Måling av forsking og innovasjon i helseføretaka og kompetansesentra utanfor spesialisthelsetenesta

Måling av forskings- og innovasjonsaktivitet

Helse- og omsorgsdepartementet innførte i 2003 registrering av forskingsresultat i helseføretaka basert på publiseringsanalyse.

Formålet med eit system for registrering av forskingsresultat er behovet for å kunne dokumentere forskingsaktiviteten i helseføretaka og som grunnlag for fordeling av det statlege øyremerkte tilskotet til forsking i dei regionale helseføretaka (jf. kap. 732, post 78 Forsking i helseføretaka).

Den resultatbaserte andelen av tilskotet utgjer 70 pst. av det øyremerkte tilskotet og blir fordelt etter utrekning av eit flytande gjennomsnitt av dei siste tre års forskingsresultat, basert på forskingsresultat aggregert på RHF-nivå.

• Resultata for måling av forskningsaktiviteten i 2025

Måle- og finansieringssystemet skal fungere som eit insentiv for å nå overordna mål for forsking i helseføretaka, som auka produktivitet og kvalitet på forskinga, auka nasjonalt og internasjonalt forskingssamarbeid, auka ekstern finansiering av forskinga, fleire doktorgrader og kliniske behandlingsstudium i sjukehusa.

Indikator for kliniske behandlingsstudium (KBS) blei inkludert i målinga frå og med statsbudsjettet for 2021 og gjort teljande for korleis det resultatbaserte tilskotet til forsking i helseføretaka blir fordelt.

Formålet er å halde oversikt over talet på kliniske behandlingsstudium og talet på nye pasientar som inngår. Denne informasjonen er nyttig som grunnlag for styring, prioritering og tilrettelegging av eit godt tilbod om pasientdeltaking i kliniske behandlingsstudium. Indikatoren er basert på ein rapport frå ei nasjonal arbeidsgruppe frå 2018. I 2023 blei det publisert ein rapporteringsinstruks for KBS-indikatoren for ytterlegare presisering av KBS-definisjonen, samt tydeleggjering av kva studium og pasientar som skal inngå i teljinga.

• Instruks for rapportering på indikator for kliniske behandlingsstudium (PDF)

Rapporteringa av bidrag til kliniske behandlingsstudium er gjennomført som eit samarbeid mellom Sikt – Kunnskapssektorens tenesteleverandør og dei regionale helseføretaka, representert ved nasjonal koordinator for Forskningsstøtte, Oslo universitetssjukehus HF.

• Nærare beskriving av indikatoren

Resultata frå utrekningane blir vidare brukt i styring og planlegging av forskingsverksemda, både på helseføretaksnivå og i helseregionane.

Målesystemet er basert på helseføretaka si rapportering av forskingsresultat. Systemet bruker fleire indikatorar for måling av forskingsresultat i helseføretaka:

(i) produksjon av vitskaplege artiklar

(ii) avlagde doktorgrader

(iii) utteljing for tildeling av ekstern finansiering frå høvesvis EU og Norges forskingsråd

(iv) indikator for kliniske behandlingsstudium

I 2022 gjennomførte Helse- og omsorgsdepartementet (HOD) ei omlegging av forskingsfinansieringa av 21 forskings- og kompetansesenter utanfor spesialisthelsetenesta. Endringa bestod i ei omfordeling av ein liten del av grunntilskotet til sentra basert på forskingsresultat.

Tre indikatorar, tilsvarande dei som blir brukt i forskingsmåling i helseføretaka, blir lagt til grunn. Dei tre valde indikatorane er (i) produksjon av vitskaplege publikasjonar (artiklar, bokkapittel og monografiar) vektlagt for kvalitet og internasjonalt samforfattarskap, (ii) avlagde doktorgrader og (iii) utteljing for tildeling av ekstern finansiering frå Norges forskingsråd. Dette betyr at kompetansesentra ikkje blir målt på to indikatorar som inngår i tilsvarande måling i helseføretaka: ekstern finansiering frå EU, samt indikatoren for kliniske behandlingsstudium (KBS).

Frå og med årets måling (resultat for 2025), er talet på senter som inngår i målinga redusert til 20, fordi Bivirkningsgruppa for odontologiske biomaterialar frå juli 2025 blei organisert som ei eining under Nordisk institutt for odontologiske materialar (NIOM). 

Nærare om dei ulike indikatorane: vitskaplege publikasjonar

Helse- og omsorgsdepartementet sitt målesystem for forskingspublikasjonar er basert på ei nivåinndeling av vitskaplege kanalar (tidsskrift eller forlag) ut frå ei vurdering av kvaliteten på desse. Formålet med ei kvalitetsinndeling er å stimulere til høg kvalitet ved publisering av vitskaplege artiklar.

Nivå 2: Leiande tidsskrift som utgir omtrent 20 prosent av publikasjonane. Vekt 3.

Nivå 1: Alle andre tidsskrift som inngår i målesystemet. Vekt 1.

Oversikt over publiseringskanalar finst på Norsk publiseringsindikator (kanalregister.hkdir.no) hos Direktoratet for høgare utdanning og kompetanse. Alle kanalar som her har oppgitt eit nivå (1 eller 2) er godkjende i departementet sitt målesystem.

Nivåinndelinga blir ajourført årleg av publiseringsutvalet i Universitets- og høgskulerådet (uhr.no) i samarbeid med dei nasjonale fagråda for mellom andre medisin og helsefag. Helsesektoren er representert i publiseringsutvalet ved ein representant frå dei regionale helseføretaka, mens Helse- og omsorgsdepartementet har observatørstatus.

Vitskaplege originalartiklar, oversiktsartiklar (reviews), monografiar og antologiar inngår i målinga. I tillegg gir konferanseartiklar (proceedings paper) utteljing når desse er publiserte i tidsskrifta som inngår i målesystemet. Denne avgrensinga var enkel i tidlegare år då berre artiklar registrert i Web of Science inngjekk i målinga (der kvar artikkel er tydeleg klassifisert som hhv. originalartikkel, review, editorial, letter, osv.). No inngår det i målinga ei rekke tidsskrift som ikkje har ei like eintydig klassifisering av sine artiklar.

Sjølv om ein publiseringskanal er godkjend, kan ein ikkje rapportere alle publikasjonar frå desse kanalane. Publikasjonen må ha resultat som ikkje er publisert tidlegare og som er nye for forskinga, ikkje berre for lesaren, og den må vere i eit format som er vitskapleg etter standardane til vedkommande fag og som gjer resultata etterprøvbare eller anvendelege i ny forsking. Dette inneber at:

• I vitskaplege tidsskrift eller seriar rapporterer ein kun originalartiklar eller vitskaplege oversiktsartiklar, ikkje anna stoff, til dømes leiarar, kommentarar eller debatt.
• I fag- og profesjonstidsskrift rapporterer ein kun artiklar i tidsskriftet si vitskaplege seksjon. Dersom tidsskriftet er utan vitskapleg seksjon, skal den enkelte artikkel eksplisitt ha gjennomgått fagfellevurdering og krava til vitskapleg innhald må uansett vere innfridd.
• I vitskaplege antologiar må kvar artikkel ein rapporterer innfri krava til vitskapleg innhald. I vitskaplege monografiar gjeld krava om vitskapleg innhald for boka som heilskap. I tillegg må forlaget eller den vitskaplege utgjevaren ha sørgt for ekstern fagfellevurdering.

Helseføretaka si registrering og kvalitetssikring i CRIS-systemet

Data blir importert til Nasjonalt vitenarkiv (NVA) frå ulike databasar av Sikt, som leverer CRIS-systemet. Import inneber knytting av forfattarar til personar i NVA og knytting av adresser brukt på publikasjonen til relevante einingar i NVA. Ein må manuelt registrere manglande postar i NVA ved den enkelte institusjon. 

Institusjonane har ansvar for å gjennomføre kvalitetssikring av publikasjonsdata. Institusjonane må lage interne rutinar for kvalitetssikring og godkjenning av sine postar. Store institusjonar har vanlegvis ein institusjonell superbrukar og nokre einingsansvarlege kuratorar som samarbeider om registrering av postar direkte med forskingsmiljøa. Mindre institusjonar vil arbeide med NVA-rapporteringa på institusjonelt kurator-nivå.

I samband med rapporteringa gir Sikt rettleiing og opplæring til institusjonane, med vekt på kva ein kan rapportere som vitskapleg publikasjon. Sikt vil også påpeike eventuelle feil og avvik som blir oppdaga før rapporteringsfristen.

• Registrere og godkjenne ein publikasjon i NVA (nva.sikt.no)
• NVA sin rapporteringsinstruks (sikt.no)

Utrekning av poeng for vitskaplege publikasjonar

Ved utrekning av poeng skal forfattarandelane vektast (multipliserast) med ein fagleg fastsett talstorleik. Kombinasjonane av publikasjonsform og kvalitetsnivå dannar kategoriar som gir utgangspunkt for vekting.

Vektene som blir brukt i finansieringssystemet er slik:

Kategori	Nivå 1	Nivå 2
Monografi (ISBN/ISSN)	5	8
Artikkel i antologi (ISBN)	0,7	1
Artikkel i periodika og seriar	1	3

Utteljing for internasjonalt samarbeid

Det blir gitt ekstra utteljing for samarbeid. Institusjonen sine poeng blir multiplisert med ein faktor på 1,3 for internasjonalt samforfattarskap.

Utrekning av publikasjonspoeng

I statsbudsjettet for 2016 blei det varsla ei endring i utrekning av publiseringspoeng, jf. kap. 732, post 78: «Det vil bli gjennomført justeringer i hvordan publiseringspoeng blir beregnet fra 2017, i tråd med tilrådning fra Det nasjonale publiseringsutvalget under Universitets- og høyskolerådet. Justeringene koordineres med universitets- og høyskolesektoren og instituttsektoren.»

Løysinga er knytt til utrekninga av institusjonane sine forfattarandelar i publikasjonar som meir enn éin institusjon medverkar til. I slike tilfelle har publiseringspoenget hittil blitt multiplisert med ein brøk som tilsvarar summen av institusjonen sine forfattarandelar dividert på totalt antal forfattarandelar i publikasjonen. Heretter skal institusjonen sine publiseringspoeng multipliserast med kvadratrota av same brøk. Denne løysinga dempar verknaden av brøkdelinga, men institusjonane må framleis dele utteljinga mellom seg.

