2 Administrasjon m.m.
Kap. 1300 Samferdselsdepartementet
Post 70 Tilskot til internasjonale organisasjonar
I 2026 er det løyvd 43 mill. kr på posten. Samferdselsdepartementet foreslår å redusere løyvinga med 9,5 mill. kr. Føresetnadene har endra seg samanlikna med det som blei lagt til grunn for statsbudsjettet 2026. M.a. har den norske krona styrkt seg i høve til euro, som mange kontingentar blir betalt i.
Kap. 1301 Forsking og utvikling mv.
Post 71 Noregs forskingsråd
I 2026 er det løyvd 65,1 mill. kr på posten. Samferdselsdepartementet foreslår å redusere løyvinga med 14 mill. kr fordi Noregs forskningsråd har redusert anslaget sitt for utbetalingar.
Auka tilsegnsfullmakt
Samferdselsdepartementet har i 2026 ei tilsegnsfullmakt med ei samla ramme for gammalt ansvar og nye tilsegn på 194 mill. kr. Departementet foreslår å auke tilsegnsfullmakta med 9,5 mill. kr til 203,5 mill. kr på grunn av forslaget om å redusere løyvinga i 2026, jf. forslag til romartalsvedtak.
Post 72 Noregs forskingsråd – NTP-formål
I 2026 er det løyvd 62,5 mill. kr på posten. Samferdselsdepartementet foreslår å redusere løyvinga med 17,5 mill. kr fordi Noregs forskningsråd har redusert anslaget sitt for utbetalingar.
Auka tilsegnsfullmakt
Samferdselsdepartementet har i 2026 ei tilsegnsfullmakt med ei samla ramme for gammalt ansvar og nye tilsegn på 337 mill. kr, jf. Prop. 96 S (2025–2026) Tilleggsbevilgninger og omprioriteringer i statsbudsjettet 2026 og Innst. 450 S (2025–2026). Departementet foreslår å auke tilsegnsfullmakta med 7,5 mill. kr til 344,5 mill. kr på grunn av forslaget om å redusere løyvinga i 2026, jf. forslag til romartalsvedtak.