2 Forslag til endringar i statsbudsjettet 2026
Kap. 1700 Forsvarsdepartementet
Post 01 Driftsutgifter
Regjeringa foreslår å auka løyvinga på posten med til saman 9,0 mill. kroner grunna følgjande saker:
Regjeringa foreslår å auka løyvinga med 6,8 mill. kroner til uføresette utgifter som krev rask avklaring, mot ein tilsvarande reduksjon som omtalt på kap. 1700, post 43. Vidare foreslår regjeringa å auka løyvinga med 2,0 mill. kroner for utgifter til Forsvarets forskingsinstitutt sitt oppdrag som myndigheitsstøtte i oppfølging og forvalting av European Defence Fund (EDF) og 0,2 mill. kroner til formannskapet i styringsgruppe for NATO Alliance Federated Surveillance and Control (AFSC). Utgiftene var opphavleg løyvde på kap. 1700, post 78, som vert foreslått redusert tilsvarande.
Post 43 Til disposisjon for Forsvarsdepartementet, kan overførast
Løyvinga på posten har vore nytta til å dekkja uføresette utgifter som krev rask avklaring. Det vert foreslått å avvikla posten og flytta løyvinga på 6,8 mill. kroner til kap. 1700, post 01, der føremålet vert vidareført. Tilsvarande forslag er lagt fram i Prop. 1 S (2026–2027).
Post 53 Risikokapital, NATO innovasjonsfond
Grunna periodisering av innbetalingane til fondet foreslår regjeringa å auka løyvinga på posten med 0,9 mill. kroner, mot ein tilsvarande reduksjon som omtalt på kap. 1760, post 45.
Post 71 Overføringar til andre, kan overførast
Grunna periodisering av innbetalingane i tilskot til FN foreslår regjeringa å redusera løyvinga på posten med 1,4 mill. kroner, mot ein tilsvarande auke som omtalt på kap. 1760, post 45.
Post 72 Tilskot til Noregs forskingsråd, kan overførast
Prognosane for tilskota som går gjennom Forskingsrådet er uvisse, sidan utbetalingane følgjer framdrifta i prosjekt. Løyvinga vert foreslått redusert med 18,2 mill. kroner, mot ein tilsvarande auke som omtalt på kap. 1760, post 45. Endringa vert òg sett i samanheng med forslag om endra tilsegnsfullmakt, jf. omtale under pkt. 4.
Post 73 Forsking og utvikling, kan overførast
Usikkerheit i utbetalingsprofil for samarbeidsprosjekta mellom Forsvarets forskingsinstitutt (FFI) og industrien har ført til ei oppbygging av midlar som er forplikta, men ikkje utbetalte. Vidare har regjeringa bestemt å utsetja handsaminga av søknader om tilskot til forsking, materiell og utviklingsstøtte medan ordninga skal evaluerast og forskriftsfestes, jf. omtale i Prop. 96 S (2025–2026). Desse forholda har ført til eit mindreforbruk på 85,9 mill. kroner, som regjeringa foreslår å omdisponera til materiellinvesteringar på kap. 1760, post 45.
Post 78 Noregs tilskott til NATOs og internasjonale driftsbudsjett, kan overførast
Regjeringa foreslår å redusera løyvinga på posten med til saman 20,6 mill. kroner grunna følgjande saker:
Regjeringa foreslår å redusera løyvinga med 223,7 mill. kroner for utbetalingsplan for EUs program Act in Support of Ammunition Production (ASAP). Deltakinga er finansiert over Nansen-programmet, og regjeringa foreslår å flytta midlane til kap. 1750, post 79.
Regjeringa foreslår å auka løyvinga med 30,3 mill. kroner for norsk deltaking i Allied Software for Cloud and Edge Services, mot ein tilsvarande reduksjon som omtalt på kap. 1760, post 45.
Regjeringa foreslår å redusera løyvinga med høvesvis 2,0 og 0,2 mill. kroner for Forsvarets forskingsinstitutt si oppdrag som myndigheitsstøtte i European Defence Fund (EDF) og formannskapet i NATO Alliance Federated Surveillance and Control (AFSC), mot ein tilsvarande auke som omtalt under kap. 1700, post 01.
Regjeringa foreslår å auka løyvinga med 130,0 mill. kroner til eit enkeltståande tilskot til Chemring Nobel AS. Tilskotet skal bidra til raskare modning av prosjekt for å auka produksjonen av militære eksplosiv gjennom etablering av nytt anlegg, og for å kunne leggja grunnlag for ei eventuell investering i 2027. Løyvinga på kap. 1760, post 45 vert redusert tilsvarande.