Av omsyn til publikasjonar der éin forfattar krediterer meir enn éin institusjon, blir forfattarandel framleis definert som kvar unik kombinasjon av forfattar og institusjon i publikasjonen. Som døme vil ein publikasjon med to forfattarar, der den eine krediterer to institusjonar, ha tre forfattarandelar. For ein publikasjon med tilknyting til meir enn éin institusjon blir publiseringspoeng utrekna slik:

1. Berekn totalt antal forfattarandelar i publikasjonen. Ein forfattarandel er kvar unik kombinasjon av forfattar og institusjon i publikasjonen.
2. Berekn kor mange forfattarandelar institusjonen har, og divider på totalt antal forfattarandelar.
3. Berekn kvadratrota av talet (brøken) i punkt 2.
4. Multipliser med poeng for nivå og publikasjonsform.
5. Multipliser med 1,3 dersom publikasjonen har tilknyting til utanlandske institusjonar.

Nærare om dei ulike indikatorane: doktorgrader

Den andre poenggivande komponenten i målesystemet er doktorgrader. Ein doktorgrad gir 3 poeng. Mens tidsskriftartiklane er basert på overføring av data frå bibliografiske datakjelder og helseføretaka si eigenrapportering av publikasjonar i NVA, er målinga av doktorgradspoeng basert på innrapportering av avlagde doktorgrader (frå føregåande år) frå helseføretaka til NIFU. Ved NIFU blir det gjort ei individuell vurdering av om kvar enkelt innrapportert doktorgrad tilfredsstiller Helse- og omsorgsdepartementet sine retningslinjer (sjå under) for kva som blir godkjent i målesystemet.

Doktorgrader som skal rapporterast i 2026, er dei som er tildelt i 2025 (dato for disputas). Kriteriet for at ein doktorgrad kan rapporterast, er at 50 prosent eller meir av kandidaten sitt doktorgradsarbeid er utført ved eller finansiert av institusjonen. Normalt vil arbeidsforhold og finansiering framgå av rettleiingskontrakten. Arbeidet med doktorgraden kan vere både internt og eksternt finansiert. Den kan også vere avlagt ved eit utanlandsk universitet.

Det er kandidaten sin (ikkje rettleiaren sin) arbeidsstad og arbeidsinnsats som er kriteriet for doktorgraden sin tilknyting til institusjonen. Det skal ikkje få utteljing i tilfelle der ein tilsett ved eit helseføretak gjennomfører eit doktorgradsprosjekt med ekstern finansiering (til dømes frå Norges forskingsråd) ved til dømes eit universitet/høgskule, og der prosjektet blir gjennomført utan tilknyting til helseføretaket.

Det er også kandidaten sitt prosjekt, og ikkje det overordna prosjektet (til dømes ei multisenterstudie) som er poenggivande. Det siste betyr at eit helseføretak som koordinerer ei multisenterstudie ikkje får utteljing for eit doktorgradsprosjekt som blir gjennomført i eit anna helseføretak. Kriteriet inneber at ein og same doktorgrad ikkje kan bli rapportert av to eller fleire institusjonar som inngår i målinga. Det er imidlertid to unntak:

1) der doktorgraden har involvert (tilnærma) likeverdig samarbeid mellom to helseføretak, kan ein dele poenga likt (50-50)

2) der doktorgraden har involvert samarbeid mellom to helseføretak, men der det eine helseføretaket har bidratt vesentleg meir, samtidig som bidraget frå det andre helseføretaket har vore avgjerande for at doktorgraden har blitt ferdigstilt, blir det opna for at poenga kan bli delt 75-25.

Det blir ikkje gitt adgang til at to helseføretak som begge har hatt eit visst bidrag til ein doktorgrad, til dømes 25 og 25 prosent, til saman påberoper seg at om lag 50 prosent av doktorgraden er gjennomført i helseføretak, og at dei to helseføretaka dermed kvar har krav på 50 prosent av doktorgraden ettersom «50 prosent eller meir av kandidaten sitt doktorgradsarbeid er utført» ved (eit) helseføretak. Utgangspunktet for at ein i det heile tatt skal få poeng, er at eitt helseføretak står bak minst 50 prosent av doktorgraden. 

Fordelingsnøkkelen 75-25 inneber ikkje at eit helseføretak som har hatt til dømes medforfattarar på nokre av artiklane/birettleiar osb., kan påberope seg ein del av arbeidet (til dømes 10 prosent) og dermed krevje 25 prosent av poenga. Det blir opna for ei 75-25-fordeling fordi det i dei seinare år har vore tilfelle der ei (skjønnsmessig) 60-40- eller 70-30-fordeling av innsats har medført at kun eitt helseføretak har fått doktorgradspoeng i samsvar med ei streng tolking av reglementet.

For å unngå at eit helseføretak bidrar betydeleg i eit doktorgradsprosjekt, men som ikkje kan bli rekna som likeverdig med ein annan institusjon, ikkje får noko utteljing, blir det derfor opna for ei premiering av også ein innsats som er betydeleg – men ikkje likeverdig. Helseføretaka blir oppfordra til å avklare fordeling av poeng for ein doktorgrad før den blir avlagt. I tilfelle med usemje om dette er det NIFU som foreslår endeleg fordeling av poeng overfor departementet basert på innhenta opplysningar frå involverte helseføretak.

Nærare om indikatorane: kliniske behandlingsstudium

Frå og med 2020 inngår kliniske behandlingsstudium (KBS) frå 2019 i rapporteringa. Ved utvikling av KBS-indikatoren er merksemd retta mot pasienten sine moglege fordelar av deltaking i KBS, spesielt moglegheita for raskare tilgang til ny og potensielt nyttig behandling.

KBS-indikatoren skal ikkje måle kor ressurskrevjande studia er, men har som overordna mål at behandlinga/rehabiliteringa skal kunne komme pasienten til gode i form av forbetra helsetilstand. Studieprotokollen skal beskrive korleis deltakinga kan endre pasientforløpet og kva kliniske endepunkt som måler effekten av denne endringa.

Telling av pasientar

Det er berre pasientar som mottar helsehjelp i norsk spesialisthelseteneste som ein skal telje som studiedeltakarar. I randomiserte, kontrollerte KBS blir pasientar inkludert i alle studiearmar talt med. I ikkje-randomiserte KBS blir berre pasientar som mottar den aktuelle intervensjonen talt med.

Studiar innanfor diagnostikk og rehabilitering kan inngå i rapporteringa dersom diagnostikken eller rehabiliteringa direkte påverkar pasientforløpet til forskingsdeltakarane og effekten blir målt med kliniske endepunkt. I KBS der kontrollpasientar blir henta frå register eller historiske kontrollar, skal kontrollpasientane ikkje bli talt med.

Pasientar i retrospektive registerstudium, kontrollar frå befolkningsundersøkingar, historiske kontrollar, pårørande og friske frivillige, eller deltakarar i screeningprogram skal heller ikkje bli talt med.

Observasjonsstudium, befolkningsstudium og analysar av data frå forskings- og kvalitetsregister inngår ikkje. Det gjer heller ikkje helsetenesteforsking.

Indikatoren består av to teljande faktorar: i) faktor for oppstart av ein studie og koordineringsansvar og ii) faktor for antal pasientar.

Miljøet som tar initiativ til og/eller koordinerer ein studie har eit betydeleg arbeid og påtar seg ei viktig oppgåve. Helseføretaket som har koordineringsansvaret for ein studie, får derfor større utteljing enn øvrige helseføretak.

Det er ei politisk målsetning å auke omfanget av regionale og nasjonale kliniske multisenterstudium. Nasjonale kliniske multisenterstudium gir pasientar over heile landet moglegheit til å delta. Slike studium bidrar også til auka samarbeid og styrking av kompetanse, ressursar og infrastruktur og betrar grunnlaget for å gi sikre data av god kvalitet. Kliniske multisenterstudium medfører mykje arbeid og kan vere kostbare å gjennomføre for helseføretaka, spesielt i dei tilfella der legemiddelkostnadene blir betalte av det offentlege.

Faktor for antal pasientar

For antal pasientar tar ein logaritmen av antal nye pasientar per år i den typen studium registreringa omfattar (antal nyrekrutterte pasientar til studien som mottar helsehjelp i norsk spesialisthelseteneste) og som inngjekk i studien føregåande kalenderår (innan 31. desember). For studium der éin pasient er inkludert, blir det skjønnsmessig gitt ein verdi på 0,2 ettersom logaritmen av 1 er lik 0.

Kvar enkelt pasient blir berre talt éin gong per studie, uavhengig av kor lenge studien varar og antal helseføretak som deltar. Dersom fleire intervensjonar førekjem i éin studie (under eitt prosjektnummer), lokalisert ved ulike helseføretak, blir utteljing delt på dei aktuelle helseføretaka (avklart innan studien). Éin pasient kan også delta i meir enn éin studie i løpet av eitt år og blir då talt ved inklusjon i kvar enkelt studie.

Nasjonal prosjektleiar er den personen som står oppført som den nasjonale prosjektleiaren for studien i REK sin saksportal eller som er ansvarleg for norsk innmelding i Clinical Trials Information System (CTIS), og denne har ansvar for å rapportere.

For multisenterstudium er nasjonal prosjektleiar ansvarleg for å innhente og rapportere nøyaktige tal for kvart av dei deltakande helseføretaka, gitt at desse høyrer til norsk spesialisthelseteneste. Det er helseføretaket der pasientane mottar intervensjonen, som får utteljing. I etterkant av rapporteringa vil helseføretaka få innsyn i kva som er rapportert for det respektive helseføretaket, samt få moglegheit til å kvalitetssikre dei innrapporterte dataene.

Ein nasjonal komité er etablert av Helse- og omsorgsdepartementet i samråd med dei regionale helseføretaka og består av representantar frå helseføretak og nasjonale kompetansemiljø, høvesvis Oslo universitetssjukehus HF og Stavanger universitetssjukehus HF, Sikt og NIFU.

