2 Inntekter

2.1 Skattar og avgifter frå Fastlands-Noreg

Statsrekneskapen for 1997 syner at samla skattar og avgifter frå Fastlands-Noreg utgjorde 325 mrd kroner. Sterkare auke i den økonomiske aktiviteten og i sysselsettinga enn lagt til grunn hausten 1996, har ført til at skatte- og avgiftsinntektene vart 5,9 mrd kroner høgare enn i vedteke budsjett for 1997. Skatte- og avgiftsinntektene vart 1,6 mrd kroner høgare enn lagt til grunn i Nysaldert budsjett 1997. Avviket skuldast særleg inntektene frå meirverdi- og investeringsavgifta, som vart 2,2 mrd kroner høgare enn lagt til grunn i Nysaldert budsjett 1997.

Tabell 2.1 syner at dei samla skatte- og avgiftsinntektene har auka frå 287,8 mrd kroner i 1996 til 325 mrd kroner i 1997, ein auke på 37,2 mrd kroner eller 13 pst. Ein stor del av denne auken kjem av ei teknisk omlegging som førte til at skatteinntektene i statsrekneskapen og overføringane på statsbudsjettet auka med 12,5 mrd kroner i 1997. Dersom ein held utanom dei tekniske endringane auka dei samla skattane frå Fastlands-Noreg med 8,7 pst frå 1996 til 1997. Omlegginga gjekk ut på at Skattefordelingsfondet vart lagt ned frå 1997. Heretter blir inntektene frå fellesskatten inntektsført direkte på statsbudsjettet i staden for til Skattefordelingsfondet. Skatteutjamning mv. til kommunesektoren blir frå 1997 løyvd frå statsbudsjettet i staden for frå Skattefordelingsfondet.

Fellesskatten utgjorde 53,4 mrd kroner i 1997, ein auke på 13 pst frå året før. Auken kjem mellom anna av ein reduksjon i skattøyrene for kommunar og fylkeskommunar og motsvarande auke i satsen for fellesskatt.

Skatt og avgift til folketrygda, trygdeavgift og arbeidsgjevaravgift, utgjorde 98,2 mrd kroner i 1997, og svarar til ein auke på 7,3 pst frå året før.

Inntektene frå meirverdi- og investeringsavgifta utgjer ei av dei viktigaste inntektskjeldene til staten og steig med 8,7 pst til 102,9 mrd kroner i 1997.

Tabell 2.1 Statens inntekter 1993 - 1997. (Tal i mill kroner)


			Rekneskap		S.III	Nysald. budsjett	Rekneskap

	1993	1994	1995	1996	1997	1997	1997

Skattar på formue og inntekt¹⁾	25 855	32 443	41 256	48 741	66 331	66 830	66 777
Arbeidsgivaravgift og trygdeavgift	78 175	81 419	85 468	91 531	95 760	98 300	98 192
Tollinntekter	1 681	1 811	2 647	2 455	2 366	2 497	2 437
Meirverdiavgift og avgift på investeringar	71 931	79 324	87 592	94 691	100 670	100 750	102 902
Avgifter på alkohol	5 776	6 280	6 519	6 888	7 286	7 610	7 405
Avgifter på tobakk	4 649	5 041	5 316	5 430	6 104	5 900	5 988
Avgifter på motorvogner	19 543	23 014	24 841	26 972	29 733	29 675	29 350
Andre avgifter	8 773	9 574	10 102	11 109	10 831	11 850	11 934
Sum skattar og avgifter	216 383	238 906	263 741	287 817	319 081	323 412	324 985

Renter av statens forretningsdrift	1 579	1 093	484	520	196	178	170
Avskrivingar, avsettingar til investeringsformål og inntekter av statens forretningsdrift	8 791	9 896	3 113	3 349	2 500	2 484	2 689
Sum inntekter av statens forretningsdrift	10 370	10 989	3 597	3 869	2 696	2 662	2 859

Renter frå statsbankane	19 077	16 898	14 851	13 164	9 535	9 097	9 419
Renter av statskassens kontantbehaldning og andre krav	7 592	5 554	7 164	6 978	5 404	5 943	5 683
Utbytte ekskl. Statoil	396	1 049	1 480	2 924	4 039	4 185	4 197
Renteinntekter og utbytte ekskl. statens forretningsdrift og Statoil	27 065	23 501	23 495	23 066	18 978	19 225	19 299