Regjeringa foreslår å auka løyvinga på posten med 45,0 mill. kroner til tilskot til NATOs DCB-program (Defence Capacity Building) til forsvarssamarbeid med Moldova. I 2026 er det løyva midlar til forsvarssamarbeid med Moldova på kap. 1720, post 01, som vert redusert tilsvarande.
Post 90 Kapitalinnskot, NATO innovasjonsfond
Grunna periodisering av innbetalingane til fondet foreslår regjeringa å auka løyvinga på posten med 1,6 mill. kroner, mot ein tilsvarande reduksjon som omtalt på kap. 1760, post 45.
Kap. 1710 Forsvarsbygg og nybygg og nyanlegg
Post 01 Driftsutgifter, kan overførast
Regjeringa foreslår å redusera løyvinga på posten med til saman 363,9 mill. kroner grunna følgjande saker:
Anslaga for utgifter til forvalting av eigendom er reduserte med 17,1 mill. kroner på grunn av arealendringar. Anslaga for utgifter til forsyning er auka med 362,3 mill. kroner og kjem av vedvarande høge energiprisar, auka forbruk som følgje av høgare aktivitet og beredskap, samt fleire bygg, anlegg og tekniske installasjonar som skal driftast. Endringane har ei tilsvarande redusert inntektsside som omtalt på kap. 4710, post 01.
Brukarstyrte prosjekt vert gjennomførte på grunnlag av bestillingar til Forsvarsbygg frå brukare av eigendom, bygg og anlegg i forsvarssektoren. Anslaga for utgifter til brukarstyrte prosjekt er nedjusterte med 200,0 mill. kroner. Endringane har ei tilsvarande redusert inntektsside som omtalt på kap. 4710, post 01.
Forsvarsbygg tek imot oppdrag innanfor sektoren som gjeld NATO-prosjekter, bustad og kvarter og forvaltingsoppdrag og FoU. På grunn av nedjusteringar i årsprognosen vert det foreslått å redusera løyvinga med 211,1 mill. kroner. Endringane har ei tilsvarande redusert inntektsside som omtalt på kap. 4710, post 01.
Forsvarsbygg utfører oppdrag utanfor forsvarssektoren. Dei mest omfattande oppdraga er knytte til Justis- og beredskapsdepartementet, særleg innanfor Justis- og beredskapsdepartementets anskaffingsprosjekt for nye redningshelikopter NAWSARH (Norwegian All Weather Search And Rescue Helicopter). På grunn av endra prognosar for NAWSARH-prosjekta foreslår regjeringa å redusera løyvinga med 63,1 mill. kroner. Endringane har ei tilsvarande redusert inntektsside som omtalt på kap. 4710, post 01.
Forsvarsbygg har meirutgifter på 2,4 mill. kroner til støttetenester i samband med Supplementary Defence Cooperation Agreement (SDCA). Forsvarsbygg har mindreutgifter på 22,0 mill. kroner til reinhald. Dei to sakene gir samla eit mindrebehov på 19,6 mill. kroner som vert foreslått omdisponert til materiellinvesteringar på kap. 1760, post 45.
Prosjektet Sikker teknisk infrastruktur har eit mindrebehov i 2026, og løyvinga på posten vert foreslått redusert med 216,4 mill. kroner.
Regjeringa foreslår å auka løyvinga med 1,1 mill. kroner knytt til planlegginga og gjennomføringa av gravferda til H.M. Kong Harald V.
Post 47 Nybygg og nyanlegg, kan overførast, kan nyttast under kap. 1760, post 45
Regjeringa foreslår å auka løyvinga på posten med til saman 187,0 mill. kroner grunna følgjande saker:
Regjeringa foreslår å omdisponera 169,0 mill. kroner frå kap. 1760, post 45, for å forsera investeringar i eigedom, bygg og anlegg som har høg prioritet. Omdisponeringa er gjort i tråd med føremålet til stikkordsfullmakta «kan nyttast under kap. 1710, post 47» på kap. 1760, post 45 om å sjå investeringar i materiell og investeringar i eigedom, bygg og anlegg i samanheng. Redusert løyving til materiellinvesteringar i 2026 vert handtert gjennom den samla porteføljestyringa av materiellinvesteringar. Endringa inneber ikkje ei redusert satsing på materiellinvesteringar i planperioden samanlikna med føresetnadene som er lagde til grunn for langtidsplanen for forsvarssektoren.