Der det er tvil om ein studie skal inngå i KBS-rapporteringa, vil studien bli forelagt den oppnemnde komiteen. I dei tilfella der komiteen avviser studium som KBS, og der studieansvarleg er ueinig i komiteen si vurdering, blir studien tatt med for ei ny vurdering i ein utvida komité, som består av eksisterande komité samt regionale koordinatorar. Den utvida komiteen gjer endeleg vedtak basert på dei føreliggande retningslinjene. Vedtaket er endeleg og kan ikkje bli anka. Komitévedtak blir fatta ved vanleg fleirtal. 

Til forskjell frå poeng for publikasjonar, doktorgrader og ekstern finansiering, blir ikkje KBS-poenga summert saman med øvrige poeng. Departementet har bestemt at 15 prosent av det resultatbaserte tilskotet til dei regionale helseføretaka skal vere basert på KBS-poeng, mens dei resterande 85 prosenta skal bli fordelt basert på dei regionale helseføretaka sin poengsum av dei tradisjonelle forskingsindikatorane.

Dette inneber at ein ikkje direkte kan samanlikne KBS-poeng med øvrige forskingspoeng. Dei to poengsystema blir heldt separat i målesystemet for forsking, og er styrande for høvesvis 15 og 85 prosent av dei regionale helseføretaka sine endelege prosentfordelingar av poeng. I praksis betyr dette at den prosentvise fordelinga på RHF-nivå av forskingspoeng (gjennomsnitt for tre siste år) skal multipliserast med 0,85, mens den prosentvise fordelinga av KBS-poeng på RHF-nivå (gjennomsnitt for tre siste år) skal multipliserast med 0,15. Desse to delsummane blir så summerte, og dannar grunnlag for det resultatbaserte tilskotet til dei regionale helseføretaka.

Måling av innovasjon

Innovasjon er ikkje ei lovpålagt oppgåve for helseføretaka slik forsking er. Helse- og omsorgsdepartementet har over tid stilt ulike krav og føringar om innovasjon i oppdragsdokumenta til dei regionale helseføretaka. Det er sidan 2011 utvikla ulike modellar og indikatorsett for dokumentasjon og måling av innovasjonsaktivitet i helseføretaka.

I 2023 blei det nedsett ei nasjonal arbeidsgruppe for å vurdere justeringar i nasjonal indikator for innovasjon. Arbeidsgruppa blei leia av Helse- og omsorgsdepartementet og har bestått av deltakarar frå dei regionale helseføretaka, helseføretaka, NIFU og Forskningsrådet.

Formålet med måling av innovasjonsaktivitet ved bruk av ein eigen indikator er å auke synlegheita av å skaffe oversikt over aktiviteten, samt å fremje kvalitet og ønska utvikling av innovasjonsaktivitet i helseføretaka og private, ideelle sjukehus.

Arbeidsgruppa har foreslått ein modell som består av tre delindikatorar:

i) tildeling av innovasjonsmidlar frå regionale, nasjonale og internasjonale konkurransearenaer
ii) antal lokale innovasjonsprosjekt med dokumentart spreiing
iii) antal kommersielle innovasjonsløp.

Fleire datakjelder med objektive krav til kvalitet og nytte bidrar til å styrke indikatoren. Ein tredelt innovasjonsindikator vil ha fellestrekk med forskingsindikatoren.

• Ny modell for måling av innovasjonsaktivitet. Rapport frå nasjonal arbeidsgruppe (PDF)

I 2025 blei det planlagd og gjennomført ei prøverapportering på indikatorsettet, jf. oppdragsdokument til de regionale helseføretaka. I prøverapporteringa blei det bli tatt utgangspunkt i delindikator i) og delindikator iii). I tillegg blei det gjennomført ei pilotrapportering av delindikator ii). For å bidra til at data blir samla inn på ein strukturert og einsarta måte, blei det utarbeidd ein rapporteringsinstruks som blei nytta i gjennomføringa av prøverapporteringa.

NIFU skal i 2026 utarbeide ein eigen rapport for prøverapporteringa og pilotrapporteringa. Rapporten skal inkludere ein presentasjon av innovasjonsresultata og foreslå modellar for vekting og poengberekning for delindikatorane. Erfaringar frå rapporteringsprosessen skal presenterast og drøftast, og behovet for justeringar av indikatoren skal vurderast.

Den årlege helseføretaksmålinga av forsking

For kvart helseføretak blir publikasjonspoenga, poeng for doktorgrader og poeng for tildeling av ekstern finansiering summert.

Deretter blir dei totale forskingspoenga aggregert på det regionale helseføretaksnivået. Etter innføring av indikator for kliniske behandlingsstudium (KBS) blir desse poenga vektlagt til 85 prosent av totalt antal forskingspoeng. Dei resterande 15 prosenta utgjer KBS-poeng.

I Helse- og omsorgsdepartementet si fordeling av det resultatbaserte tilskotet på 70 prosent til forsking til dei regionale helseføretaka (kapittel 732, post 78), blir eit glidande gjennomsnitt av dei siste 3 år brukt. I budsjettet for 2027 vil det dermed vere dei regionale helseføretaka sin gjennomsnittlege poengsum for perioden 2022–2025 som blir lagt til grunn.

Resultat frå helsemålinga for 2025

Publikasjonspoeng og doktorgrader

Det blei registrert 4 950 vitskaplege publikasjonar (artiklar, bokkapittel og monografiar) frå helseføretaka i 2025 (av totalt 29 029 publikasjonar i universitets-, høgskule-, institutt- og helsesektoren). Det tyder at helseføretaka var involverte i 17,1 % av alle publikasjonar (mot 16,5 % i fjor).

Av totalt 40 993 publiseringspoeng i universitets-, høgskule-, institutt- og helsesektoren, stod helseføretaka for 4 877, mot 4 546 året før (altså ein vekst på 7 prosent). Dette utgjorde 11,9 prosent, mot 11,6 prosent året før. Talet på vitskaplege artiklar har også auka samanlikna med 2024 (opp 4,6 prosent samanlikna med 2024). 

I 2025 blei det rapportert inn 316 avlagde doktorgrader, som er omtrent identisk med året før (319). 

Merk at i tabell 1 omfattar publiseringspoeng også poeng for avlagde doktorgrader. Også ein slik måte å definere publiseringspoeng på, gir ein reduksjon på over to prosent samanlikna med året før.

Tabell 1: Publikasjonar, doktorgrader, ekstern finansiering og forskingspoeng 2025*

Forskingsmålinga 2025	Publikasjoner	Publiseringspoeng	Doktorgradar	Finansieringspoeng	Forskingspoeng*	KBS Poeng
Oslo universitetssjukehus HF	2391	1780,46	104,25	1196,30	3289,51	224,78
Vestre Viken HF	181	92,98	6,25	4,07	115,80	64,20
Sørlandet sjukehus HF	169	103,61	8,25	0,00	128,36	25,24
Sjukehuset i Vestfold HF	186	110,60	3,75	7,68	129,53	28,25
Sjukehuset i Telemark HF	53	30,28	9,5	0,99	59,77	18,79
Betanien Hospital (Telemark)	3	0,90	0	0,00	0,90	4,52
Modum Bad	37	37,46	2	0,00	43,46	5,02
Akershus universitetssjukehus HF	500	317,87	17	52,27	421,14	74,25
Sjukehuset Innlandet HF	167	116,08	10,25	15,73	162,56	33,13
Sunnaas sjukehus HF	61	40,65	0	1,38	42,03	5,58
Sjukehuset Østfold HF	150	87,60	5	2,28	104,88	31,36
Diakonhjemmet sjukehus HF	201	139,16	3	74,68	222,84	26,80
Lovisenberg diakonale sjukehus	136	85,32	2	4,24	95,55	6,07
Revmatismesjukehuset AS	5	1,95	0	0,00	1,95	1,04
Frambu Senter for sjeldne funksjonshemmingar	17	11,48	0	0,00	11,48	0,00
Lovisenberg rehabilitering	3	1,54	1	0,00	4,54	0,00
Sjukehusapoteka i Sør-Aust RHF	9	5,02	0	0,00	5,02	0,00
Rehabiliteringssenteret AiR	1	0,33	0	0,00	0,33	0,00
Beitostølen helsesportsenter	9	4,44	0	0,26	4,69	0,00
Stiftelsen CatoSenteret	0	0,00	0	0,00	0,00	0,00
Tyrilistiftelsen	1	1,00	0	0,00	1,00	0,00
Skjelfoss psykiatriske senter	0	0,00	0	0,00	0,00	0,00
Unicare	4	0,83	0	0,00	0,83	1,08
N.K.S. Østbytunet behandlingssenter AS	0	0,00	0	0,00	0,00	0,00
Stiftelsen Manifestsenteret	0	0,00	0	0,00	0,00	0,00
Helse Stavanger HF	360	214,94	18	68,15	337,09	49,84
Helse Fonna HF	68	38,82	5	1,71	55,53	5,46
Helse Bergen HF	901	622,95	43,5	95,44	848,89	118,77
Helse Førde HF	53	30,85	1	1,79	35,65	4,06
Bjørkeli Voss psykiatriske senter	0	0,00	0	0,00	0,00	0,20
Haraldsplass diakonale sjukehus	76	43,59	1	0,00	46,59	5,26
Haugesund sanitetsforenings revmatismesjukehus	0	0,00	0	0,00	0,00	4,86
Hospitalet Betanien (Hordaland)	6	2,66	0	0,00	2,66	2,80
NKS Jæren distriktspsykiatriske senter AS	0	0,00	0	0,00	0,00	0,00
NKS Olaviken alderspsykiatriske Sjukehus AS	4	1,16	0	0,35	1,51	1,68
Solli distriktspsykiatriske senter	5	3,63	1	0,00	6,63	1,38
Helse Vest IKT	1	0,29	0	0,00	0,29	0,00
Helse Vest RHF	0	0,00	0	0,00	0,00	0,00
Sjukehusapoteka Vest HF	4	2,36	0	0,00	2,36	0,00
Helse Møre og Romsdal HF	123	71,80	3	0,00	80,80	27,22
Helse Nord-Trøndelag HF	151	78,07	1	0,18	81,25	6,62
St. Olavs hospital HF	708	454,46	52,75	9,92	622,63	101,15
Sjukehusapoteka i Midt-Noreg HF	1	0,38	0	0,00	0,38	0,00
Senter for klinisk dokumentasjon og evaluering (SKDE)	9	4,27	1	0,00	7,27	0,00
Helse Nord RHF	2	0,75	0	0,00	0,75	0,00
Helse Finnmark HF	15	8,94	0	0,00	8,94	2,36
Universitetssjukehuset Nord-Noreg HF	421	260,08	13,5	26,51	327,09	48,05
Nordlandssjukehuset HF	86	49,42	3	4,31	62,72	7,11
Helgelandssjukehuset HF	29	15,13	0	0,00	15,13	1,80
Valnesfjord Helsesportssenter	0	0,00	0	0,00	0,00	0,00
Sjukehusapoteket Nord HF	4	2,50	0	0,00	2,50	0,00
Helse Sør-Aust RHF	3314	2969,55	172,25	1359,87	4846,17	550,10
Helse Vest RHF	1276	961,26	69,5	167,44	1337,20	194,31
Helse Midt-Noreg RHF	853	604,71	56,75	10,10	785,06	135,00
Helse Nord RHF	520	341,08	17,5	30,81	424,40	59,33
SUM	4950	4876,60	316	1568,22	7392,82	938,74

*Forskingspoeng er summen av publiseringspoeng, doktorgradspoeng og finansieringspoeng.

