling i 2025 foreslår departementet å redusere løyvinga på posten med 2,6 mill. kroner.
Post 23 Sideutgifter i forbindelse med sivile gjøremål
På bakgrunn av oppdaterte rekneskapstal og prognosar for sideutgifter er det forventa eit meirforbruk på posten. Departementet foreslår derfor å auke løyvinga med 4 mill. kroner.
Post 46 Investeringer i Schengen IT-systemer, kan overføres
Løyvinga på posten dekker prosjektutgiftene politiet har til utvikling og implementering av nye felles-europeiske IT-system for styrkt grensekontroll, betre informasjonsdeling og auka tryggleik.
På bakgrunn av oppdaterte anslag og forventa utvikling i 2025 foreslår departementet å auke løyvinga på posten med 44,4 mill. kroner.
Post 48 Tildelinger fra EUs grense- og visumfinansieringsordninger, kan overføres
Løyvinga på posten dekker løyvingane til nasjonale prosjekt under EUs grense- og visumfinansieringsordning (BMVI).
Det er venta redusert prosjektstøtte frå BMVI i 2025. Denne reduksjonen vil medføre ein tilsvarande nedgang i refusjon frå EU over kap. 3440, post 08 i 2026 eller seinare år.
Departementet foreslår derfor å redusere løyvinga med 56 mill. kroner.
Post 73 Internasjonale forpliktelser, mv., kan overføres
Løyvinga på posten dekker utgifter i samband med internasjonale forpliktingar, medrekna bl.a. utbetalingar til EUs grense- og visumfinansieringsordning (BMVI), Det europeiske byrået for operativ forvaltning av store IT-system på området for fridom, tryggleik og rettferd (eu-LISA) og Det europeiske grense- og kystvaktbyrået (Frontex).
Kravet om innbetaling av Noreg si kontingent for Det europeiske grense- og kystvaktbyrået (Frontex) er forseinka. Noreg sitt bidrag til Frontex er derfor venta å forfalle i 2026.
Departementet foreslår derfor å redusere løyvinga på posten med 72 mill. kroner, mot tilsvarande auke i 2026.
Kap. 3440 Politiet
Post 02 Refusjoner mv.
På bakgrunn av rekneskapstal og forventa utvikling i 2025 reknar ein med lågare refusjonar i politiet i 2025. Departementet foreslår derfor å redusere løyvinga på posten med 100 mill. kroner mot ein tilsvarande reduksjon på kap. 440, post 01.
Post 03 Salgsinntekter
På bakgrunn av rekneskapstal og forventa utvikling i 2025 reknar ein med lågare salsinntekter i politiet i 2025. Departementet foreslår derfor å redusere løyvinga på posten med 20 mill. kroner mot ein tilsvarande reduksjon på kap. 440, post 01.
Post 06 Gebyr – utlendingssaker
Løyvinga på posten dekker gebyr i samband med søknader om statsborgarskap, familieinnvandring, arbeidsløyve, utdanningsløyve og permanent opphaldsløyve.
På bakgrunn av ein forventa auke i talet på visse søknader foreslår departementet å auke løyvinga på posten med 18 mill. kroner.
Post 07 Gebyr – sivile gjøremål
Løyvinga på posten dekker gebyrinntekter i samband med den sivile rettspleia på grunnplanet, det vil seie gebyr frå tvangsforretningar og forliksrådsbehandling.
Det er forventa ein auke i gebyrinntektene som følgje av at restansar registrert inn i 2024 blir behandla.
På denne bakgrunnen foreslår departementet å auke løyvinga på posten med 150 mill. kroner.
Post 08 Refusjoner fra EUs grense- og visumfinansieringsordninger
Posten dekker refusjonar frå EU sine grense- og visumfinansieringsordningar. Refusjonane på posten er baserte på det rekneskapsførte forbruket i prosjekta som har fått løyving over kap. 440, post 48. I 2025 får Noreg refusjonar frå EU for prosjekt knytte til Det indre tryggleiksfondet (ISF-fondet).
Forseinkingar i prosjektplanar fører til at refusjonsutbetalingane er lågare enn venta. Derfor foreslår departementet å redusere løyvinga med 130 mill. kroner.
Kap. 442 Politihøgskolen
Post 01 Driftsutgifter
Løyvinga på posten dekker driftsutgifter til Politihøgskolen.
Politihøgskolen har i 2025 hatt lågare inntekter frå eksterne forskingsmidlar enn venta. På bakgrunn av dette foreslår departementet å redusere løyvinga med 2,3 mill. kroner mot ein tilsvarande reduksjon på kap. 3442, post 03.