Regjeringa foreslår å auka løyvinga på posten med 18,0 mill. kroner tilsvarande meirinntektene frå sal av leilegheiter som omtalt på kap. 4710, post 47. Auken går til renovering av leilegheiter for forsvarstilsette.
Område- og perimetersikring av Andøya flystasjon
Forsvarsdepartementet har tidlegare opplyst at bygginga av perimetersikringstiltaket ved Andøya flystasjon skulle gjennomførast i perioden 2026–2028, og at arbeidet skulle starta i 2026. Tiltaket skal gi ei forsvarleg sikring av verksemda til Forsvaret på flystasjonen og samstundes vareta krava frå Avinor og Luftfartstilsynet til tryggleik på flyplassen. Forsvarsbygg fekk i juni 2026 oppdraget med å gjennomføra prosjektet. Prosjektet er ferdig prosjektert, og konkurransen om bygginga vart kunngjord 29. oktober 2026, med tilbodsfrist 3. desember 2026. Kontrakten er planlagd inngått i desember 2026. Tiltaket er søknadspliktig etter plan- og bygningslova og krev mellom anna dispensasjonar frå gjeldande arealplanar. Byggestart er etter dette venta i første halvår 2027, og prosjektet er framleis planlagt ferdigstilt i 2028.
Kap. 4710 Forsvarsbygg og nybygg og nyanlegg
Post 01 Driftsinntekter
Regjeringa foreslår å redusera løyvinga med 129,0 mill. kroner, jf. omtale under kap. 1710, post 01 av utgiftsendringar som har ei tilsvarande inntektsside.
Post 47 Sal av eigendom
Regjeringa foreslår å auka løyvinga på posten med 18,0 mill. kroner som følgje av meirinntekter frå sal av leilegheiter, jf. omtale på kap. 1710, post 47.
Kap. 1720 Forsvaret
Post 01 Driftsutgifter
Regjeringa foreslår å auka løyvinga på posten med til saman 724,3 mill. kroner grunna følgjande saker:
Regjeringa foreslår å auka løyvinga på posten med 674,8 mill. kroner til utgifter som har ei tilsvarande inntektside, jf. omtale under kap. 4720, post 01.
Regjeringa foreslår å redusera løyvinga med 45,0 mill. kroner mot tilsvarande auke til forsvarssamarbeid i Moldova som omtalt på kap. 1700, post 78.
Regjeringa foreslår å auka løyvinga på posten med 20,9 mill. kroner mot ein tilsvarande reduksjon på kap. 1760, post 01. Endringa er ei justering av overføringar som vart gjort frå Forsvarsmateriell til Forsvaret i revidert nasjonalbudsjett for 2026 i samband med organisasjonsendringane i prosjekt Forsvarssektoren 2024 (F24), jf. Innst. 450 S (2025–2026) til Prop. 96 S (2025–2026).
Regjeringa foreslår å redusera løyvinga på posten med 3,8 mill. kroner mot ein tilsvarande auke på kap. 1760, post 01 til ombygging av fartøy Sjøbjørn M2.
Regjeringa foreslår å auka løyvinga på posten med 9,9 mill. kroner mot ein tilsvarande reduksjon på kap. 1760, post 45 til prosjektleiing av materiellinvesteringsprosjekt der Forsvaret er prosjekteigar og -leiar.
Regjeringa foreslår å redusera løyvinga på posten med 5,8 mill. kroner mot ein tilsvarande auke på kap. 1791, post 01 til utgifter til redningshelikoptertenesta.
Regjeringa foreslår å auka løyvinga med 73,4 mill. kroner knytt til planlegginga og gjennomføringa av gravferda til H.M. Kong Harald V.
Informasjon om forskyving i maritime innsatsstyrker
Forsvarsdepartementet informerer om at det til grunn for det vidare arbeidet med utviklinga av strukturen i Heimevernet ligg ei forskyving knytt til etableringa av dei maritime innsatsstyrkane i HV-09 og HV-12, samanlikna med opprinneleg langtidsplan, jf. Innst. 426 S (2023–2024) til Prop. 87 S (2023–2024). Etableringa av dei maritime innsatsstyrkane er planlagt påbegynt i 2030 for HV-09 og 2032 for HV-12 og er venta etablert innan utgangen av høvesvis 2032 og 2034.