Mens det i 2024 var ein vekst i alle indikatorar samanlikna med 2023, er biletet i 2025 meir variert samanlikna med 2024. Som nemnd over har det vore ein vekst i antall vitskaplege publikasjonar og publiseringspoeng, og ei tilnærma uendra tilstand på avlagde doktorgradar, mens poenga for mottatt ekstern finansiering har gått ned med 3,1 prosent. Det er viktig å hugse i denne samanheng at 2024 var eit rekordår for ekstern finansiering i helseføretaka. Samtidig som nivået på finansiering i 2025 var noko lågare enn i 2024, så merker vi at konsentrasjonen av midlar ved Oslo universitetssjukehus HF (OUS) held fram å auke. I 2024 mottok OUS 71 prosent av dei eksterne midla tildelt helseføretak. I 2025 steig denne andelen til 76 prosent. Samla sett gjekk poeng for KBS ned med 7,3 prosent samanlikna med målinga i fjor.

Forskingskvalitet målt gjennom internasjonalt medforfattarskap og publisering i leiande tidsskrift

Det er viktig å oppretthalde og styrke forskingsaktiviteten i helseføretaka, samt stimulere til internasjonalt samarbeid og publikasjonar i leiande tidsskrift.

Derfor var det i oppdragsdokumentet til dei regionale helseføretaka for 2024 beskrive som ønskeleg at minst 40 prosent av publikasjonane skal ha internasjonalt medforfattarskap og at minst 20 prosent av forskinga skal vere publisert i dei mest prestisjetunge og leiande tidsskrifta (såkalla nivå-2 tidsskrift).

Tabell 2: Internasjonalt medforfattarskap og publisering i leiande tidsskrifter (høgaste nivå i målesystemet), prosent

	Andel internasjonalt					Andel nivå 2
		2022	2023	2024	2025		2022	2023	2024	2025
Helse Sør-Aust RHF		62,1	61,1	63,3	62,4		27,0	27,8	24,9	27,5
Helse Vest RHF		64,4	58,2	59,6	61,8		24,9	25,2	21,8	22,5
Helse Midt-Noreg RHF		62,4	51,3	52,8	55,6		22,7	28,5	19,9	25,1
Helse Nord RHF		52,8	50,1	52,9	53,3		24,4	24,4	18,1	18,7
Totalt		63,5	59,7	61,9	61,2		25,1	26,4	23,1	25,5

I 2025 hadde alle regionale helseføretak ei auke i andelen nivå 2 publikasjonar. På nasjonalt nivå var delen 25,5 prosent. Andelen publiseringar med internasjonalt medforfattarskap gjekk derimot noko ned samla fordi det var ein nedgang i Helse Sør-Aust RHF. I dei andre regionale helseføretaka var det vekst i publisering med internasjonalt samarbeid. Samla sett var andelen 61,2 prosent.  

Poengfordeling på regionalt nivå

I Helse- og omsorgsdepartementet si fordeling av det resultatbaserte tilskotet på 70 prosent til forsking til dei regionale helseføretaka (kapittel 732, post 78), blir også eit glidande gjennomsnitt over tre år (2023–2025) brukt.

Frå og med 2020 blei indikatoren for kliniske behandlingsstudium (KBS) innlemma i målesystemet. Resultat på denne indikatoren skulle ikkje multipliserast med forskingspoenga, fordi Helse- og omsorgsdepartementet har avgjort at 15 prosent av poengfordelinga på regionalt nivå skal skje på bakgrunn av oppnådde KBS-poeng.

Dermed skjer den endelege prosentvise fordelinga på RHF-nivå på følgande måte: dei regionale helseføretaka sin prosentandel av forskingspoeng for 2023–2025 blir gitt ei vekt på 0,85, mens deira prosentandelar av KBS-poeng blir gitt ei vekt på 0,15. I årets måling blir KBS-poeng utrekna som eit gjennomsnitt for åra 2023–2025. I tabell 3 kan ein sjå dei endelege 3-årige prosentandelane på RHF-nivå som er baserte på vekta prosenttal for forskingspoeng og KBS-poeng. Resultata for KBS-poeng på helseføretaks- og RHF-nivå er beskrive nedanfor.

Tabell 3: Prosentvis poengfordeling per RHF, tre-årige gjennomsnitt

Prosentfordeling	2023–2025	2022–2024	2021–2023	2020–2022
Helse Sør-Aust RHF	63,60	63,58	63,24	62,47
Helse Vest RHF	19,00	18,90	19,09	19,17
Helse Midt-Noreg RHF	11,18	10,87	10,64	10,90
Helse Nord RHF	6,22	6,66	7,03	7,46
Totalt	100	100	100	100

Samanlikna med målinga året før, ser vi minimalt med endringar på RHF-nivå i år. For den nyaste 3-års perioden (2023–2025) aukar Helse Vest RHF sin del av poenga med 0,10 prosentpoeng, og i Helse Midt-Norge RHF er auka på 0,31 prosentpoeng. Helse Nord RHF sin del går ned med 0,44 prosentpoeng, mens talet for Helse Sør-Aust RHF er i praksis uendra (ned 0,02 prosentpoeng).  

Kliniske behandlingsstudium (KBS)

I 2019 piloterte dei regionale helseføretaka indikator for kliniske behandlingsstudium. Denne målinga baserte seg på tal for kliniske behandlingsstudium og pasientar frå 2017 og 2018. Det faglege ansvaret er ivaretatt av nasjonal koordinator, Forskingsstøtte, OUS, med midlar frå dei regionale helseføretaka, mens Sikt – Kunnskapssektoren sin tenesteleverandør har vore prosjektleiar for rapporteringa og NIFU har berekna indikatoren.

Ein vurderingskomité med deltakarar frå Sikt, Oslo universitetssjukehus HF, Stavanger universitetssjukehus HF og NIFU vurderer årleg realismen i oppgitte pasienttal, samt gjennomgår dei innrapporterte KBS for skjønnsmessig å vurdere om tvilstilfelle tilfredsstiller krava til KBS. I tillegg er nettskjemaet for rapporteringa utvida for å sikre tilstrekkeleg informasjon for utrekning av KBS-indikatoren.

Tabell 4: Nøkkeltal for Kliniske behandlingsstudium (KBS), 2023–2025

	Antal KBS med pasientinklusjon			Antal pasientar
	2023	2024	2025	2023	2024	2025
Helse Sør-Aust RHF	373	392	355	12250	10814	9860
Helse Vest RHF	151	157	155	5053	3909	3346
Helse Midt-Noreg RHF	136	128	122	2682	2199	2163
Helse Nord RHF	66	68	67	958	985	890
Totalt	504	509	476	20943	17907	16259

Talet på KBS med pasientinklusjon har vore svært stabilt over tid, men etter tre år med eit volum i intervallet 504 og 509 studium, var det i 2025 ein nedgang til 476 studium. Nedgangen er primært knytt til Helse Sør-Aust RHF som går ned med 37 studium (og 954 pasienter) samanlikna med i fjor. For øvrige regionar er nedgangen i studium svært beskjeden.

Også talet på pasienter som er inkludert har gått ned frå i fjor. I 2025 blei det inkludert 16 259 pasientar. Dette er ei nedgang på 9,2 prosent frå målinga året før, og ein nedgang på heile 22,4 prosent samanlikna med 2023-tala. Samanlikna med fjorårets tal, har det vore ein nedgang i inkluderte pasientar på 14,4 prosent i Helse Vest RHF, 9,6 prosent i Helse Nord RHF, 8,8 prosent i Helse Sør-Aust RHF, og 1,6 prosent i Helse Midt-Noreg RHF.

Det er viktig å presisere at helseføretaka var involverte i eit endå større tal studiar enn 476 studium, men formålet vårt her er ikkje å presentere statistikk for alle pågåande kliniske behandlingsstudiar, men for studiar som har inkludert pasientar i eit bestemt år. Mange studiar som pågår er enten ferdige med å inkludere, eller er på eit stadium der inkludering førebels er stoppa, men blir tatt opp igjen seinare. Slike studiar inngår ikkje i tabell 4 og 5. 

I tabell 5 ser vi at 48,5 prosent av studiane i 2025 var legemiddelutprøvingar, noko som er ein del høgare enn i dei føregåande tre åra (andelar på 45,5 til 46 prosent). Dei fleste legemiddelstudiane er fase 3-studium, som i føregåande år. Merk at frå og med 2024 er det studiar som er klassifiserte som integrerte studiar, noko som gjer at 2024/2025-kategoriane (og tala) ikkje er heilt samanliknbare med tidlegare år.