Kap. 3442 Politihøgskolen
Post 03 Eksterne forskningsmidler
På bakgrunn av rekneskapstal og forventa utvikling i 2025 reknar ein med lågare inntekter frå eksterne forskingsmidlar for Politihøgskolen i 2025. Departementet foreslår derfor å redusere løyvinga på posten med 2,3 mill. kroner mot ein tilsvarande reduksjon av løyvinga på kap. 442, post 01.
Kap. 443 Påtalemyndigheten i politiet
Post 01 Driftsutgifter, kan nyttes under kap. 440, post 01
Løyvinga på posten dekker driftsutgifter til påtalemakta i politiet.
Det blir vist til omtale under kap. 440, post 01. Det er behov for å flytte ein del av midlane til satsinga mot kvitvasking og korrupsjon frå kap. 440 til kap. 443, grunna auka aktivitet i påtalemakta. Departementet foreslår derfor å auke løyvinga på kap. 443 med 18 mill. kroner mot ein tilsvarande reduksjon på kap. 440, post 01.
Kap. 444 Politiets sikkerhetstjeneste (PST)
Post 45 Større utstyrsanskaffelser og vedlikehold, kan overføres
Aktivitetsnivået i PST har vore høgt også i 2025, noko som heng saman med den tryggingspolitiske situasjonen og trusselnivået.
Departementet foreslår derfor å auke løyvinga med 10 mill. kroner.
Kap. 451 Direktoratet for samfunnssikkerhet og beredskap
Post 01 Driftsutgifter
Kontingent for deltaking i EUs ordning for sivil beredskap
Løyvinga skal mellom anna dekke den årlege kontingenten for at Noreg skal delta i EU si ordning for sivil beredskap (UCPM). Kontingenten for 2025 vart lågare enn tidlegare venta. Departementet foreslår derfor å redusere løyvinga på posten med 73,8 mill. kroner.
Nødvarsel
Løyvinga på posten inkluderer overføring av ubrukt løyving frå 2024 på 26 millionar kroner til drift av Nødvarsel. Mindreforbruket frå 2024 kjem av at prosjektet først vart levert i august 2024, medan løyvinga var basert på eit heilt år med drift. Departementet foreslår derfor å redusere løyvinga på posten med 26 mill. kroner.
Omfordeling til prosjektering av nytt nødnett
Noreg treng eit nytt nødnett. Direktoratet for samfunnstryggleik og beredskap (DSB) har gjennom 2025 gjennomført ei rekkje aktivitetar knytte til prosjekt nytt nødnett som har kravd meir ressursar enn forutsett. Departementet foreslår derfor å auke løyvinga på posten med 22,1 mill. kroner mot ein tilsvarande reduksjon på kap. 451, post 22. Ansvaret for det nye nødnettet er flytta frå Justis- og beredskapsdepartementet til Digitaliserings- og forvaltingsdepartementet frå og med 29. august 2025.
Anskaffing av IT-utstyr ved DSB
Departementet foreslår å auke løyvinga på posten med 8 mill. kroner til anskaffing av IT-utstyr.
Oppsummering
Samla sett foreslår departementet å redusere løyvinga på kap. 451, post 01 med 69,7 mill. kroner.
Post 22 Spesielle driftsutgifter – Nødnett, kan overføres
Anskaffingar på vegne av brukarane av nødnett
Løyvinga på posten dekker utgifter til drift og vedlikehald og mindre utgifter til utvikling og investering i nødnett og tilhøyrande tenester. Kjøp av utstyr i nødnett på vegner av brukarane er venta å bli 33 mill. kroner høgare enn budsjettert. Departementet foreslår derfor å auke løyvinga på posten med 33 mill. kroner mot ein tilsvarande auke av løyvinga på kap. 3451, post 05.
Omfordeling til prosjektering av nytt nødnett
Arbeidet med nytt nødnett har kravd meir ressursar frå DSB enn det som var planlagt på starten av året. Departementet foreslår derfor å redusere løyvinga på post 22 med 22,1 mill. kroner mot ein tilsvarande auke av løyvinga på kap. 451, post 01, jf. omtale under kap. 451, post 01.
Omfordeling for å dekke meirutgifter for redningshelikoptertenesta
Det blir foreslått å redusere løyvinga på posten med 9,6 mill. kroner mot ein tilsvarande auke av løyvinga på kap. 454, post 01, som inndekning for auka utgifter til drift av redningshelikoptertenesta i 2025.
Oppsummering
Samla sett foreslår departementet å auke løyvinga på kap. 451, post 22 med 1,3 mill. kroner.