Kap. 4720 Forsvaret
Post 01 Driftsinntekter
Regjeringa foreslår å auka løyvinga på posten med 674,8 mill. kroner, som følgje av oppdaterte anslag for inntekter i løpet av året. Om lag 520 mill. kroner av auken er knytt til Forsvarets logistikkorganisasjon (FLO), og skuldast blant anna auka salsinntekter for drivstoff til allierte og sivile og auka inntekter frå allierte nasjonar etter CORE 26 samt anna øvingsaktivitet. Det er også meirinntekter i andre driftseiningar, blant anna sal av tenester frå Cyberforsvaret, betaling frå Helse- og omsorgsdepartementet til Forsvarets sanitet for evakuering av pasientar frå Ukraina, vidarefakturering av allierte og andre etatar frå Forsvarets spesialstyrkar, samt inntekter til Forsvarets personell- og vernepliktssenter frå NATO for utgifter til Fleet Operationel Readiness Accuracy Check Sites i Stavanger. Endringane har ei tilsvarande auka utgiftsside som omtalt på kap. 1720, post 01.
Kap. 1730 Forsvarshistorisk museum, utgifter
Post 01 Driftsutgifter
Regjeringa foreslår å auka løyvinga på posten med til saman 1,7 mill. kroner.
1,4 mill. kroner går til auka driftsutgifter, som delvis har ein tilsvarande inntektsauke som omtalt på kap. 4730, post 01.
Regjeringa foreslår å auka løyvinga med 0,3 mill. kroner knytt til planlegginga og gjennomføringa av gravferda til H.M. Kong Harald V.
Kap. 4730 Forsvarshistorisk museum, inntekter
Post 01 Driftsinntekter
Regjeringa foreslår å auka løyvinga på posten med til saman 1,0 mill. kroner.
Forsvarshistorisk museum har oppdrag om å auka eigeninnteninga som eit tillegg til Forsvarsdepartementets årlege tildeling. Auka eigeninntening skal bidra til vidareutvikling av etaten, jf. forslag om tilsvarande utgiftsauke på kap. 1730, post 01.
I samband med gravferda til H.M. Kong Harald V har Forsvarshistorisk museum hatt reduserte billettinntekter på 0,4 mill. kroner som følgje av stenging av musea på Akershus slott. Dette er det teke omsyn til i forslag til løyving.
Kap. 1740 Statens graderte plattformtenester, utgifter
Post 01 Driftsutgifter, kan overførast, kan nyttas under 1740, post 45
Regjeringa foreslår å auka løyvinga på posten med til saman 15,3 mill. kroner grunna følgjande saker:
Regjeringa foreslår å auka løyvinga med 39,0 mill. kroner for meirutgifter med ei tilsvarande inntektsside, jf. omtale på kap. 4740, post 01.
Det vert foreslått å redusera løyvinga med 30,0 mill. kroner mot ein tilsvarande auke på kap. 1740, post 45 for investering i datasenterinfrastruktur.
Regjeringa foreslår å auka løyvinga med 6,2 mill. kroner, som vert rammeoverført frå Statsministerens kontor på kap. 20, post 01 til Statens graderte plattformtenester i samband med overføring av IKT-tilsette.
Regjeringa foreslår å auka løyvinga med 0,1 mill. kroner knytt til planlegginga og gjennomføringa av gravferda til H.M. Kong Harald V.
Post 45 Større utstyrsanskaffingar og vedlikehald, kan overførast
Regjeringa foreslår å auka løyvinga på posten med 30,0 mill. kroner til investering i datasenterinfrastruktur, som vert omdisponert frå kap. 1740, post 01. Utstyret er ein del av den tekniske infrastrukturen som støttar opp under tenesteleveransane til etaten og kapasiteten i datasentera. Anskaffinga vert rekna som investeringar framfor driftsutgifter.
Kap. 4740 Statens graderte plattformtenester, inntekter
Post 01 Driftsinntekter
Regjeringa foreslår å auka løyvinga på posten med til saman 36,0 mill. kroner grunna følgjande saker:
Grunna auka inntekter frå Statens graderte plattformtenester sine tenestemottakarar foreslår regjeringa å auka løyvinga med 39,0 mill. kroner. Auken har ein tilsvarande utgiftsside på kap. 1740, post 01. Vidare vert det foreslått å redusera løyvinga på posten med 3,0 mill. kroner grunna ein forskyving av inntekter for etablering av Nasjonal BEGRENSET plattform (NBP) og Nasjonal HEMMELIG plattform (NHP) til 2027, mot ein tilsvarande reduksjon på kap. 1760, post 45.
