Digitale data kan minke råteskadar i skog
Historisk arkiv
Publisert under: Regjeringen Solberg
Utgjevar: Landbruks- og matdepartementet
Nyheit | Dato: 18.02.2019
Soppen rotkjuke tek knekken på kvart femte norske grantre og gir store tap for skogbransjen. Digitale data frå hogstmaskinar, satellittar, fly og dronar bidreg til å hindre smittespreiing.
Digitale svar på kor nye tre burde bli planta
Ein hogstmaskin kan registrere om eit tre er ròte, og kor høgt oppe i treet ròten går. Informasjon frå hogstmaskinane kan bli kopla saman med sensordata frå satellitt, fly og dronar som er samla inn før hogsten. Slik vil det vere mogleg å si kor dei ròteinfiserte trea er. Informasjonen kan og si noko om kor ein kan plante gran for å redusere risikoen for at det nye treet arvar ròte.
Forbetra teknologi gjev nye moglegheiter
Norsk institutt for bioøkonomi (NIBIO) arbeider i lag med aktørar innan akademia, skogeigarar, skognæring og teknologiske bedrifter for å finne løysingar i skogbruket ved hjelp av presisjonsskogbruk. Det handlar om å skreddarsy tiltak som tek omsyn til tilhøva i den lokale skogbestanden.