Kap. 3451 Direktoratet for samfunnssikkerhet og beredskap
Post 03 Diverse inntekter
Løyvinga på posten består mellom anna av inntekter frå kursverksemd ved Sivilforsvaret sine utdannings- og kompetansesenter, samt inntekter frå behandling av søknader om godkjenning av yrkeskvalifikasjonar for utanlandske arbeidstakarar innan elektrofag.
Saksbehandlingsgebyr – yrkeskvalifikasjon for utanlandske elektrofagarbeidarar
Frå 2025 vart det innført eit gebyr for behandling av søknad om godkjenning av yrkeskvalifikasjonar for utanlandske elektrofagarbeidarar. Talet på søkjarar har gått ned. Departementet foreslår derfor å redusere løyvinga med 4,5 mill. kroner.
Kursverksemd ved Sivilforsvarets kompetansesenter (SFK)
Sivilforsvaret har gjennomført færre kurs for eksterne ved Sivilforsvarets kompetansesenter enn det som var forventa. Departementet foreslår derfor å redusere løyvinga med 2 mill. kroner.
Oppsummering
Samla sett foreslår departementet å redusere løyvinga på kap. 3451, post 03 med 6,5 mill. kroner.
Post 05 Abonnementsinntekter og refusjoner Nødnett
Løyvinga omfattar inntektene DSB får frå abonnementsordninga i nødnett. Vidare dekker løyvinga refusjonar for tenester og produkt som kundar av nødnett har skaffa seg utover abonnementsordninga. Departementet foreslår å auke løyvinga på posten med 33 mill. kroner mot ein tilsvarande auke på kap. 451, post 22, jf. omtale under kap. 451, post 22.
Kap. 454 Redningshelikoptertenesta
Post 01 Driftsutgifter
Løyvinga på posten dekker kostnader til drift av den offentlege redningshelikoptertenesta og prosjekt for kjøp av nye redningshelikopter.
Lågare valutakursar
Departementet forventar reduserte valutautgifter i samband med drifta av redningshelikoptertenesta samanlikna med budsjettet. Departementet foreslår å redusere løyvinga med 3,9 mill. kroner som følgje av lågare valutautgifter i samband med Tromsø-basen.
Meirutgifter til drift av redningshelikoptertenesta
Dei nye redningshelikoptera gir Noreg auka beredskap. Samstundes er moderne helikoptersystem meir krevjande å drifte. I 2025 er løyvinga til drift av redningshelikoptertenesta derfor varig auka med til saman 272 mill. kroner. I inneverande år har det oppstått meirutgifter samanlikna med budsjettet. Regjeringa foreslår å auke løyvinga på posten med 133,3 mill. kroner i 2025, mot ein reduksjon av løyvinga på kap. 451, post 22 på 9,6 mill. kroner, og ein reduksjon av løyvinga under Forsvarsdepartementet, kap. 1760, post 45 på 55,8 mill. kroner. Auka løyving legg til rette for å oppretthalda beredskapsnivået til redningshelikoptera. Sjå òg omtale i omgrupperingsproposisjonen under Forsvarsdepartementet for 2025.
Oppsummering
Departementet foreslår å auke løyvinga på posten med til saman 129,4 mill. kroner.
Post 45 Større utstyrsanskaffelser og vedlikehold, kan overføres
Løyvinga på posten dekker investeringar i samband med kjøp av nye redningshelikopter og bygging av ein ny redningshelikopterbase i Bodø som følgje av at Bodø lufthamn skal flyttast.
Grunna forseinkingar i prosjektet for kjøp av nye redningshelikopter blir milepælar, og dermed kostnader, forskyvde frå 2025 til 2026. Saman med endringar i kostnadene til mellom anna helikopterleverandøren, eigedom, bygg og anlegg og utbetring av landingsplassar ved sjukehus, fører dette til at kostnadene til prosjektet i 2025 blir lågare enn venta. Departementet foreslår å redusere løyvinga på posten med 398,9 mill. kroner.
Kap. 455 Redningstjenesten
Post 01 Driftsutgifter
Staten overtar eigarskap og forvaltning av kystradiotenesta frå 2026. Verksemdoverføringa vil bl.a. innebere at radiooperatørane vert overførte til Hovudredningssentralen (HRS). Overføringsprosessen har leda til høg belastning blant administrativt personell i HRS.
Departementet foreslår med bakgrunn i dette å auke løyvinga på kap. 455, post 01 med 2,5 mill. kroner.
Post 21 Spesielle driftsutgifter
Løyvinga på posten omfattar utgifter til å engasjere private selskap, til dømes helikopterselskap og frivillige redningsorganisasjonar i konkrete redningstilfelle. Vidare omfattar løyvinga refusjonar til frivillige hjelparar for innsats i redningstenesta, til forbruk og erstatning av tapt materiell med vidare. Det er vanskeleg å berekne forbruket på posten, sidan utgiftene varierer med talet på redningsaksjonar. Utgiftene på posten har auka over fleire år som følge av fleire hendingar, samt en auke i bruk av ressursar til maritim søk og redning. På grunn av ein betydeleg auke i talet på innsendte refusjonar, foreslår departementet å auke løyvinga på posten med 10 mill. kroner.