Tabell 5: Type studium Legemiddelutprøving - fase

	2022	(%)	2023	(%)	2024	(%)	2025	(%)
I (human farmakologi)	20	3,94	18	3,56	7	1,38	9	1,89
I/II (human farmakologi/ terapeutisk utprøving)					13	2,55	17	3,57
II (terapeutisk utprøving)	59	11,61	72	14,23	61	11,98	66	13,87
II/III (terapeutisk utprøving/stadfesting)					10	1,96	9	1,89
III (terapeutisk stadfesting)	107	21,10	105	20,75	108	21,22	97	20,40
III/IV (terapeutisk stadfesting/bruk)					4	0,79	3	0,63
IV (terapeutisk bruk)	47	9,25	36	7,11	31	6,09	30	6,30
Sum	233	45,90	231	45,65	234	45,97	231	48,53
Andre kliniske studium	275	54,13	275	54,35	275	54,03	245	51,47
Totalt	508	100	506	100	509	100

Sjølv om studiane innan legemiddelutprøving representerer 48,5 prosent av alle studium som inkluderte pasientar i 2025, representerer desse studiane ein mykje lågare del av talet på pasientar som blei inkludert.

I tabell 6 ser vi at det samla sett var 27,6 prosent av pasientane som blei inkludert i slike studium. Dette er ein nedgang på 3,4 prosentpoeng frå målinga året før, og det skyldast primært (meir enn) ei halvering i talet på inkluderte pasienter i fase III (terapeutisk stadfesting) studium frå 2669 til 1223 pasienter.

Tabell 6: Antal pasientar inkludert i 2025 per type studie Legemiddelutprøving - fase

	2022	(%)	2023	(%)	2024	(%)	2025	(%)
I (human farmakologi)	118	0,61	76	0,34	13	0,07	56	0,34
I/II (human farmakologi/ terapeutisk utprøving)					63	0,35	60	0,37
II (terapeutisk utprøving)	883	4,53	1778	7,90	985	5,50	1039	6,39
II/III (terapeutisk utprøving/stadfesting)					166	0,93	136	0,84
III (terapeutisk stadfesting)	1370	7,03	2661	11,82	2669	14,90	1223	7,52
III/IV (terapeutisk stadfesting/bruk)					201	1,12	268	1,65
IV (terapeutisk bruk)	1760	9,04	2320	10,31	1453	8,11	1704	10,48
Sum	4131	21,21	6835	30,37	5550	31,00	4486	27,59
Andre kliniske studium	15348	78,79	15671	69,63	12357	69,00	11773	72,41
Totalt	19479	100	22506	100	17907	100	16259	100

I utrekninga av KBS-poeng er det to faktorar som blir vektlagde. For det første, talet på nye pasientar inkludert, der eit helseføretak får pasientpoeng tilsvarande logaritmen av talet på pasientar inkludert per studie. For det andre, koordinatorpoeng, der eit helseføretak får 1 poeng for å starte opp ei klinisk studie (oppstartpoeng). Merk at koordinatorpoenget berre blir gitt frå det året den første pasienten blir inkludert. Dersom ytterlegare eitt eller fleire andre helseføretak også inkluderer pasientar, får koordinator 2 poeng dersom det gjeld helseføretak frå same region (intraregional studie), og 3 poeng dersom det gjeld helseføretak frå to eller fleire regionar (interregional studie).

Ettersom mange studiar i praksis fungerer slik at ikkje alle helseføretak som er planlagde som deltakarar i studien faktisk inkluderer pasientar, og motsett: nye helseføretak kan kome til undervegs og inkludere pasientar til studien, så blir koordinatorpoenga oppdaterte fortløpande. Det betyr at dersom eit helseføretak i 2023 starta opp ein KBS utan deltaking frå andre helseføretak, så vil dette helseføretaket ha fått eitt koordinatorpoeng i 2023. Men dersom til dømes eit anna helseføretak frå ein annan region i 2025 også har inkludert pasientar, så blir koordinatortilskotet oppgradert frå 1 poeng (oppstart) til 3 poeng (interregional studie). Med andre ord får koordinator 2 koordineringspoeng dette året.

Dersom det nye helseføretaket er frå same region, får koordinator 1 poeng ekstra ettersom studien har endra status frå å vere ein singel-studie til å bli ein intraregional studie. Inter betyr altså at studien har inkludert pasientar frå fleire helseføretak på tvers av dei regionale helseføretaka. Intra betyr at to eller fleire helseføretak innanfor ein region har inkludert pasientar, mens singel betyr at det berre er eitt helseføretak som har inkludert.

Også med desse definisjonane er det avvik i forhold til kva som ville stått på ei liste over alle pågåande studiar i Noreg/ved helseføretaka. Ein singlesenterstudie kan i prinsippet vere ein multisenterstudie med utanlandske institusjonar eller norske institusjonar utanfor spesialisthelsetenesta. Grupperinga her er imidlertid basert på studiane si status i samsvar med kva som utløyser poeng i HOD sitt målesystem for forsking.

For ei nærare beskriving av definisjonar og metodar for poengberekning viser vi til NIFU Arbeidsnotat 2019:13 (Resultat Kliniske Behandlingsstudier (KBS) i helseføretaka 2017-2018).

I tabell 7 presenterer vi tala som ligg til grunn for KBS-poengberekninga. Tabellen viser helseføretaka sine koordinatorpoeng og pasientpoeng.

Helseføretaka med flest pasientar var Oslo universitetssjukehus HF (3 508 pasientar), som er ein nedgang på 707 pasientar frå 2024. Ein tilsvarande prosentvis nedgang (rundt 20 prosent), ser vi også i Helse Bergen HF – Haukeland universitetssjukehus, mens tala er nokså uendra frå i fjor ved Akershus universitetsjukehus HF (auke på 32 pasienter) og St. Olavs hospital HF (nedgang på 35 pasientar). Ved Universitetssykehuset Nord-Noreg HF har det derimot vore ein vekst i inkluderte pasientar på 8 prosent (56 pasientar meir enn i fjor).

Tabell 7: Oversikt over antal KBS med pasientinklusjon, koordinatorpoeng, pasientar og pasientpoeng i helseføretaka i 2025

	Antal		Sum poeng			Prosent
Resultat 2025	KBS	Pasientar	Pasientar	KI	KBS	KBS poeng
Akershus universitetssjukehus HF	77	1600	65,25	9	74,25	7,91
Betanien Hospital	2	200	3,52	1	4,52	0,48
Diakonhjemmet sjukehus	16	517	20,80	6	26,80	2,85
Lovisenberg diakonale sjukehus	6	155	6,07	0	6,07	0,65
Modum Bad	3	31	3,02	2	5,02	0,54
Oslo universitetssjukehus HF	230	3508	184,78	40	224,78	23,94
Revmatismesjukehuset AS	1	11	1,04	0	1,04	0,11
Sunnaas sjukehus HF	6	41	4,58	1	5,58	0,59
Sjukehuset i Vestfold HF	26	599	25,25	3	28,25	3,01
Sjukehuset Innlandet HF	33	707	29,13	4	33,13	3,53
Sjukehuset Telemark HF	17	146	13,79	5	18,79	2,00
Sjukehuset Østfold HF	37	302	27,36	4	31,36	3,34
Sørlandet sjukehus HF	32	275	22,24	3	25,24	2,69
Vestre Viken HF	57	1761	56,20	8	64,20	6,84
Unicare	2	7	1,08	0	1,08	0,11
HELSE SØR-AUST TOTALT	355	9860	464,10	86	550,10	58,60
Haraldsplass diakonale sjukehus	5	189	5,26	0	5,26	0,56
Helse Bergen HF - Haukeland universitetssjukehus	117	2139	98,77	20	118,77	12,65
Helse Fonna HF	9	56	5,46	0	5,46	0,58
Helse Førde HF	8	31	4,06	0	4,06	0,43
Helse Stavanger HF - Stavanger universitetssjukehus	58	773	44,84	5	49,84	5,31
NKS Olaviken alderspsykiatriske sjukehus	2	16	1,68	0	1,68	0,18
Betanien Vest	2	5	0,8	2	2,8	0,30
Solli distriktspsykiatriske senter​	2	11	1,38	0	1,38	0,15
Voss distriktspsykiatriske senter (NKS Bjørkeli)	1	1	0,20	0	0,20	0,02
Haugesund sanitetsforenings revmatismesjukehus AS	4	125	4,86	0	4,86	0,52
HELSE VEST TOTALT	155	3346	167,31	27	194,31	20,70
Helse Møre og Romsdal HF	34	364	26,22	1	27,22	2,90
Helse Nord-Trøndelag HF	6	121	5,62	1	6,62	0,71
St. Olavs hospital HF	97	1678	81,15	20	101,15	10,78
HELSE MIDT-NOREG TOTALT	122	2163	113,00	22	135,00	14,38
Finnmarkssjukehuset HF	2	80	2,36	0	2,36	0,25
Helgelandssjukehuset HF	4	12	1,80	0	1,80	0,19
Nordlandssjukehuset HF	16	53	7,11	0	7,11	0,76
Universitetssjukehuset Nord-Noreg HF	54	745	38,05	10	48,05	5,12
HELSE NORD TOTALT	67	890	49,33	10	59,33	6,32
Totalsum	476	16259	793,74	145	938,74	100

Flest poeng for koordinering (40) gjekk til Oslo universitetssjukehus HF, etterfølgt av Helse Bergen HF (14) og St. Olavs hospital HF (begge 14). Oslo universitetssjukehus HF stod for 28 prosent av koordineringspoenga, noko som er ein nedgang frå 40 prosent i målinga året før.

I 2025 blei 171 av dei poenggjevande KBS koordinerte frå utanlandske institusjonar. Dette tilsvarar 36,2 prosent, som er ei lita auke frå 2024 (32,6 prosent), og ei forholdsvis stor auke frå 2023 då andelen var 27,7 prosent.

Drøyt 83 prosent av desse studiane var legemiddelutprøvingar, kor 44 prosent åleine var fase III-studiar.

Sjølv om vi ser ei vekst i KBS som blir koordinerte frå utlandet, så er ikkje dette nødvendigvis gjenspegla i utanlandsk deltaking totalt (uavhengig av om dei blir koordinerte frå utlandet eller ikkje). I 2025 hadde 42,9 prosent av alle poenggjevande KBS utanlandsk deltaking, noko som berre er ei auke på 0,5 prosentpoeng frå målinga året før.

