5 Enkelttilskot i Nansen-programmet i 2025
Under følger ei oversikt over Forsvarsdepartementet sine planlagde tilskot til internasjonale samarbeidsvedtak og finansieringsordningar som del av den militære støtta i Nansen-programmet for Ukraina. I tråd med fullmakt XLIX, jf. Innst. 540 S (2024–2025) til Prop. 146 S (2024–2025) planlegg regjeringa å tildela tilskot for om lag 40 mrd. kroner i 2025. Regjeringa tar atterhald om at endeleg tilskotsbeløp for 2025 vert fastsett gjennom avtalar mellom Forsvarsdepartementet og tilskotmottakarane, og at beløpet er avhengig av valutakursar og periodisering av utgifter over år. Regjeringa arbeidar med ytterlegare tilskot for 2025 som per tid ikkje er endeleg avklart og difor ikkje står i oversikta under.
Stortinget er, i tråd med den politiske avtalen om Nansen-programmet, konsultert om tilskota gjennom forsvarsministeren sine orienteringar til utanriks- og forsvarskomiteen. Tilskot til anskaffing av militært materiell og deltaking i internasjonale initiativ for støtte til Ukraina krev tidlege forpliktingar og utbetalingar. Der det er naudsynt vert midlane forplikta og utbetalt på førehand, hovudsakeleg for å legga til rette for hurtigare leveransar til Ukraina.
Som følge av at delar av informasjonen er skjermingsverdig, er enkelttilskota gruppert på tilskotsmottakar. Omtala av føremålet med enkelttilskota er også tilpassa graderingsnivå.
Tabell 5.1 Tilskot til internasjonale samarbeidstiltak og finansieringsordningar
|
(i mill. kroner) |
||
|---|---|---|
|
Tilskotsmottakar |
Føremål |
Beløp |
|
Danmark |
Støtte til produksjon av militært materiell i Ukraina gjennom dansk mekanisme, samt tilskot til anskaffing av materiell i samband med NB8 brigade-initiativet. |
1 530 |
|
Estland |
Militært materiell |
300 |
|
NATO – Comprehensive Assistance Package |
Innkjøp av ikkje-dødeleg materiell for donasjon, tiltak for auka interoperabilitet, utvikling av moderne institusjonar og langsiktig gjenoppbygging av Ukraina |
600 |
|
USA |
Noreg bidreg til det USA- og NATO-initierte programmet Prioritized Ukraine Requirement List (PURL) for innkjøp av amerikansk materiell som Ukraina har behov for, mellom anna luftvernmateriell, ammunisjon og artilleri. Noreg bidreg også til innkjøp av luftvernmateriell gjennom den amerikanske JUMPSTART-mekanismen. |
18 575 |
|
Storbritannia |
I samarbeid med Storbritannia og andre land, bidreg Noreg mellom anna til finansiering av luftvernmateriell, artilleriammunisjon, dronar, og den maritime koalisjonen for Ukraina. Noreg har også gitt tilskot til eit fond som skal dekke utgifter i NATO Security Assistance and Training for Ukraine (NSATU), samt til eit britisk initiativ for å styrke fronten i Ukraina på kort sikt gjennom anskaffingar frå ukrainsk industri. |
5 705 |
|
Tsjekkia |
Artilleriammunisjon |
5 500 |
|
Tyskland |
Finansiering av luftvernmateriell til Ukraina i samarbeid med Tyskland og andre bidragsytarar |
7 260 |
|
EU |
Tilskot til EU for å styrka anskaffing av militært materiell til Ukraina |
1 000 |