Kap. 457 Nasjonal sikkerhetsmyndighet
Post 01 Driftsutgifter
Løyvinga på posten skal dekke alle ordinære driftsutgifter og investeringar for Nasjonalt tryggingsorgan (NSM).
Utskifting av teknisk utstyr
NSM gjennomfører utskifting av teknisk utstyr, der omfanget av anskaffingane og levetidsforlengingane er så stort at det får karakter av investeringar som skal løyvast på post 45. Departementet foreslår derfor å redusere løyvinga på post 01 med 15 mill. kroner mot ein tilsvarande auke av løyvinga på kap. 457, post 45.
Verdibevarande vedlikehald
Departementet foreslår å auke løyvinga med 0,7 mill. kroner mot ein tilsvarande reduksjon av løyvinga på kap. 1710, post 01. Endringa er knytt til verdibevaring av eigedom, bygg og anlegg.
Oppsummering
Departementet foreslår å redusere løyvinga på posten med til saman 14,3 mill. kroner.
Post 45 Større utstyrskjøp og vedlikehald, kan overførast
Løyvinga på posten skal dekke utgifter til større utstyrsanskaffingar og vedlikehald, medrekna bl.a. teknisk utstyr til varslingssystemet for digital infrastruktur (VDI). Departementet foreslår å auke løyvinga på posten med 15 mill. kroner mot ein tilsvarande reduksjon på kap. 457, post 01, jf. omtale under kap. 457, post 01.
Kap. 461 Advokattilsynet
Post 01 Driftsutgifter, kan nyttes under post 21
Advokattilsynet blir finansiert av advokatbransjen gjennom årlege bidrag frå advokatane, jf. Advokatloven § 60. Advokatnemnda er eit sjølvstendig forvaltningsorgan som avgjer disiplinærsaker og er klageinstans for vedtak fatta av Advokattilsynet. Advokatnemnda er ikkje organisert som ein statleg verksemd. Departementet har lagt opp til at inntekter og utgifter knytte til drifta av Advokatnemnda skal løyvast på budsjettet til Advokattilsynet, og at Statens innkrevingssentral (SI) skal krevje inn bidrag frå advokatane som finansierer drifta av Advokatnemnda. Bidraget frå advokatane som skal finansiere drifta av Advokatnemnda ble ved ein feil ikkje omtalt i Prop. 1 S (2024–2025) for Justis- og beredskapsdepartementet, og er derfor ikkje inkludert i inntekts- og utgiftsløyvingane til Advokattilsynet.
Departementet foreslår med bakgrunn i dette å auke løyvinga på kap. 3461, post 01 med 28,2 mill. kroner mot ein tilsvarande auke av løyvinga på kap. 461, post 01.
Post 21 Spesielle driftsutgifter, kan overføres, kan nyttes under post 01
I oppstartsåret er likviditetsbehaldninga til det tidlegare Tilsynsrådet for advokatverksemd ført på posten. Den endelege rekneskapen for 2024 frå Tilsynsrådet for advokatverksemd viser at likviditetsbehaldninga er 16 mill. kroner.
Departementet foreslår derfor å auke løyvinga på kap. 3461, post 02 med 2 mill. kroner mot tilsvarande justering av kap. 461, post 21.
Kap. 3461 Advokattilsynet
Post 01 Bidrag fra advokater og forvalterordning
Det blir foreslått å auke løyvinga med 28,2 mill. kroner på kap. 3461, post 01 mot ein tilsvarande justering av kap. 461, post 01.
Post 02 Diverse inntekter
Det blir foreslått å auke løyvinga med 2 mill. kroner på kap. 3461, post 02 mot ein tilsvarande justering av kap. 461, post 21.
Kap. 466 Særskilte straffesaksutgifter m.m.
Post 01 Driftsutgifter
Løyvinga på posten dekker hovudsakleg utgifter til juridisk bistand i straffesaker for personar som har rett til advokatbistand i medhald av straffeprosesslova kap. 9 og 9 a. Dette er personar som har status som sikta eller tiltalte, fornærma, eller pårørande og etterlatne etter den fornærma. Posten er regelstyrt.
Det har vore ein auke i talet på saker, og dei fleste sakene er større og meir kostnadskrevjande enn før. Utgiftene på posten er høgare enn i same periode i fjor. På denne bakgrunnen foreslår departementet å auke løyvinga på kap. 466, post 01 med 64,6 mill. kroner.