Kap. 1750 Militær støtte til Ukraina, utgifter
Post 21 Spesielle driftsutgifter, kan overførast, kan nyttast under 1750, post 79
Regjeringa foreslår å redusera løyvinga på posten med til saman 3 395,1 mill. kroner grunna følgjande saker:
Regjeringa foreslår å auka løyvinga med 55,3 mill. kroner. Auken er knytt til utlegg og teneste frå forsvarssektoren til Kongsberg Defence & Aerospace AS og har ei tilsvarande inntektsside som omtalt på kap. 4750, post 01.
Regjeringa foreslår å redusera løyvinga med 3 450,4 mill. kroner mot ein tilsvarande auke som omtalt på kap. 1750, post 79 til auka tilskotsutbetalingar i 2026.
Post 79 Tilskot til militær støtte for Ukraina, kan overførast, kan nyttast under 1750, post 21
Regjeringa foreslår å auka løyvinga på posten med 4 085,6 mill. kroner grunna følgjande saker:
Regjeringa foreslår å auka løyvinga med 3 450,4 mill. kroner til auka tilskotsutbetalingar i 2026. Situasjonen i Ukraina er dynamisk og dei ukrainske behova endrar seg i takt med utviklinga i krigen. Regjeringa gjer vedtak om tiltak for støtte til Ukraina gjennom året. Regjeringa har vedteke å understøtta naudsynte ukrainske behov ved å auka Noregs bidrag til internasjonale samarbeidsmekanismar, i hovudsak for å bidra til Ukrainas behov for tiltak mot russiske luftangrep. Regjeringa foreslår difor ein løyvingsauke på kap. 1750, post 79, mot ein tilsvarande reduksjon på kap. 1750, post 21.
Regjeringa foreslår å auka løyvinga med 744,5 mill. kroner til donasjonar av materiell til Ukraina. Regjeringa har i 2026 planlagt med donasjonar av materiell frå forsvarssektoren for 2 184,5 mill. kroner. Verdien av donert materiell frå forsvarssektoren vert trekt ifrå ramma på Nansen-programmet på donasjonstidspunktet, mot ein tilsvarande auke når gjenanskaffinga kjem til utbetaling. I saldert budsjett 2026 vart det trekt frå 2,0 mrd. kroner i påvente av forventa donasjonar i 2026. I revidert nasjonalbudsjett 2026 vart det trekt frå ytterlegare 929,0 mill. kroner for donasjonar så langt i 2026, jf. Innst. 450 S (2025–2026) til Prop. 96 S (2025–2026).
Størstedelen av auken skjer som følgje av at delar av ein planlagt donasjon av NASAMS-materiell i 2026 vert gjennomført i 2027, grunna naudsynt behov for klargjering av materiellet. Materiellet som vert donert i 2027 har ein verdi på 812,0 mill. kroner. Vidare har regjeringa vedteke donasjonar av materiell for 55,0 mill. kroner for å understøtta allereie donert NASAMS-materiell som skal gjenanskaffast i seinare år, og donasjon av overskotsmateriell som ikkje skal gjenanskaffast for 12,5 mill. kroner.
Regjeringa foreslår å auka løyvinga med 223,7 mill. kroner til utbetalingsplan for EUs program Act in Support of Ammunition Production (ASAP). Deltakinga er finansiert over Nansen-programmet, og regjeringa foreslår å flytta midlane til kap. 1750, post 79, frå kap. 1700, post 78.
Regjeringa foreslår at det skal opprettast ei ordning som opnar for statleg deltaking i norske fond retta mot ukrainsk forsvarsindustri. Ordninga er foreslått med ei ramme på 1 mrd. kroner som vert tilført Nærings- og fiskeridepartementet frå Nansen-programmet i perioden 2026-2028. Føremålet er å bidra til utvikling av ukrainsk forsvarsindustri og styrking av europeisk og norsk tryggleik.
