Klima- og miljøminister Andreas Bjelland Eriksen deltek 7. mai på det nordiske ministermøtet for klima og miljø i København.

Der skal han mellom anna diskutere status for dei globale plastforhandlingane.
 
– Det hastar med å få på plass ein global plastavtale. Dei nordiske landa har lenge vore ein pådrivar i plastforhandlingane, og vi ønskjer å føre vidare leiarrolla vår når vi no går inn i det som forhåpentleg er siste fase av forhandlingane, seier klima- og miljøminister Andreas Bjelland Eriksen. 
 
Klima- og miljøministrane skal også diskutere internasjonalt samarbeid for klima og miljø og korleis klimaendringar påverkar havsirkulasjonen AMOC.

For spørsmål om deltakinga kan du ta kontakt på kldinfo@kld.dep.no.