Kap. 470 Fri rettshjelp
Post 01 Driftsutgifter
Løyvinga på posten dekker utgifter til advokat, sakkunnige, meddommarar m.m. i saker der det er gitt fri sakførsel etter reglane i rettshjelpslova og barnelova. I tillegg dekker løyvinga utgifter til advokat eller rettshjelpar i saker der det heilt eller delvis er løyvd fritt rettsråd etter reglane i rettshjelpslova. Posten er regelstyrt.
Det er fleire aktørar som fører utgifter på denne posten, og det er fleire faktorar som påverkar forbruket. Det tar mellom anna tid før dei auka inntektsgrensene for fri rettshjelp gir utslag i auka utgifter. Ny modell for behovsprøvd rettshjelp trådde i kraft 15. oktober 2025. Det er usikkert korleis dette vil påverke utgiftene på posten.
Basert på rekneskapen og prognoser for året, kan løyvinga reduserast. Departementet foreslår å redusere løyvinga på posten med 141,1 mill. kroner.
Kap. 3470 Fri rettshjelp
Post 01 Tilkjente saksomkostninger m.m.
Sakskostnader som blir tilkjende staten i saker der ein eller begge partar får fri sakførsel (benefiserte saker), blir førte over til denne posten. Ny modell for behovsprøvd rettshjelp tok til å gjelde 15. oktober 2025. Den nye modellen inneber at det blir innført prosentvise eigenandelar som blir betalte ut frå dei samla advokatutgiftene i saka. Inntektene som det offentlege får i samband med innkreving av eigenandelar vil bli førte på kap. 3470, post 01. Det blir derfor foreslått å auke løyvinga på posten med 2,5 mill. kroner i 2025.
Kap. 473 Statens sivilrettsforvaltning
Post 70 Erstatning til voldsofre, overslagsbevilgning
Løyvinga på posten skal dekke erstatning i saker etter valdserstatningslova. Løyvinga på posten er regelstyrt.
Kontoret for valdsoffererstatning har sett i verk tiltak for å redusere restansane av saker etter den tidlegare lova. I tillegg er det enkelte saker som er omfattande, og der det vil bli utbetalt høge erstatningsbeløp.
Departementet foreslår på denne bakgrunnen å auke løyvinga på posten med 34 mill. kroner.
Kap. 475 Bobehandling
Post 01 Driftsutgifter
Løyvinga på posten dekker statens ansvar for utgifter til konkursbehandling i tilfelle der buet eller den som ber om konkurs (rekvirenten) ikkje dekker utgiftene. Dette er regelstyrte utgifter etter konkurslova § 73.
Det er ein auke i utgiftene på posten, som følgje av ein auke i innkomne konkurssaker.
Departementet foreslår på denne bakgrunnen å auke løyvinga på posten med 22 mill. kroner.
Post 21 Spesielle driftsutgifter, kan overføres
Løyvinga på posten skal dekke utgifter til den særskilde garantiordninga til Justis- og beredskapsdepartementet.
Det vart gitt fleire tilsegn i fjor samanlikna med tidlegare år og talet på konkursar har òg auka. Forbruket per andre tertial er høgare enn tilsvarande periode i fjor.
Departementet foreslår med bakgrunn i dette å auke løyvinga med 3 mill. kroner.
Kap. 480 Svalbardbudsjettet
Post 50 Tilskudd
Overføring av ansvaret for energiforsyninga i Longyearbyen frå Longyearbyen lokalstyre til Store Norske Spitsbergen Kulkompani AS
For å starte arbeidet med nødvendig oppgradering av energiinfrastruktur i Longyearbyen, skal ansvaret for energiforsyninga overførast frå Longyearbyen lokalstyre til Store Norske Spitsbergen Kulkompani AS. Departementet foreslår å auke løyvinga på posten med 312,2 mill. kroner.
På svalbardbudsjettet blir endringa foreslått som ein auke på kap. 0003 post 50 Tilskot til Longyearbyen lokalstyre. Den auka løyvinga skal gå til å løyse inn gjelda Svalbard Energi AS (SEAS) har til Longyearbyen lokalstyre. I Prop. 1 S (2025–2026) Svalbardbudsjettet foreslo regjeringa at staten skal innløyse gjelda som ein del av transaksjonen der Svalbard Energi (SEAS) blir overført frå Longyearbyen lokalstyre til Store Norske Spitsbergen Kulkompani AS, heileigd under Nærings- og fiskeridepartementet. Innløysing av gjelda er eit vilkår for at transaksjonen skal kunne gjennomførast.