Tabell 8 viser tydeleg at det er fase III-studiar som i størst grad skjer med utanlandsk samarbeid (over 90 prosent utanlandsk deltaking i dei fleste år). For fase IV-studiar er tala små og derfor meir tilbøyelege til å endre seg mykje frå år til år.

Tabell 8: Prosentandel KBS med utanlandsk deltaking, 2021–2025

	2021	2022	2023	2024	2025
I (human farmakologi)	60,0	80,0	72,2	71,4	66,7
II (terapeutisk utprøving)	64,7	64,4	58,3	59,5	80,3
III (terapeutisk stadfesting)	91,2	92,5	90,5	83,1	92,8
IV (terapeutisk bruk) - Ikkje-intervensjonsstudie	62,5	30,0	12,5	37,1*	30,0*
IV (terapeutisk bruk) - Intervensjonsstudie	47,1	40,5	35,7	37,1*	30,0*
Ikkje legemiddelstudie	19,7	19,6	18,2	20,4	18,6
Totalt	43,3	44,3	41,7	42,4	42,9

*I 2024/2025-data let det seg ikkje gjere å skilje mellom ikkje-intervensjonsstudium og intervensjonsstudium.

Merk: Frå og med  2024 er ikkje klassifiseringa av type KBS direkte samanliknbar med tidlegare år på grunn av bruk av integrerte kategoriar. Her er integrerte fase I/II-studiar skjønnsmessig lagt til fase 2, II/III-studiar til fase 3, og III/IV-studiar til fase 4. 

Basert på tala i tabell 7, får vi følgande prosentvise fordelingar på dei regionale helseføretaka sine KBS-nøkkeltal (tabell 9). Merk at prosentdelane for Tal på KBS overstig 100 prosent fordi mange KBS har deltaking frå to eller fleire regionale helseføretak.

Tabell 9: Prosentandelar av KBS-nøkkeltal i perioden 2019–2025 i RHF-ane

Antall KBS	Helse Sør-Aust RHF		Helse Vest RHF		Helse Midt-Norge RHF		Helse Nord RHF
2019	71,8		26,2		23,5		11,9
2020	72,8		29,4		25,9		13,6
2021	72,0		29,9		23,3		12,4
2022	75,4		29,8		25,8		12,8
2023	74,0		30,0		27,0		13,1
2024	77,0		30,8		25,1		13,4
2025	74,6		32,6		25,6		14,1
KI-poeng
2019	59,1		15,9		17,6		7,4
2020	61,8		22,5		13,9		1,7
2021	68,3		20,2		6,0		5,5
2022	73,1		15,6		9,1		2,2
2023	60,2		24,7		12,4		2,7
2024	65,1		21,0		6,7		7,1
2025	59,3		18,6		15,2		6,9
Pasientar
2019	64,2		16,7		13,2		5,9
2020	60,2		15,8		18,6		5,3
2021	55,5		22,2		15,3		7,0
2022	58,4		20,6		15,8		5,3
2023	58,5		24,1		12,8		4,6
2024	60,4		21,8		12,3		5,5
2025	60,6		20,6		13,3		5,5
Pasientpoeng
2019	59,2		17,5		16,4		6,9
2020	59,0		17,2		16,7		7,0
2021	57,1		19,3		15,8		7,8
2022	57,8		19,1		15,9		7,1
2023	57,0		19,8		16,3		6,8
2024	59,3		20,0		13,7		7,0
2025	58,5		21,1		14,2		6,2
Sum KBS-poeng
2019	59,1		17,2		16,6		7,0
2020	59,6		18,3		16,1		6,0
2021	59,3		19,5		13,9		7,4
2022	60,6		18,5		14,7		6,2
2023	57,6		20,7		15,6		6,1
2024	60,4		20,2		12,4		7,0
2025	58,6		20,7		14,4		6,3

Resultat frå tidlegare år

• Resultat for regionale helseføretak og helseføretak for perioden 2006–2025 (excel)

I årets måling er det én organisatorisk endring. Martina Hansens hospital er no blitt ein del av Vestre Viken HF, og er derfor ikkje lenger ei sjølvstendig rapporteringseining i målesystemet.

I dei historiske dataa i excel-fila er gjeldande institusjonsstrukturar nytta. Det betyr til dømes at tala for Psykiatrien i Vestfold HF frå 2006–2011 er slått saman med tala for Sjukehuset i Vestfold HF. Like eins er tala for Helse Sunnmøre HF og Helse Nordmøre og Romsdal HF i perioden 2006–2011 slått saman som Helse Møre og Romsdal HF. Vidare er tala for Rusbehandling Midt-Norge HF i 2006–2013 lagt inn i tala for St. Olavs Hospital HF i denne perioden. For sjukehus/einingar som har bytt namn i perioden, blir gjeldande namn brukt for alle år bakover i tid. Det har også over tid blitt gjort fleire endringar i datagrunnlaget og utrekningsmetodar. 

Endringar i datagrunnlaget: Fram til 2011 var talet på godkjente publiseringskanalar vesentleg lågare enn det er no. Då var det berre tidsskrift indeksert i Web of Science som gav utteljing, samt eit avgrensa tal nordiske tidsskrift indeksert i Norart-databasen (til dømes Tidsskrift for den norske lægeforening, Norsk Epidemiologi og Fysioterapeuten). Etter overgangen til Norsk Vitenskapsindeks og registrering i Cristin/NVA er talet på godkjente publiseringskanalar vesentleg høgare.

Endringar i utrekningsmetodar: Fram til 2011 blei publiseringspoenga fordelt i samsvar med talet på forfattaradresser oppført i publikasjonane – ikkje etter kvar enkelt forfattar sin institusjonelle tilhøyring (forfattaradresse) slik det er i dag. Fram til 2010 gav ein doktorgrad 5 poeng, mot 3 i dag, og internasjonalt medforfattarskap gav 1,5 gonger utteljing mot 1,3 i dag. Poeng for bidrag i bøker (kapittel og monografiar) blei først tatt inn i målinga i 2013. I 2015 blei også utrekningsmodellen for forfattarandelar/publiseringspoeng endra.

Oversikt over dei enkelte helseføretaka sine publikasjonar finst i Nasjonalt vitenarkiv (NVA).

Kontaktinformasjon og praktiske detaljar

Ved ei eventuell innlemming av nye rapporteringseiningar i det nasjonale systemet for måling av forskingsresultat i helseføretaka, skal melding om ny rapporteringseining  til nasjonalt system for måling av forskningsresultat i helseføretaka (PDF) bli brukt.

For å gjennomføre målinga av forskingsresultat har Helse- og omsorgsdepartementet engasjert NIFU (Nordisk institutt for studiar av innovasjon, forsking og utdanning) og Sikt – Kunnskapssektorens tenesteleverandør: 

Nasjonalt vitenarkiv (NVA) blir brukt av institusjonane for registrering og godkjenning av tidsskriftsartiklar. Cristin reknar publiseringspoeng for desse. For spørsmål om registrering i Cristin, ta kontakt med Sikt: kontakt@sikt.no

I årets måling var det fleire mindre, private institusjonar som ikkje har registrert publikasjoner i NVA. NIFU tok direkte kontakt med desse, og ba om opplysningar om eventuelle publikasjoner frå 2025. Dei som blei mottatt er manuelt oppført frå NIFU (det gjeld: Rehabiliteringssenteret AiR, Tyrilistiftelsen og Unicare). Alle andre einingar som ikkje hadde registrert 2025-publikasjonar i NVA blei også kontakta, men hadde ikkje medverka til vitenskaplege artiklar i 2025.

NIFU er ansvarleg for kartlegginga av doktorgrader i helseføretaka, og for samanstilling av endelege resultat basert på NVA-data, doktorgradstal, tal for eksternfinansiering i samarbeid med Statistisk Sentralbyrå og Norges forskingsråd, samt KBS i samarbeid med Sikt og dei regionale helseføretaka, representert ved nasjonal koordinator frå Forskningsstøtte, OUS.

For spørsmål om resultata for målesystemet, ta kontakt med: Fredrik Niclas Piro, forskingsleiar i NIFU, tlf.: 934 02 903, e-post: fredrik.piro@nifu.no

Kontaktpersonar i dei regionale helseføretaka for målinga

• Helse Sør-Aust RHF: Randi Vad (ranvad@helse-sorost.no), tlf.: 936 18 028
• Helse Vest RHF: Reidar Thorstensen (reidar.thorstensen@helse-bergen.no), tlf.: 55 97 55 38
• Helse Midt-Norge RHF: May Britt Kjelsaas (May.Britt.Kjelsaas@helse-midt.no), tlf.: 92 61 95 84
• Helse Nord RHF: Tove Klæboe Nilsen (tove.klaboe.nilsen@helse-nord.no), tlf.: 75 51 29 14

Rapportering av doktorgrader og vitskaplege publikasjonar følger dette tidsløpet

• Januar: NIFU sender førespurnad til helseføretaka om å sende inn liste over avlagde doktorgrader for det føregåande året. Frist for levering til NIFU er 1. mars. For alle doktorgrader skal følgande opplysningar bli ført opp: kandidaten sitt namn, den tildelande institusjonen, kandidaten sin fagbakgrunn, avhandlinga sitt ISBN-nummer og avhandlinga si tittel.
• 1. mars: Siste frist for helseføretaka for rapportering i NVA for publikasjonar frå det føregåande året.
• Mars til april: Eventuelle konfliktar om kreditering av doktorgradspoeng blir avklart av NIFU i samarbeid med involverte helseføretak.
• Slutten av april: Sikt oversender NIFU endelege utrekningar for helseføretaka sine artiklar for det føregåande året.
• Ca. 1. juni: Helse- og omsorgsdepartementet offentleggjer resultata frå helseføretaksmålinga på si heimeside.

Måling av forskingsaktiviteten i forskings- og kompetansesenter utanfor spesialisthelsetenesta

Målinga av forskingsaktiviteten i forskings- og kompetansesentra utanfor spesialisthelsetenesta for 2025 viser ein liten vekst på 3,8 prosent i produksjonen av forskingspoeng samanlikna med 2024. Samla sett er det en 7,2 prosent vekst i publiseringspoeng og en 10 prosent vekst i doktorgradspoeng (men dette er basert på små tall; frå 19 til 21 doktorgrader). Poeng for finansiering frå Noregs forskingsråd går derimot merkbart ned (27 prosent nedgang).

