Ledig stilling i Planavdelinga – rådgjevar/seniorrådgjevar
Artikkel | Sist oppdatert: 10.04.2025 | Kommunal- og distriktsdepartementet
Planavdelinga i KDD har ledig ei fast stilling med oppgåver knytt til internbudsjett, verksemdsplanlegging og avdelinga sitt arbeid med statsbudsjettet.
Personen vi ser etter blir også involvert i koordineringa av løpande bestillingar på avdelinga sine område, og får arbeide med oppfølging av tilskot til kompetansetiltak innan planlegging. I stillinga ligg det også å koordinere avdelingas arbeid med nordisk samarbeidsprogram 2025-2030 for regional utvikling og planlegging.
Stillinga er i seksjon for verksemdsplanlegging og kompetanse der vi mellom anna jobbar med tilskotsforvaltning, og forsking og utvikling for å styrke plankompetansen.
Seksjonen jobbar også med ekstern og intern kommunikasjon gjennom mellom anna nettsider som planlegging.no. og nyheitsbrevet Plannytt
Rådgivar/seniorrådgivar (278347) | Kommunal- og distriktsdepartementet
Søknadsfrist 27. april