Overføring av bustadar frå Longyearbyen lokalstyre til Statsbygg
Departementet foreslår å auke løyvinga på posten med 59,3 mill. kroner, for å leggje til rette for at Longyearbyen lokalstyre sine 123 bustader kan bli overførte til Statsbygg. Bustadane har eit stort behov for rehabilitering. Overføringa til Statsbygg skal sikre ein meir profesjonell og heilskapleg forvalting av bustadane.
På svalbardbudsjettet blir endringa foreslått som ein auke på kap. 0003 post 50 Tilskudd til Longyearbyen lokalstyre. 49,2 mill. kroner av den auka løyvinga skal gå til å løyse inn gjeld som Longyearbyen lokalstyre har i samband med bustadane. 10,1 mill. kroner av den auka løyvinga er kompensasjon for at husleiga vil auke når Longyearbyen lokalstyre i framtida skal leige bustader tilbake frå den statlege bustadpoolen som Statsbygg forvaltar i Longyearbyen. Statsbygg er ein verksemd underlagd Digitaliserings- og forvaltningsdepartementet.
For omtale av andre nødvendige løyvingar til å gjennomføre transaksjonen blir det vist til Digitaliserings- og forvaltningsdepartementet sin omgrupperingsproposisjon for 2025.
Innkjøp av materiell til Sysselmeisteren
Departementet foreslår å auke løyvinga på posten med 1,7 mill. kroner til innkjøp av materiell som styrkjer Sysselmeisteren si beredskapsevne, og til oppdatering av IKT-tryggleik i verksemda. På svalbardbudsjettet blir endringa foreslått som ein auke på kap. 0005 Sysselmeisteren post 01 Driftsutgifter.
Auke i skatteinntekter og utførselsavgift
Departementet foreslår å redusere løyvinga på posten med 40,0 mill. kroner, som ei følgje av høgare rekna skatteinntekter for 2025.
På svalbardbudsjettet blir endringa foreslått som ein auke på kap. 3030, post 70 Skatter m.m. Departementet foreslår vidare å redusere løyvinga på posten med 839 000 kroner som følgje av høgare rekna utførselsavgift for 2025. På svalbardbudsjettet blir endringa foreslått som ein auke på kap. 3030 post 71 Utførselsavgift.
Oppsummering
Departementet foreslår samla å auke løyvinga på kap. 480 post 50 med 332,4 mill. kroner.
Kap. 490 Utlendingsdirektoratet
Post 01 Driftsutgifter
Løyvinga på posten skal dekke utgifter til drift av Utlendingsdirektoratet (UDI). Det inkluderer lønn til tilsette, IT-system, utstyr og anskaffingar, med unntak av større investeringar og mottak for asylsøkarar.
Flytting av midlar til å behandle utvisingssaker
I samband med behandlinga av Prop. 146 S og Innst. 540 S (2024–2025) vart løyvinga på posten auka med 30 mill. kroner for å auke kapasiteten til å behandle utvisingssaker. Formålet med løyvinga er vidare angitt i romartalsvedtak X i Innst. 540 S (2024–2025):
«Stortinget ber regjeringen påse at utlendingsmyndighetene prioriterer utvisning av personer som har begått alvorlig og gjentatt kriminalitet, herunder narkotikakriminalitet».
For å sikre ei føremålstenleg bruk av løyvinga foreslår departementet å flytte 4 mill. kroner av løyvinga frå UDI til Utlendingsnemnda (UNE). På denne bakgrunn foreslår departementet å redusere løyvinga på posten med 4 mill. kroner mot ein tilsvarande auke på kap. 491, post 01.
Refusjonar
Departementet foreslår å auke løyvinga med til saman 0,6 mill. kroner pga. auka refusjonar, jf. omtale under kap. 3490, post 05.
Oppsummering
Departementet foreslår samla sett å redusere løyvinga på posten med 3,4 mill. kroner.
Post 21 Spesielle driftsutgifter, asylmottak
Løyvinga på posten skal dekke utgifter staten har til drift av mottak for asylsøkarar.
Det er eit mindrebehov til innkvartering av asylsøkarar. Årsaka er i all hovudsak ein lågare prognose på talet på asylsøkarar, og dermed færre bebuarar i mottak enn det som vart lagt til grunn i budsjettet.
Departementet foreslår å redusere løyvinga med 167,2 mill. kroner.
Post 22 Spesielle driftsutgifter, tolk og oversettelse
Løyvinga på posten dekker utgiftene UDI har i samband med tolking og omsetjing under behandlinga av asylsaker. Løyvinga skal òg dekke kvalitetssikring av intervju og omsetjingar.
Det er eit mindreforbruk på posten, som i hovudsak kjem av ein reduksjon i prognose for innkomstar, asylsaksbehandling og tolkeutgifter.
