Staten sin kontantbehaldning var 22,1 mrd. kroner lågare ved utgangen av 2002.

Nedgangen på 14,1 mrd. kroner kjem i hovudsak av nedgang i bokført verdi i Statens petroleumsfond på 14,7 mrd. kroner jf. kap. 6 i denne meldinga. Andre fond i kontogruppa syner ein auke på 0,6 mrd. kroner. Kapitalen i Statens banksikringsfond på 80,2 mill. kroner vart innløyst i 2002. Ansvaret for Statens bankinvesteringsfond vart i 2002 flytt frå Finansdepartementet til Nærings- og handelsdepartementet og kapitalen på 8,7 mrd. kroner i fondet er no registrert på Nærings- og handelsdepartementet sin konto i kapitalrekneskapen.

Auken er på 2,7 mrd. kroner netto, fordelt med 10,0 mrd. kroner i auka behaldning av aksjar og ein nedgang på 7,4 mrd. kroner i kapital i statsføretak og selskap med særskilde fullmakter. Auka verdi av aksjar kjem av aktivering av aksjar under Samferdsledepartementet for Posten Noreg AS med 4,1 mrd. kroner og NSB AS med 6,0 mrd. kroner. Samstundes vart aktivert kapital for desse selskapa under statsføretak og selskap med særskilde fullmakter, redusert. Det har skjedd ei overføring av aksjar frå andre departement til Nærings- og handelsdepartementet verdt 1,9 mrd. kroner. Dette gjeld mellom anna Entra Eiendom AS, Bane Tele AS og SAS AB. Det har òg skjedd ei overføring av kapital i statsføretak frå andre departement til Nærings- og handelsdepartementet. Dette gjeld statsføretaka Statkraft SF frå Olje og energidepartementet og SIVA SF frå Kommunal- og regionaldepartementet.

Auken er på 12,4 mrd. kroner. Av dette er 3,5 mrd. kroner auka utlån for Statens lånekasse, 6,3 mrd. kroner auka utlån for Husbanken og 3,6 mrd. kroner auka utlån til tilsette i staten gjennom Statens pensjonskasse. Det er òg aktivert 0,772 mrd. kroner i utlån til helseføretaka. Lån til Oslo lufthavn er redusert med 0,4 mrd. kroner og utlån til særlovsselskap under Samferdsledepartementet er redusert med 0,4 mrd. kroner ved omdanning av Posten Noreg til aksjeselskap. Lån til Statnett og Statkraft er redusert med til saman 0,8 mrd. kroner.

Auken er på 18,7 mrd. kroner. Av dette utgjer 17,7 mrd. kroner Fondet for forsking og nyskaping. Niels Henrik Abels minnefond er etablert med 0,2 mrd. kroner, Konverteringsfondet i Statens lånekasse med 0,35 mrd. kroner og Norsk kulturminnefond med 0,2 mrd. kroner. Kontogruppe 64 Ordinære fond og 81 Kontolån frå ordinære fond må sjåast i samanheng, då kapital som fonda har ståande i Noregs Bank òg er ført opp som kontolån til staten.

Auken er på 0,1 mrd. kroner som i hovudsak gjeld forskot under Samferdsledepartementet for Statens vegvesen og Jernbaneverket.

Nedgangen i fast kapital på 14 mill. kroner kjem av nedgang i Statens miljøfond med 8 mill. kroner og risikofondet i Husbanken med 6 mill. kroner.

Nedgangen på 7,4 mrd. kroner kjem i hovudsak av bokført verdi ved sal av SDØE-eigedelar under kap. 5440.31. Sjå òg tabell 3.2 i vedlegg 3.

Nedgangen i mellomvære med statskassa er 39 mill. kroner. Av dette er 9,5 mill. kroner postert mot konto for forskyvingar i balansen, jf. fullmakt frå Stortinget til å postere differansar i rekneskapen mot konto for forskyvingar i balansen.

Som følgje av valutabyteavtalene er valutabytekontoen gått ned med 0,55 mrd. kroner. Sjå òg tabell 3.3 og 3.4 i vedlegg 3.

Som følgje av over/underkurs på statsobligasjonslån, er bokført verdi auka med 2,5 mrd. kroner.

Som følgje av valutakursregulering av utanlandsgjelda, er utanlandsgjelda målt i norske kroner gått ned med 0,9 mrd. kroner.

Statsgjelda er auka med 12,3 mrd. kroner i 2002. Sjå tabell 3.5 i vedlegg 3 for nærare spesifikasjon av endring i statsgjelda.

Kontogruppe 81 Kontolån frå ordinære fond omfattar alle ordinære fond som har fondsmidlar plasserte i statskassa. Dei fonda der staten utover å kunne nytta likviditeten i fonda òg eig fondskapitalen, er også aktivert i kontogruppe 64 Ordinære fond. Auken for 2002 er på 21,3 mrd. kroner. Av dette utgjer 17,7 mrd. kroner Fondet for forsking og nyskaping. Gjeldsbrevordninga i Utanriksdepartementet er etablert som fondsordning frå 2002 med 2,2 mrd. kroner, Niels Henrik Abels minnefond er etablert med 0,2 mrd. kroner, Konverteringsfondet i Statens lånekasse med 0,35 mrd. kroner og Norsk kulturminnefond med 0,2 mrd. kroner. Kontogruppe 81 omhandla tidlegare også fleire offentlege fond som var plassert under forvaltning av Finansdepartementet. Disse fonda er overført til dei einskilde departementa. I 2002 vart det siste fondet i denne gruppa avslutta. Sjå tabell 3.1 i vedlegg 3 for detaljar.

Kontogruppe 82 omfattar verksemder med særskilde fullmakter til å bruttoføre utgifter og inntekter utanfor statsrekneskapen. Verksemdene sine likvide midlar er plasserte i Noregs Bank. Staten kan nytta denne likviditeten, som vert notert som gjeld i kapitalrekneskapen. Sjå tabell 3.1 i vedlegg 3 for detaljar.

Deposita og avsetjingar syner ein nedgang på 12,2 mrd. kroner. Av dette er det vesentligaste avsetjinga til Statens petroleumsfond som har gått ned med 9,9 mrd. kroner og gjeldsbrevordninga under Utanriksdepartementet med 2,7 mrd. kroner som er flytt til kontogruppe 81 Kontolån for ordinære fond.

Unytta løyvingar som vert overført til neste budsjettår vert registrerte som gjeld i statsrekneskapen. Overføringane til 2003 er 2,356 mrd. kroner lågare enn overført løyving frå 2001. I talet er overførte løyvingar på 90-post (lånetransaksjonar) med og talet ligg derfor noko høgare enn nedgangen i overførte løyvingar som er omtalt i kapittel 1.

Avslutningskontoen med staten sin eigenkapital vart redusert i 2002 med 26,9 mrd. kroner frå 839,9 mrd. kroner til 812,9 mrd. kroner, jf. note 1-17 ovanfor. Sjå òg tabell 1.11 i vedlegg 1.