7 Eksporten av forsvarsmateriell frå Noreg i 1997

Oversyna over eksporten av forsvarsmateriell er baserte på verdien av utførsle ved sal av varer på Liste I. Oversyna inneheld ikkje opplysningar om mellombels utførsle av varer for reparasjon eller demonstrasjon som så vert returnerte til Noreg, eller varer som vert returnerte til eigaren etter reparasjon i Noreg. Verdien av dei utførte produkta er fastsett av eksportbedriftene i dei rapportane dei er pålagde å sende Utanriksdepartementet kvartalsvis. Verdiane i desse rapportane kan avvike frå verdiane som står i lisensane. Dette har m.a. samanheng med at ein lisens kan vere gyldig for eit lengre tidsrom enn eit kvartal, eller at lisensen ikkje blir utnytta fullt ut.

Eksporten av forsvarsmateriell og tenester er nedfelt i:

• Tabell 1; oversyn over mottakarland etter varegruppene i Liste I.

• Tabell 2; eksport av forsvarsmateriell fordelt på varegruppene i Liste I (i tusen kroner).

• Tabell 3; eksport av forsvarsmateriell fordelt på land (i tusen kroner).

• Tabell 4; eksport av forsvarsmateriell fordelt på regionar (i tusen kroner).

• Tabell 5; utførte tenester knytte til Liste I (i tusen kroner).

• Tabell 6; utførte reparasjonar av forsvarsmateriell for utanlandsk oppdragsgjevar (i tusen kroner).

Retningslinjene skil mellom kategori A-materiell og kategori B-materiell. Slike varer, teknologi og tenester er omtala i Liste I. I tabellane 2 og 3 er dette skiljet reflektert.

Med kategori A-materiell er å forstå våpen og ammunisjon av alle slag og i tillegg anna materiell som i vesentleg grad vil kunne påverke dei militære styrketilhøva utover nærområdet, mellom anna materiell for havovervaking og elektroniske tiltak mot satelittborne system.

Kategori B-materiell er anna forsvarsmateriell, som ikkje har eigenskapar eller bruksområde slik dei er definerte for varekategori A.

Verdien av eksporten i 1997 var 1.115.096.000 kroner.

NATO, nordiske land og andre europeiske land tok imot meir enn 80 prosent av eksporten. Største kjøparen var Sverige, som tok imot om lag ein tredjedel av eksporten. Delleveransar utgjorde ca. ein firedel av eksportverdien. Elektronisk utstyr utgjorde om lag halvparten av den totale eksporten. B-materiell representerte hovudtyngda av eksporten.

Oversyn over bedrifter som har rapportert om eksport av forsvarsmateriell

Alcatel Telecom Norway AS

AME AS

ARC AS

Bakelittfabrikken AS

Bandak AS

Comrod AS

Det Norske Veritas

Dyno Industrier ASA, Defence Products

Dynoplast Stjørdal

Ericsson Radar AS

Hägglunds Moelv AB

Kongsberg Defence and Aerospace AS

Kongsberg Ericsson Communications ANS

Kongsberg Informasjonskontroll AS

Kongsberg Simrad AS

Kværner Eureka AS

Natech Production AS

Nera AS

Norsk Jetmotor AS

Raufoss Technology AS

Rottefella AS

Scana Servoteknikk AS

Simrad Optronics ASA

Vinghøgs mek. verksted AS

Våpensmia AS