I regjeringa sin handlingsplan for oppfølging av HelseOmsorg21-strategien frå 2014 blei det varsla at det skulle bli etablert eit kunnskapssystem for forsking retta mot dei kommunale helse- og omsorgstenestene med utgangspunkt i forskings- og kompetansesentra utanfor spesialisthelsetenesta.

Vidare gjennomførte Helse- og omsorgsdepartementet (HOD) i 2022 ei omlegging av forskingsfinansieringa av 21 forskings- og kompetansesenter utanfor spesialisthelsetenesta. Endringa bestod i at ein liten del av grunntilskotet til sentra blir omfordelt basert på forskingsresultat.

Frå og med årets måling (resultat for 2025), er talet på senter som inngår i målinga redusert til 20, fordi Bivirkningsgruppa for odontologiske biomaterialar frå juli 2025 blei organisert som ei eining under Nordisk institutt for odontologiske materialar (NIOM). Desse to einingane blir vidare omtalt som Nordisk Institutt for Odontologiske Materialar og Bivirkningsgruppa for odontologiske biomaterialar. Publikasjonar frå Bivirkningsgruppa for odontologiske biomaterialar i 2025 som ikkje er registrert hjå NIOM, er manuelt supplert i årets offisielle publiseringstal frå NVA.

Tre indikatorar, tilsvarande dei som blir nytta i forskingsmåling i helseføretaka, blir lagt til grunn. Dei tre valde indikatorane er (i) produksjon av vitskaplege publikasjonar (artiklar, bokkapittel og monografiar) vekta for kvalitet og internasjonalt samforfattarskap, (ii) avlagde doktorgrader og (iii) utteljing for tildeling av ekstern finansiering frå Norges forskingsråd.

Dette betyr at kompetansesentra ikkje blir målt på to indikatorar som inngår i tilsvarande måling i helseføretaka: ekstern finansiering frå EU, samt indikatoren for kliniske behandlingsstudium (KBS). For nærare omtale av indikatorane i målesystemet, sjå omtalen for helseføretaka.

For kompetansesentra, som i helseføretaka (aggregert på RHF-nivå), blir eit 3-årig gjennomsnitt brukt, men prosentueringa skjer separat for dei tre gruppene av sentra, over høvesvis kap. 762 og 783 Primærhelsetenester, kap. 765 Psykisk helse, rus og vald, og kap. 770 Tannhelsetenester. Den prosentvise fordelinga for dei ulike gruppene basert på resultat i perioden 2023–2025 blir vist i tabell 14. I tabell 10–13 blir derimot sentra sine resultat på dei ulike indikatorane samla for å tydeleggjere forskjellane mellom sentra i storleik og forskingsaktivitet.

• Kompetansesentra sine resultat for dei enkelte indikatorane for perioden 2018–2025 (excel) (berre 2020–2025 for tal på eksterne inntekter frå Noregs forskingsråd). 

Kompetansesentra sine resultat på forskingsindikatorane

Tabell 10 viser kompetansesentra sitt tal på vitskaplege bidrag (tidsskriftartiklar, bokkapittel og monografiar) i perioden 2020–2025.

Dei tre ulike bidraga blir telt likt i tabell 10 (fordelinga på dei tre typane finst i excel-skjemaet ovanfor), men det er verdt å merke seg at så godt som all publisering i kompetansesentra skjer i form av tidsskriftartiklar. I 2025 blei det til dømes produsert 35 bokkapittel og ingen monografiar. Samtidig produserte dei 20 sentra 418 vitskaplege artiklar, 33 færre enn i 2024.

Det er store forskjellar mellom sentra både med omsyn til storleik og tradisjonar for vitskapleg publisering. Halvparten av dei 20 sentra har fleire vitskaplege artiklar i 2025 samanlikna med 2024 (tabell 10). Flest artiklar i 2024 hadde Regionalt kunnskapssenter for barn og unge i Midt-Noreg (60) og Nasjonalt kunnskapssenter om vald og traumatisk stress (59).

Tabell 10: Antal vitskapelege artiklar i kompetansesentra, 2020–2025

	2025	2024	2023	2022	2021	2020
Allmennmedisinsk forskingseining i Bergen	10	19	15	17	29	14
Allmennmedisinsk forskingseining i Oslo	8	30	36	48	39	40
Allmennmedisinsk forskingseining i Tromsø	23	22	29	25	9	11
Allmennmedisinsk forskingseining Trondheim	23	20	29	20	27	22
Nasjonalt forskningssenter innan komplementær og alternativ medisin	14	20	27	26	16	14
Nasjonalt kompetansesenter for legevaktmedisin	19	15	16	7	12	9
Nasjonalt kunnskapssenter om vald og traumatisk stress	59	62	60	71	77	70
Nasjonalt senter for distriktmedisin	5	4	3	7	6	6
Nasjonalt senter for sjølvmordsforsking og -førebygging	21	30	23	35	19	25
Nordisk institutt for odontologiske materialar og Bivirkningsgruppa for odontologiske biomaterialar	26	13	20	19	19	20
Regionalt kunnskapssenter for barn og unge i Midt-Norge	60	84	58	60	79	41
Regionalt kunnskapssenter for barn og unge i nord	36	38	36	41	43	37
Regionalt kunnskapssenter for barn og unge i vest	31	31	39	33	36	40
Regionsenter for barn og unges psykiske helse Helseregion Aust og Sør	24	35	37	53	35	46
Senter for samisk helseforsking	9	11	14	10	22	16
Tannhelsetenestas kompetansesenter - Rogaland	15	5	7	11	3	1
Tannhelsetenestas kompetansesenter for Nord-Noreg	20	16	13	11	10	12
Tannhelsetenestas kompetansesenter Midt-Noreg	26	32	25	21	23	16
Tannhelsetenestas kompetansesenter Vest/Hordaland	24	15	10	23	26	13
Tannhelsetenestas kompetansesenter Aust	14	13	11	15	13	8

Omfanget av vitskaplege artiklar varierer også mellom gruppene av senter. I gjennomsnitt hadde sentra over kap. 762 og 783 Primærhelsetenester 13,8 artiklar, sentra over kap. 765 Psykisk helse, rus og vald 38,5 artiklar, og sentra over kap. 770 Tannhelsetenester 20,8 artiklar. 

I tabell 11 blir publiseringspoeng per år i perioden 2020–2025 vist, samt den prosentvise fordelinga av poeng for heile perioden.  Nasjonalt kunnskapssenter om vald og traumatisk stress (NKVTS) står for over 16 prosent av dei samla poenga i perioden 2020–2025.  

Saman med dei fire regionale sentra for barn og unge si psykiske helse (Aust og Sør, Vest, Midt-Noreg og Nord) står NKVTS for over halvparten (50,8 prosent) av dei samla publiseringspoenga, og desse fem sentra ligg øvst på lista over sentra med mest publiseringspoeng. Det er med andre ord ei sterk skeivfordeling i publiseringspoeng blant dei 20 sentra.

Tabell 11: Publiseringspoeng per år 2020–2025, og prosentandel for heile perioden

	2025	2024	2023	2022	2021	2020	%
Allmennmedisinsk forskingseining i Bergen	5,1	9,3	7,8	11,5	20,6	9,0	2,8
Allmennmedisinsk forskingseining i Oslo	3,7	5,4	11,7	9,5	13,9	14,2	2,6
Allmennmedisinsk forskingseining i Tromsø	19,2	13,0	16,3	17,7	5,2	6,8	3,5
Allmennmedisinsk forskingseining Trondheim	21,4	8,3	14,9	13,3	13,6	11,9	3,7
Nasjonalt forskningssenter innen komplementær og alternativ medisin	17,3	12,4	20,4	27,0	13,7	9,3	4,4
Nasjonalt kompetansesenter for legevaktmedisin	19,0	10,2	15,3	7,0	10,9	17,9	3,6
Nasjonalt kunnskapssenter om vald og traumatisk stress	63,7	65,7	59,8	67,4	61,6	52,9	16,4
Nasjonalt senter for distriktmedisin	2,2	3,5	2,4	4,0	4,6	3,2	0,9
Nasjonalt senter for sjølvmordsforskning og -førebygging	14,3	21,7	15,4	26,4	14,9	18,3	4,9
Nordisk institutt for odontologiske materialar og Bivirkningsgruppa for odontologiske biomaterialar	20,0	17,6	19,4	21,6	16,0	19,7	5,1
Regionalt kunnskapssenter for barn og unge i Midt-Noreg	36,7	49,7	41,9	39,5	46,5	21,9	10,5
Regionalt kunnskapssenter for barn og unge i nord	35,4	37,8	28,8	28,1	40,5	29,0	8,8
Regionalt kunnskapssenter for barn og unge i vest	30,0	25,0	31,2	22,7	30,1	34,0	7,7
Regionsenter for barn og unges psykiske helse Helseregion Aust og Sør	20,8	27,1	23,9	42,5	21,7	31,1	7,4
Senter for samisk helseforsking	2,9	6,5	8,5	3,6	9,4	6,8	1,7
Tannhelsetenestas kompetansesenter - Rogaland	12,9	3,6	8,1	10,0	3,8	0,7	1,7
Tannhelsetenestas kompetansesenter for Nord-Norge	18,5	8,5	11,7	7,9	8,2	11,0	2,9
Tannhelsetenestas kompetansesenter Midt-Norge	20,7	21,5	14,9	15,9	15,2	7,2	4,2
Tannhelsetenestas kompetansesenter Vest/Hordaland	23,6	13,6	6,7	13,6	15,3	7,3	3,5
Tannhelsetenestas kompetansesenter Aust	14,8	14,8	13,8	12,4	18,9	8,0	3,7

I 2025 blei det totalt publisert 402 publiseringspoeng i sentra, noko som er ei auke på 7,2 prosent frå 2024. I tabell 12 blir talet på doktorgradar som sentra har vore involverte i for perioden 2020–2025 vist (i utrekninga av forskingspoeng tel ein doktorgrad tilsvarande 3 publiseringspoeng).

