3 Nasjonale mål
For å måle framsteg i retning eliminasjon som folkehelseproblem oppmodar WHO alle europeiske land om å ha talfesta mål12. Dei nasjonale måla for Noreg er beskrivne i tabell 3.1. Dei er delte opp etter sjukdomsbyrde og tiltak. I kapittel 7.2 i vedlegget er det ein tabell som knyter dei ulike måla til tiltaks- og ansvarsområde. Måla er baserte på måla til WHO13, 14, 15, men er vidareutvikla og tilpassa til norske forhold. Dei nye måla speglar dei gjeldande tilrådingane, men er talfesta for å leggje til rette for gjennomføring framover.
Tabell 3.1 Talfesta nasjonale mål for å nedkjempe hepatitt B og C i Noreg
|
Verkeområde |
Måla |
|---|---|
|
Sjukdomsbyrda |
|
|
Insidens eller prevalens av infeksjonb, c |
<2 nye tilfelle av hepatitt B-infeksjon per 1 000 000 |
|
<5 nye tilfelle av hepatitt C-infeksjon per 1 000 000 |
|
|
<2 % prevalens av hepatitt C-infeksjon blant personar som injiserer rusmiddel* |
|
|
Insidens av alvorleg sjukdom og dødsfall |
<1 tilfelle av hepatitt B- eller C-relatert alvorleg leversjukdom og dødsfall per 100 000 |
|
Tiltak |
|
|
Testing |
|
|
Prosentdel diagnostisertd |
≥95 % av personar som lever med kronisk hepatitt B, er diagnostiserte |
|
Testaktivitete |
≥95 % av gravide blir testa for hepatitt B i løpet av svangerskapet |
|
≥95 % av personar som injiserer rusmiddel, er testa for hepatitt B og hepatitt C det siste åretf * |
|
|
≥95 % av innvandrarar frå land med høg smitterisiko er testa for hepatitt B og hepatitt Cg * |
|
|
Oppfølging etter diagnose og behandling |
|
|
Oppfølging i helsetenesta |
≥90 % av personar som er diagnostiserte med kronisk hepatitt B, blir følgde opp minst éin gong årleg* |
|
Behandling |
≥95 % av personar som er diagnostiserte med kronisk hepatitt B som har indikasjon for behandling, er på behandling |
|
≥95 % av personar som er diagnostiserte med hepatitt C, startar behandling |
|
|
Smitteførebyggjande tiltak |
|
|
Dekning av hepatitt B-vaksinasjonh |
≥95 % av barn 0–2 år har fått tre dosar hepatitt B-vaksine. |
|
100 % av barn som er fødde av ei hepatitt B-positiv mor, får rett posteksponeringsprofylakse etter nasjonale retningslinjeri |
|
|
Skadereduserande tiltak blant personar som er avhengige av rusmiddel |
≥600 pakkarj med utstyr for injisering av rusmiddel er distribuerte per person per år |
|
<2 % av personar som injiserer rusmiddel, har delt sprøyter eller kanylar den siste månaden* |
|
|
<10 % av personar som injiserer rusmiddel, har delt utstyr anna enn sprøyter eller kanylark den siste månaden* |
|
|
≥90 % av personar som er avhengige av opioid, er i legemiddelassistert rehabilitering |
|
|
Blodprodukt |
100 % av blodprodukt er trygge |
|
100 % av injeksjonar i helsetenesta er trygge |
|
* Indikerer nasjonale mål som ikkje har eit tilsvarande internasjonalt mål16,17,18.
For fleire andre mål er terskelen meir ambisiøs enn det internasjonale målet.
a Ein tilsvarande tabell som viser status for dei talfesta nasjonale måla, er presentert i vedlegget, kapittel 7.3.
b Det globale målet om HBsAg-prevalens blant barn 0–4 år er ikkje ført opp i tabellen. Det er allereie låg HBsAg-prevalens blant barn i Noreg, og førebygging av nysmitte vil bli teke hand om ved at alle nyfødde barn av ei hepatitt B-positiv mor får rett posteksponeringsprofylakse og høg dekning av hepatitt B-vaksine i barnevaksinasjonsprogrammet.
c Det globale målet om insidens <2 per 100 personar som injiserer rusmiddel, er ikkje ført opp i tabellen. Det blir dekt av mål for insidens per 1 000 000 i den generelle befolkninga og mål for prevalens blant personar som injiserer rusmiddel.
d Det tilsvarande globale målet for hepatitt C er ikkje ført opp i tabellen. Dette er fordi alle personar som blir diagnostiserte med hepatitt C, skal behandlast, og dei aller fleste vil kvitte seg med viruset, slik at talet på diagnostiserte tilfelle som lever med kronisk hepatitt C, vil vere lågt dersom ein oppnår målet for behandling.
e Det er også viktig å sikre høg testaktivitet i alle grupper som er tilrådde det, inkludert transpersonar, menn som har sex med menn, og personar som sel eller byter seksuelle tenester19,20.
f Testing for hepatitt B bør vere for dei som ikkje er vaksinerte eller naturleg immune, medan testing for hepatitt C bør vere for HCV-RNA.
g Innvandrarar frå land med høg smitterisiko: https://www.fhi.no/ss/blod-seksuelt-overforbare-infeksjoner/anbefaling-om-testing-av-innvandrere-for-hiv-hepatitt-b-hepatitt-c-og-syfilis/.
h Det er også viktig å sikre høg vaksinedekning i alle grupper som er tilrådde det21.
i Éin dose vaksine og hepatitt B-immunglobulin innan 24 timar etter fødselen og endå ein dose vaksine ved fire vekers alder. Alle barn skal deretter følgje barnevaksinasjonsprogrammet og testast for hepatitt B 1–3 månader etter siste vaksinedose. Med «hepatitt B-positiv mor» meiner ein ei mor som er positiv for HBsAg.
j Europeiske retningslinjer tilrår ei brei pakke av utstyr for inntak av rusmiddel, inkludert steril sprøyte og kanyle, kokekar, filter, sterilt vatn, askorbinsyre, alkotørk, røykjefolie og utstyr som sikrar forsvarleg kasting av brukt utstyr, som kanyleboksar22.
k Her meiner ein utstyr som også kan føre til smittefare for blodborne infeksjonar, som vatn, filter og kokekar23.