Ukraina har vist at landet kan skape delar av det naudsynte materiellet sjølv, så sant allierte investerer i og skaffar materiell som vert produsert av ukrainsk forsvarsindustri. Ukrainske myndigheiter har bedt om at Noreg vurderer å oppretta eit fond for investeringar i ukrainsk forsvarsindustri. Fleire land er til stades i marknaden, med USA-baserte investorar i spissen. I Noreg vert fondet skipa med privat kapital, retta mot ukrainsk forsvarindustri. Ved skipinga av denne ordninga bidreg Noreg til å skape ein meir robust forsvarssektor i Ukraina som på sikt kan setja dei i stand til å skalera og investera i teknologiar og produkt dei har behov for.
Ukrainsk produksjonskapasitet og innovasjonsevne er avgjerande for Ukraina, men kan også på sikt skape framtidig avskrekking og styrkja tilgangen til relevant militært materiell for dei europeiske allierte. Ordninga gjeld investeringar med høg usikkerheit i eit land i krig, som inneber ein betydeleg høgare risiko enn tilsvarande investeringar i Noreg. Risikoen vil avhenga av utviklinga av selskapa det vert investert i, og korleis krigen i Ukraina utviklar seg i åra framover. Regjeringa meiner samstundes det er avgjerande for Ukraina at Noreg, så vel som andre nasjonar, investerer i ukrainske selskap som kan støtta opp under den ukrainske forsvarskampen.
Ordninga skal finansierast gjennom den militære delen av Nansen-programmet, og liggja under Nærings- og fiskeridepartementet.
Det vert derfor foreslått å rammeoverføra 333 mill. kroner frå Forsvarsdepartementets kap. 1750, post 79 til Nærings- og fiskeridepartementets kap. 952, post 52.
Informasjon om enkelståande tilskot over Nansen-programmet til norske mottakarar
Forsvarsdepartementet tildelte Nammo eit enkeltståande tilskot på 375 mill. kroner i 2024. Føremålet med tilskotet er gradert og har difor ikkje vert omtala tidlegare, og gjeld kritiske komponentar Ukraina har behov for. Forsvarsdepartementet utbetalte 225 mill. kroner i 2024 og legg opp til å utbetala resterande 150 mill. kroner i 2026, med 25 mill. kroner i risikoavsetning. Total ramme for tilskotet er inntil 400 mill. kroner.
Forsvarsdepartementet legg opp til å tildela tilskot på inntil 45 mill. kroner til Kongsberg Gruppen ASA (KOG). Føremålet med tilskotet er å støtta Ukrainas ambisjon om å utvikla eit europeisk anti-ballistisk luftvernsystem. Tilskotet skal dekkja delar av KOG sitt arbeid med prosjektet.
Forsvarsdepartementet gav i 2024 eit tilsegn om tilskot til Chemring Nobel AS for å byggja opp heksamin-produksjon i Noreg innanfor ei total ramme på 100 mill. kroner til tiltaket. Første utbetaling til prosjektet vart utbetalt i 2025 med totalt 67 mill. kroner, jf. omtale under kap. 1700, post 78 i Prop. 16 S (2025–2026). I budsjettet for 2026 har Forsvarsdepartementet lagt opp til å tildela siste utbetaling i prosjektet på 33 mill. kroner til Chemring Nobel AS. Prosjektet er forsinka og siste utbetaling på 33 mill. kroner vert forskyvd til 2027.
Regjeringa har sidan 2024 totalt sett av 950 mill. kroner til medfinansiering av norske prosjekt innanfor EUs program for auka produksjonskapasitet (ASAP). Noregs deltaking i ASAP vart først omtalt i samband med revidert nasjonalbudsjett 2024, jf. Prop. 104 S (2023–2024). Grunna uførutsette tilhøve knytte til mellom anna grunnforhold, er to av Chemring Nobel sine tre prosjekt for kapasitetsutviding av eksisterande anlegg noko forsinka. Prosjekta skal gjennomførast, men ferdigstillinga vert noko utsett.
Nammo mottek medfinansiering for to prosjekt innanfor ASAP, der eitt av prosjekta var for å auka tilfanget på modulære drivladningar til 155mm. artilleriammunisjon. I dette prosjektet er Nammo del av eit fleirnasjonalt konsortium, og Nammo er tildelt 160 mill. kroner av Forsvarsdepartementet for prosjektet. Nammo har valt å trekkja seg frå dette konsortiet og tilskotsavtalen vert difor avslutta. Ubrukte midlar frå prosjektet vil igjen inngå i den ordinære ramma av den militære delen av Nansen-programmet.