Departementet foreslår å redusere løyvinga med 11,3 mill. kroner.
Post 60 Tilskudd til vertskommuner for asylmottak
Vertskommunetilskotet skal dekke gjennomsnittlege utgifter til helse, barnevern, tolk, administrasjon m.m. i samband med drift av mottak og omsorgssenter i kommunane.
Løyvingsbehovet er større enn venta, i hovudsak pga. at det er fleire vertskommunar for asylmottak enn det som vart lagt til grunn i budsjettet.
Departementet foreslår å auke løyvinga med 4,5 mill. kroner.
Post 70 Stønader til beboere i asylmottak
Løyvinga på posten skal dekke utgifter til faste økonomiske ytingar til livsopphald for bebuarar i asylmottak som ikkje kan dekke dette sjølve, samt eventuelle andre nødvendige ytingar.
Løyvingsbehovet er mindre enn venta som følgje at det er færre bebuarar i mottak enn det som vart lagt til grunn i budsjettet.
Departementet foreslår å redusere løyvinga med 42,7 mill. kroner.
Post 72 Assistert retur og reintegrering i hjemlandet, kan overføres
Løyvinga på posten skal bidra til at personar som har fått endeleg avslag på søknaden om vern, og andre personar som ikkje har lovleg opphald i Noreg, returnerer til heimlandet. Løyvinga skal òg legge til rette for at flyktningar kan vende tilbake til heimlandet. Posten finansierer stønadsordningar og tilskotsordningar som kan nyttast til informasjons- og motivasjonsarbeid for assisterte returar eller tilbakevendingar frå Noreg.
Det er venta eit mindrebehov på posten knytt til reduksjon i prognosen for tilbakevendingar. Det er i hovudsak ukrainarar som nyttar seg av ordninga. I andre halvdel av 2025 har det vore ein reduksjon i søknadar om tilbakevendingsstønad, samt at fleire har trekt søknaden sin.
Departementet foreslår å redusere løyvinga med 31,1 mill. kroner.
Post 73 Beskyttelse til flyktninger utenfor Norge mv.
Posten har som formål å støtte arbeidet med overføring av flyktningar i regi av FNs høgkommissær for flyktningar (UNHCR) og eventuelt andre relevante organisasjonar. Som følgje av at 97 plassar på kvoten for overføringsflyktningar vart overført frå 2024 til 2025 er det eit meirbehov på posten.
Departementet foreslår å auke løyvinga med 0,5 mill. kroner.
Post 74 Internasjonale forpliktelser, kontingenter mv., kan overføres
Løyvinga skal dekke kontingentar og andre innbetalingar Noreg har til internasjonale samarbeidsorgan på migrasjonsområdet.
Det er venta eit mindrebehov på 28,5 mill. kroner til Noregs bidrag til EUs asylbyrå, European Agency for Asylum (EUAA). Mindrebehovet kjem dels som følgje av at Noreg framleis ikkje har skrive under på tilknytingsavtalen med EUAA, slik at Noreg sitt bidrag framleis blir berekna ut frå den tidlegare tilknytingsavtalen med European Union Agency for Asylum (EASO). Mindrebehovet kjem òg dels av at Noreg sin del av rekninga blir lågare enn tidlegare berekna. Det er samstundes eit mindrebehov på posten på 4,6 mill. kroner til internasjonale IKT-forpliktingar. Mindrebehovet er knytt til forseinkingar i IKT-utviklinga i Schengen, og korleis Noreg sin del av kontingenten blir berekna og fordelt på aktivitetar i UDI og hos politiet.
Departementet foreslår samla å redusere løyvinga med 33,1 mill. kroner.
Post 75 Reiseutgifter for flyktninger til og fra utlandet, kan overføres
Løyvinga dekker reiseutgifter for overføringsflyktningar og ev. reiser i samband med anna byrdedeling. Løyvinga dekker òg utgifter i samband med mottak av overføringsflyktningar.
UDI har ein avtale om reiselogistikk for overføringsflyktningar med FN-organisasjonen International Organization for Migration (IOM). Kor mykje Noreg må betale til IOM avheng bl.a. av talet på reiser til Noreg, kvar reisa er frå, og valutakurs. Det er lågare utgifter til IOM i 2025 enn forventa.
Departementet foreslår å redusere løyvinga med 1 mill. kroner.
Kap. 3490 Utlendingsdirektoratet
Post 03 Reiseutgifter for flyktninger fra utlandet, ODA-godkjente utgifter
Reiseutgifter til og frå utlandet for flyktningar kan i tråd med statistikkdirektiva til OECD/DAC godkjennast som offisiell bistand. Inntektsanslaget knyter seg til utgifter over kap. 490, post 01 og 75.
