5 Særskilde transporttiltak

Kap. 1332 Transport i byområde mv.

Post 66 Tilskot til byområde

Auka tilsegnsfullmakt

Samferdselsdepartementet har i 2026 fullmakt til å gi tilsegn om tilskot til mindre investeringstiltak på kommunal veg og fylkesveg i byvekstavtalar. Fullmakta er i 2026 på 2 280 mill. kr, jf. Prop. 96 S (2025–2026) Tilleggsbevilgninger og omprioriteringer i statsbudsjettet 2026 og Innst. 450 S (2025–2026). Det er behov for i større grad å ta høgd for uvissa knytt til kostnadene i desse prosjekta. Samferdselsdepartementet foreslår derfor å auke tilsegnsfullmakta for 2026 til 2 650 mill. kr, jf. forslag til romartalsvedtak.

Dei same føresetnadene er lagt til grunn for fullmakta som er foreslått for 2027.