Informasjon om donasjonar og gjenanskaffing av donert materiell
I perioden 2022–2026 har donasjonar av materiell frå forsvarssektoren utgjort ein vesentleg del av den norske militære støtta til Ukraina. Inkludert planlagde donasjonar i 2026 er det donert materiell til ein samla verdi av om lag 20,9 mrd. kroner frå forsvarssektoren i perioden 2022–2026. Donert overskotsmateriell til ein verdi av 2,0 mrd. kroner skal ikkje gjenanskaffast. Med planlagde utbetalingar i 2026 har regjeringa så langt gjennomført utbetalingar for om lag 5,7 mrd. kroner for gjenanskaffing av donert materiell. I perioden 2023-2026 er det sett av 916,6 mill. kroner til handtering av prisauke knytt til det samla fråtrekket for donert materiell. Det står difor att om lag 14,1 mrd. kroner til utbetaling for gjenanskaffing av donert materiell etter budsjettåret 2026.
Kap. 4750 Militær støtte til Ukraina, inntekter (NY)
Post 01 Driftsinntekter
Regjeringa foreslår å auka løyvinga på posten med 55,3 mill. kroner. Grunna inntekter frå Kongsberg Defence & Aerospace AS som følgje av utlegg og teneste levert frå forsvarssektoren, foreslår regjeringa å auka løyvinga med 55,3 mill. kroner. Auken har ei tilsvarande utgiftsside som omtalt på kap. 1750, post 21.
Kap. 1760 Forsvarsmateriell og større anskaffingar og vedlikehald
Post 01 Driftsutgifter, kan nyttast under kap. 1760, post 45
Regjeringa foreslår å auka løyvinga på posten med 66,8 mill. kroner grunna følgjande saker:
Regjeringa foreslår å auka løyvinga på posten med 84,0 mill. kroner til direkte utgifter i samband med sal av P-3 Orion i tråd med Forsvarsdepartementet sin meirinntektsfullmakt. Sjå òg omtale under kap. 1760, post 45 og kap. 4760, post 45.
Regjeringa foreslår å auka løyvinga på posten med 3,8 mill. kroner mot ein tilsvarande reduksjon på kap. 1720, post 01 til ombygging av fartøy Sjøbjørn M2.
Regjeringa foreslår å redusera løyvinga på posten med 20,9 mill. kroner mot ein tilsvarande auka på kap. 1720, post 01. Endringa er ei justering av overføringar som vart gjort frå Forsvarsmateriell til Forsvaret i revidert nasjonalbudsjett for 2026 i samband med organisasjonsendringane i prosjekt Forsvarssektoren 2024 (F24), jf. Innst. 450 S (2025–2026) til Prop. 96 S (2025–2026).
Post 44 Fellesfinansierte investeringar, nasjonalfinansiert del, kan overførast
Regjeringa foreslår å redusera løyvinga på posten med 73,0 mill. kroner grunna forseinkingar i prosjekt knyte til NATO sitt investeringsprogram for tryggleik, mot ein tilsvarande auke på kap. 1760, post 45.
Post 45 Større utstyrsanskaffingar og vedlikehald, kan overførast, kan nyttast 1710, post 47
Regjeringa foreslår å redusera løyvinga på posten med til saman 607,5 mill. kroner grunna følgjande saker:
Regjeringa foreslår å redusera løyvinga på posten med 130,0 mill. kroner mot ein tilsvarande auke på kap. 1700, post 78, til tilskot til Chemring Nobel, jf. omtale på same post. Omdisponeringa vert teken frå ledig likviditet på materiellinvesteringsbudsjettet i 2026.
Regjeringa foreslår å redusera løyvinga på posten med 169,0 mill. kroner mot ein tilsvarande auke som omtalt på kap. 1710, post 47.
Basert på valutakursar per 1. september 2026 foreslår regjeringa å redusera løyvinga til valutakompensasjon av store investeringsprosjekt med 724,4 mill. kroner.
Grunna redusert framdrift i oppdrag frå Forsvarsdepartementet foreslår regjeringa at 3,4 mill. kroner av tidlegare rammeoverføring til Noregs forskingsråd (kap. 285, post 21) vert tilbakeført, slik at løyvinga på kap. 1760, post 45 aukar tilsvarande.
Prognosane for tilskota som går gjennom Forskingsrådet er uvisse, sidan utbetalingane følgjer framdrifta i prosjekt. Løyvinga på posten vert foreslått auka med 18,2 mill. kroner, mot ein tilsvarande reduksjon som omtalt på kap. 1700, post 72.
