Aktiver Javascript i din nettleser for en bedre opplevelse på regjeringen.no

Matproduksjonen går framleis som normalt

Dette innhaldet er meir enn 30 dagar gammalt. Informasjonen kan derfor vere utdatert. Du finn oppdatert informasjon på temasida Koronasituasjonen.

Som følgje av koronasituasjonen var det før sommaren bekymring rundt mangel på arbeidskraft i landbruket. Sjølv om nokon produsentar framleis opplever utfordringar, melder landbruket om at sommaren har gått betre enn venta.

Denne veka har landbruks- og matminister Olaug Bollestad arrangert det fyrste statusmøte med landbruksnæringa om koronasituasjonen i haust. I videomøtet la statsråden vekt på kor viktig det er at vi alle skal fortsetje med å vere nøye på å halde smitteverntiltaka i hevd og følgje regelverket.

Matforsyninga og leveransen i landbruket går framleis som normalt, og landbruks- og matminister Olaug Bollestad vil fortsetje med å halde regelmessige statusmøte med næringa for å følgje utviklinga utover hausten.

Potetåker.
Matforsyninga og leveransen i landbruket går framleis som normalt. Foto: Kristin Sørensen, Tromspotet