Inntekter under departementa	18 195	17 302	10 032	18 830	14 913	15 512	18 011
Overføring frå Noregs Bank	5 080	9 545	14 340	7 239	4 236	4 236	4 236
Tilbakeføring av midler fra Statens banksikringsfond	0	260	6 969	4 216	975	1 175	975
Sum andre inntekter	23 275	27 107	31 341	30 285	20 124	20 923	23 222

Sum inntekter ekskl. oljeskattar, petroleumsverksemd og tilbakebetalingar	277 093	300 503	322 174	345 037	360 879	366 222	370 365

Inntekter frå statleg petroleumsverksemd	16 766	18 446	20 933	26 182	24 900	23 250	23 326
Skatt og avgift på utvinning av petroleum	26 614	24 497	27 637	33 078	42 600	44 100	44 898
Aksjeutbytte frå Statoil	1 250	1 075	1 614	1 850	1 600	1 600	1 600
Sum petroleumsinntekter	44 630	44 018	50 184	61 110	69 100	68 950	69 824

Tilbakebetalingar	14 711	50 167	42 119	54 789	31 021	46 604	46 131

Overføring frå Statens petroleumsfond	28 023	25 576	36 529	25 673	23 106	22 789	22 789

Sum inntekter	364 457	420 264	451 006	486 609	484 106	504 565	509 109

¹⁾ Overføring frå Skattefordelingsfondet til statsbudsjettet er inkludert i tala fram til 1996. Frå 1997 er fellesskatt inkludert. Skattefordelingsfondet vart lagt ned frå 1997 og førte til at skatteinntektene og overføringane til statsbudsjettet steig med ca 12,5 mrd kroner.

2.2 Avskrivingar, renter og aksjeutbyte

For rekneskapsåret 1997 er det berre små avvik mellom det vedtekne nysalderte budsjettet og rekneskapen for 1997 på avskrivingane,renteinntekter og aksjeutbyte.

Avskrivingane, avsetjingar til investeringsformål og inntekter av statens forretningsdrift er rekneskapsført med 204 mill kroner meir enn løyvd i nysaldert budsjett. Årsaka til dette er sal av eigedomar under statsbygg på 126 mill kroner og ei rekke mindre endringar på dei ulike postane.

Under aksjeutbyte vart det rekneskapsført 12 mill kroner meir enn løyvd i nysaldert budsjett. Renteinntektene viser ein mindre inntekt på 260 mill kroner.

2.3 Inntekter under departementa

Det vart i 1997 rekneskapsført større inntekter under departementa enn lagt til grunn i nysaldert budsjett. Rekneskapen viser meirinntekt på 1 723 mill kroner. Dette heng mellom anna saman med økt omfang av oppdragsinntektar, ulike gebyrer, refusjonar, salgs-og leigeinntekter departementa har.

2.4 Skattar og avgifter frå petroleumsverksemda

Dei samla innbetalte skattane og avgiftene frå petroleumsverksemda i 1997, utenom CO₂-avgifta, vart i nysalderingsproposisjonen anslått til 41 100 mill kroner. Det tilsvarande rekneskapstalet for 1997 er 41 855 mill kroner. Anslaget på betalte direkte skattar var om lag 700 mill kroner lågare enn rekneskapstala. Avviket kjem i hovudsak av at selskapa i løpet av desember 1997 foretok ekstra innbetalingar i høve til utskriven terminskatt for 1997 og restskatt for 1996. Rekneskapstala for betalt produksjonsavgift og betalt arealavgift er om lag som anslått i nysalderingsproposisjonen. Anslaga var basert på innbetalingane i løpet av dei ti første månadene av 1997 og anslag på innbetalingane dei to siste månadene.

Inntekter frå avgift på utslepp av CO₂ i petroleumsverksemda var i nysalderingsproposisjonen anslått til 3 000 mill kroner. Rekneskapstalet for 1997 er 3 043 mill kroner.

2.5 Inntekter frå Statens direkte deltaking i petroleumsverksemda

Inntektene frå statens direkte deltaking i petroleumsverksemda er i det alt vesentlige renter og avskrivingar på kapitalen, og vart i nysalderingsproposisjonen anslått til 23 250 mill kroner. Det tilsvarande rekneskapstalet for 1997 er 23 326 mill kroner. Avviket kjem i all hovudsak av at avskrivingane synte seg å bli høgare enn ein rekna med.

Neste kapittel

Forrige kapittel

St.meld. nr. 3 (1997-98)

Statsrekneskapen medrekna folketrygda for 1997