Søkartala til høgre utdanning blir presentert 25. april
Historisk arkiv
Publisert under: Regjeringen Solberg
Utgjevar: Kunnskapsdepartementet
Pressemelding | Nr: 25 | Dato: 24.04.2019
Torsdag 25. april inviterer forskings- og høgre utdanningsminister Iselin Nybø (V) til pressekonferanse for å presentere søkartala til høgre utdanning.
Fristen for å søke var 15. april, og torsdag blir det kjent kva slags trendar me ser blant søkarane i år. Korleis ser til dømes søkartala for lærarutdanningane ut? Og kor mange er det som ønsker å bli sjukepleiarar? Og kva for utdanningsområde har størst auke, og kva for utdanningsområde har størst nedgang?
Seniorrådgivar i Unit, Geir Sverre Andersen, vil seie noko om dei store linjene. Nybø vil kommentere søkartala og svare på spørsmål.
Program torsdag 25. april
Kl. 11.00 – 12.00 |
Presentasjon av søkartala til høgre utdanning våren 2019 ved Geir Sverre Andersen og Iselin Nybø. Adresse: Kunnskapsdepartementet, Kirkegata 18, 0153 Oslo |
Pressekonferansen blir strøymd på www.regjeringen.no/kd
Pressa er velkomen og det blir høve til å intervjue statsråden og Andersen.
Kontakt:
Journalistar som ønsker å vere til stades kan ta kontakt med kommunikasjonsrådgivar i Kunnskapsdepartementet Ragnhild Skaara Imset på telefon 93435930 eller pr. e-post på rask@kd.dep.no. Hugs legitimasjon!
Søkartala til høgre utdanning blir presentert
Sjå sendinga her