Som følgje av endringar på kap. 490, post 75 og justeringar i berekningsgrunnlaget på kap. 490, post 01 foreslår departementet å redusere løyvinga med 991 000 kroner.
Post 04 Asylmottak, ODA-godkjente utgifter
Visse innanlandske utgifter til innkvartering av asylsøkarar og flyktningar kan i tråd med statistikkdirektiva til OECD/DAC godkjennast som offisiell bistand.
Inntektsanslaget knyter seg til utgifter over kap. 490, post 21, 60, 70 og 71. Inntektsanslaget er redusert pga. eit mindre behov for mottaksplassar. Reduksjonen kjem av underliggjande endringar i berekningsgrunnlaget som er beskrivne i kap. 490, post 21, 60 og 70.
Departementet foreslår å redusere løyvinga med 232,9 mill. kroner.
Post 05 Refusjonsinntekter
Inntektsanslaget aukar med 0,6 mill. kroner pga. høgare refusjonar frå EØS finansieringsordninga (EEA Grants og Norway Grants (2014–2021)). Meirinntekta er knytt til ressursbruk i UDI, og det blir derfor foreslått ein tilsvarande auke på kap. 490, post 01.
Departementet foreslår å auke løyvinga med 637 000 kroner mot ein tilsvarande auke på kap. 490, post 01.
Post 06 Beskyttelse til flyktninger utenfor Norge mv., ODA-godkjente utgifter
Utgifter til overføring av flyktningar kan i tråd med statistikkdirektiva til OECD/DAC godkjennast som offisiell bistand. Inntektsanslaget er knytt til utgifter over kap. 490, post 73.
Som følgje av endringar på kap. 490, post 73 og justeringar i berekningsgrunnlaget foreslår departementet å auke løyvinga med 948 000 kroner.
Post 07 Tolk og oversettelse, ODA-godkjente utgifter
Utgifter til tolk, omsetjing og informasjon i samband med asylsøkarprosessen kan ifølgje statistikkdirektiva til OECD/DAC godkjennast som offisiell bistand.
Dei siste prognosane tilseier lågare utgifter til tolk og omsetjing på kap. 490, post 22 i 2024.
Departementet foreslår å redusere løyvinga på posten med 10,9 mill. kroner.
Post 08 Internasjonalt migrasjonsarbeid og reintegrering i hjemlandet, ODA-godkjente utgifter
Utgifter til reintegrering av personar som blir returnerte til opphavslandet eller til eit tredjeland, samt tiltak som fremjar samarbeid om retur, returavtalar, oppbygging av migrasjonsforvaltning i sentrale opphavs- og/eller transittland, og velordna migrasjon, kan godkjennast som offisiell internasjonal bistand i tråd med statistikkdirektiva til OECD/DAC.
Inntektsanslaget heng saman med utgifter på kap. 490, post 72 og post 76. Prognosen for tilbakevendingar er lågare enn tidlegare anslått, noko som fører til lågare ODA-godkjende utgifter.
Departementet foreslår å redusere løyvinga på posten med 16,8 mill. kroner.
Kap. 491 Utlendingsnemnda
Post 01 Driftsutgifter, kan nyttes under post 21
Løyvinga på posten skal dekke utgifter til drift av UNE.
Nemndbehandling
Det ligg an til eit meirforbruk på opptil 1,4 mill. kroner til nemndbehandling på kap. 491, post 21. Kap. 491, post 01 og 21 har stikkorda «kan nyttast under». Departementet foreslår å redusere løyvinga på denne posten med 1,4 mill. kroner mot ein tilsvarande auke på post 21, jf. omtale under post 21.
Flytting av midlar til å behandle utvisingssaker
Departementet foreslår å auke løyvinga med 4 mill. kroner til å styrkje kapasiteten til å behandle utvisningssaker, jf. omtale under kap. 490, post 01.
Oppsummering
Samla foreslår departementet å auke løyvinga på posten med 2,6 mill. kroner.
Post 21 Spesielle driftsutgifter, nemndbehandling mv., kan nyttes under post 1
Løyvinga på posten skal dekke utgifter i samband med avvikling av nemndmøte.
Det ligg an til eit meirforbruk på opptil 1,4 mill. kroner i samband med nemndbehandling. Auken skuldast høgare kostnader til nemndbehandling enn det som tidlegare vart lagt til grunn. Kap. 491, post 01 og 21, har stikkorda «kan nyttast under».
I samsvar med prinsippet om realistisk budsjettering foreslår departementet å auke løyvinga på post 21 med 1,4 mill. kroner mot ein tilsvarande reduksjon på post 01.