Regjeringa foreslår å auka løyvinga på posten med 73,0 mill. kroner grunna redusert finansieringsbehov for prosjekt knytte til NATO sitt investeringsprogram for tryggleik inneverande år, jf. omtale på kap. 1760, post 44. Av same årsak foreslår regjeringa å auka løyvinga på posten med 25,9 mill. kroner, jf. omtale på kap. 1760, post 75. Endringane vert òg sett i samanheng med endringar på kap. 1760, post 48 og kap. 4760, post 48.
Regjeringa foreslår å auka løyvinga på posten med 94,7 mill. kroner som følgje av auka royalties-inntekter, jf. omtale på kap. 4760, post 01.
Meirinntektene frå sal av P-3 Orion er forventa å verta 270 mill. kroner, jf. omtale under kap. 4760, post 45. Direkte utgifter til avhending i samband med salet er forventa å verta 84,0 mill. kroner, jf. omtale under kap. 1760, post 01. Regjeringa foreslår å auka løyvinga på posten med 75 pst. av netto meirinntektene frå salet, som svarar til 139,5 mill. kroner. Dette er i tråd med Forsvarsdepartementet sin meirinntektsfullmakt.
Regjeringa foreslår å redusera løyvinga på posten med 3,0 mill. kroner grunna ein forskyving av inntekter for etablering av Nasjonal BEGRENSET plattform (NBP) og Nasjonal HEMMELIG plattform (NHP) til 2027, jf. omtale under kap. 4740, post 01.
Regjeringa foreslår i tillegg tekniske omdisponeringar mellom kap. 1760, post 45 og en rekke andre poster som i sum aukar løyvinga på posten med 64,2 mill. kroner. Sjå omtale under høvesvis kap. 1700, post 53, kap. 1700, post 71, 1700, post 73, kap. 1700, post 78, kap. 1700, post 90, kap. 1710, post 01 og kap. 1720, post 01.
Post 48 Fellesfinansierte investeringar, fellesfinansiert del, kan overførast
Regjeringa foreslår å redusera løyvinga på posten med 290,6 mill. kroner som følgje av redusert framdrift i prosjekt knytte til NATO sitt investeringsprogram for tryggleik. Endringane vert sett i samband med endringar på kap. 1760, post 45, 1760, post 75 og kap. 4760, post 48.
Post 75 Fellesfinansierte investeringar, Noregs tilskott til NATOs investeringsprogram for tryggleik, kan overførast, kan nyttast under kap. 1760, post 44
Regjeringa foreslår å redusera løyvinga på posten med 164,5 mill. kroner grunna redusert framdrift i prosjekt knytte til NATO sitt investeringsprogram for tryggleik. Endringane vert sett i samanheng med endringar på kap. 1760, post 45, 1760, post 48 og kap. 4760, post 48.
Kap. 4760 Forsvarsmateriell og større anskaffingar og vedlikehald
Post 01 Driftsinntekter
Regjeringa foreslår å auka løyvinga på posten med 94,7 mill. kroner grunna innbetalte royalties, mot ein tilsvarande auke som omtalt på kap. 1760 post 45.
Post 45 Større utstyrsanskaffingar og vedlikehald, inntekter
Regjeringa foreslår å redusera løyvinga på posten med 467,0 mill. kroner grunna følgjande saker:
Regjeringa foreslår å auka løyvinga på posten med 270 mill. kroner grunna meirinntekter frå sal av overvakingsfly P-3 Orion. Sjå òg omtale på kap. 1760, post 01 og kap. 1760, post 45.
Regjeringa foreslår å redusera løyvinga på posten med 737,0 mill. kroner grunna forseinking i levering av F-16 fly til Romania. Inntektene vert forskyvd til 2027.
Post 48 Fellesfinansierte investeringar, inntekter
Regjeringa foreslår å redusera løyvinga på posten med 429,2 mill. kroner grunna redusert framdrift i prosjekt knytte til NATO sitt investeringsprogram for tryggleik. Endringane vert sett i samband med endringar på kap. 1760, post 45, 48 og 75.
Kap. 1791 Redningshelikoptertenesta
Post 01 Driftsutgifter
Regjeringa foreslår å auka løyvinga på posten med 5,8 mill. kroner mot ein tilsvarande reduksjon som omtalt på kap. 1720, post 01, til utgifter til redningshelikoptertenesta.