I 2025 blei det registrert 21 doktorgradar, noko som er to fleire enn i 2024. 19 av kompetansesentra har i perioden 2020–2025 fått godkjent poeng for avlagde doktorgrader.  

Tabell 12: Antal doktorgrader 2020–2025

	2025	2024	2023	2022	2021	2020	Totalt
Allmennmedisinsk forskingseining i Bergen	4	0	0	1	1	0	6
Allmennmedisinsk forskingseining i Oslo	0	2	3	2	3	1	11
Allmennmedisinsk forskingseining i Tromsø	1	0	0	0	0	2	3
Allmennmedisinsk forskingseining Trondheim	2	2	3	1	2	2	12
Nasjonalt forskningssenter innen komplementær og alternativ medisin	0	0	4	0	1	0	5
Nasjonalt kompetansesenter for legevaktmedisin	1	0	1	0	0	0	2
Nasjonalt kunnskapssenter om vald og traumatisk stress	2	3	1	2	2	4	14
Nasjonalt senter for distriktmedisin	0	0	0	1	0	0	1
Nasjonalt senter for selvmordsforskning og -førebygging	3	1	0	1	1	0	6
Nordisk institutt for odontologiske materialar og Bivirkningsgruppa for odontologiske biomaterialar	0	2	2	0	1	1	6
Regionalt kunnskapssenter for barn og unge i Midt-Noreg	1	2	4	5	4	0	16
Regionalt kunnskapssenter for barn og unge i nord	1	0	2	1	0	0	4
Regionalt kunnskapssenter for barn og unge i vest	0	1	0	1	1	1	4
Regionsenter for barn og unges psykiske helse Helseregion Aust og Sør	2	3	0	1	1	1	8
Senter for samisk helseforsking	0	1	0	0	2	1	4
Tannhelsetenestas kompetansesenter - Rogaland	1	0	2	0	0	0	3
Tannhelsetenestas kompetansesenter for Nord-Noreg	1	0	0	0	2	1	4
Tannhelsetenestas kompetansesenter Midt-Noreg	0	2	1	0	0	0	3
Tannhelsetenestas kompetansesenter Vest/Hordaland	2	0	0	1	0	0	3
Tannhelsetenestas kompetansesenter Aust	0	0	0	0	0	0	0

Den siste tellande indikatoren i målinga av kompetansesentra er ekstern finansiering frå Noregs forskingsråd.

Flest midlar frå Norges forskingsråd i 2025 blei henta av Nasjonalt kunnskapssenter om vald og traumatisk stress (27,3 prosent av dei innrapporterte midlane frå Noregs forskingsråd), etterfølgt av Regionsenter for barn og unge si psykiske helse Helseregion Aust og Sør (18,4 prosent), Regionalt kunnskapssenter for barn og unge i vest (14,7 prosent) og Tannhelsetenesta sitt kompetansesenter Vestland (12,6 prosent).

For heile perioden 2020–2025 er det Regionsenter for barn og unge si psykiske helse Helseregion Aust og Sør (15,7 prosent) og Nasjonalt kunnskapssenter om vald og traumatisk stress (15,2 prosent) som har henta mest midlar.

Resultatar 2025, forskingspoeng i kompetansesentra

I utrekninga av forskingspoeng blir treårige gjennomsnitt brukt for publiseringspoeng (tabell 11), doktorgradspoeng (tala i tabell 12 multiplisert med 3), samt finansieringspoeng (der ein million kroner mottatt frå Norges forskingsråd tilsvarar eitt poeng, sjå Excel-ark med tal for perioden 2019–2025).

I tabell 13 viser vi oppnådde resultat – forskingspoeng – for 2025, før vi i tabell 14 viser det tre-årige gjennomsnittet som ligg til grunn for endeleg fordeling av den resultatbaserte finansieringa av grunntilskotet til sentra. Når vi prosentdelar poenga for det treårige gjennomsnittet, gjer vi det ikkje felles for alle 20 kompetansesentra, men separat for sentra avhengig av kva kapittel i statsbudsjettet dei mottar tilskotet over (tabell 14).

Tabell 13: Forskingspoeng fordelt på dei tre indikatorane totalt for alle kompetansesentra, 2025

	Publisering	Dr. grader	Finansiering	Totalt
Nasjonalt kunnskapssenter om vald og traumatisk stress	63,7	6	10,6	80,3
Regionalt kunnskapssenter for barn og unge i Midt-Noreg	36,7	3	1,2	41,0
Regionalt kunnskapssenter for barn og unge i nord	35,4	3	1,3	39,7
Regionalt kunnskapssenter for barn og unge i vest	30,0	0	5,7	35,7
Tannhelsetenestas kompetansesenter Vest/Hordaland	23,6	6	4,9	34,5
Regionsenter for barn og unges psykiske helse Helseregion Øst og Sør	20,8	6	7,1	33,9
Allmennmedisinsk forskningsenhet Trondheim	21,4	6	0,0	27,4
Nasjonalt kompetansesenter for legevaktmedisin	19,0	3	2,4	24,5
Nasjonalt senter for sjølvmordsforskning og -førebygging	14,3	9	0,9	24,2
Tannhelsetenestas kompetansesenter for Nord-Noreg	18,5	3	1,4	22,9
Allmennmedisinsk forskingseining i Tromsø	19,2	3	0,0	22,2
Tannhelsetenestas kompetansesenter Midt-Norge	20,7	0	0,3	21,0
Allmennmedisinsk forskingseining i Bergen	5,1	12	0,5	17,6
Nasjonalt forskningssenter innen komplementær og alternativ medisin	17,3	0	0,0	17,3
Nordisk institutt for odontologiske materialar og Bivirkningsgruppa for odontologiske biomaterialar	20,0	0	0,0	20,0
Tannhelsetenestas kompetansesenter - Rogaland	12,9	3	0,0	15,9
Tannhelsetenestas kompetansesenter Øst	14,8	0	0,9	15,7
Allmennmedisinsk forskingseining i Oslo	3,7	0	1,5	5,3
Senter for samisk helseforsking	2,9	0	0,0	2,9
Nasjonalt senter for distriktmedisin	2,2	0	0,0	2,2

Det går tydeleg fram av tabell 13 at det er stor variasjon i sentra sine storleikar og forskingsaktivitet. Tabellen viser også at for alle sentra, med unntak av Allmennmedisinsk forskningseining i Bergen, er det publiseringspoenga som utgjer den største delen av forskingspoenga samla.

Publiseringspoeng står for 79,8 prosent av alle poeng, doktorgradspoeng for 12,5 prosent, og finansieringspoeng for 7,7 prosent. 9 av sentra oppnådde poeng i 2025 i alle tre indikatorar (tabell 13). 

I tabell 14 blir gjennomsnittet av forskingspoeng for to treårsperiodar (2022–2024 og 2023–2025) vist, der sentra er gruppert per kapittel, og prosentueringa av poeng til 100 blir gjort separat for kvart kapittel.

Tabell 14: 3-årige gjennomsnitt av forskningspoeng (prosent)

Kap. 762 og 783 Primærhelsetenester	2023–2025	2022–2024	Endring (%)
Allmennmedisinsk forskingseining i Bergen	10,4	10,9	-0,5
Allmennmedisinsk forskingseining i Oslo	12,6	16,9	-4,2
Allmennmedisinsk forskingseining i Tromsø	14,7	13,1	1,5
Allmennmedisinsk forskingseining Trondheim	18,9	15,7	3,2
Nasjonalt kompetansesenter for legevaktmedisin	17,4	13,6	3,8
Senter for samisk helseforsking	6,0	6,5	-0,5
Nasjonalt senter for distriktmedisin	2,3	3,5	-1,3
Nasjonalt forskningssenter innen komplementær og alternativ medisin	17,7	19,7	-2,0
Kap. 765 Psykisk helse, rus og vold
Nasjonalt kunnskapssenter om vald og traumatisk stress	28,9	28,0	1,0
Regionsenter for barn og unges psykiske helse Helseregion Aust og Sør	13,8	15,7	-1,9
Regionalt kunnskapssenter for barn og unge i vest	13,8	12,8	1,0
Regionalt kunnskapssenter for barn og unge i Midt-Noreg	20,7	21,8	-1,1
Nasjonalt senter for sjølvmordsforskning og -førebygging	8,3	8,7	-0,4
Regionalt kunnskapssenter for barn og unge i nord	14,4	13,0	1,5
Kap. 770 Tannhelsetenester
Nordisk institutt for odontologiske materialar og Bivirkningsgruppa for odontologiske biomaterialar	20,6	23,6	-3,0
Tannhelsetenestas kompetansesenter Vest/Hordaland	19,9	17,5	2,4
Tannhelsetenestas kompetansesenter for Nord-Noreg	13,3	10,0	3,3
Tannhelsetenestas kompetansesenter Aust	14,5	16,2	-1,7
Tannhelsetenestas kompetansesenter Midt-Noreg	21,1	22,7	-1,6
Tannhelsetenestas kompetansesenter - Rogaland	10,5	9,9	0,7

På kap. 762 og 783 Primærhelsetenester er den største endringa at Allmennmedisinsk forskingseining i Oslo sin andel av poenga er redusert med 4,2 prosentpoeng, mens Nasjonalt kompetansesenter for legevaktmedisin får 3,8 prosentpoeng meir samanlikna med i fjor.

På kap. 765 Psykisk helse, rus og vald, er det mindre forskjellar for alle sentra mellom dei to tre-års-periodane. Regionalt kunnskapssenter for barn og unge i nord aukar med 1,5 prosentpoeng, mens Regionsenter for barn og unges psykiske helse Helseregion Aust og Sør går ned med 1,9 prosentpoeng.

På kap. 770 Tannhelsetenester, er det igjen større variasjonar. Tannhelsetenestas kompetansesenter for Nord-Noreg og Tannhelsetenestas kompetansesenter Vest/Hordaland aukar sine prosentandeler med høvesvis 3,3 og 2,4 prosentpoeng samanlinja med målinga året før, mens det er ein nedgang på tre prosentpoeng for Nordisk institutt for odontologiske materialar og Bivirkningsgruppa for odontologiske biomaterialar.