Haug ny styreleiar i NUPI
Nyheit | Dato: 20.12.2021 | Kunnskapsdepartementet
Professor Karl Erik Haug blir ny styreleiar for Norsk utanrikspolitisk institutt, NUPI. Haug er professor i moderne historie og instituttleiar ved NTNU.
Haug har relevant fagleg bakgrunn med tanke på dei problemstillingane NUPI arbeider med. Den nye styreleiaren kjenner utdanningssektoren godt, og som instituttleiar har han solid leiarerfaring. Haug vil med kompetansen sin, kunne bidra til at NUPI lukkast enno betre som leiande forskingsinstitutt.
Det nye styret oppnemnd av Kunnskapsdepartementet ser slik ut:
|
Rolle |
Navn |
Bakgrunn |
|
Styreleiar
|
Karl Erik Haug |
Professor i moderne historie og instituttleiar ved Institutt for moderne samfunnshistorie. |
|
Styremedlem (noverande styremedlem) |
Sturla Henriksen (1956, Oslo)
|
Spesialrådgjevar på hav, UN Global Compact. |
|
Styremedlem |
Torbjørn Pedersen (1972, Bodø) |
Professor i statsvitskap ved Nord universitet. |
|
Styremedlem
|
Teija Tiilikainen |
Director, The European Centre of Excellence for Countering Hybrid Threats, Helsinki. |
|
Styremedlem
|
Laila Susanne Vars (1976, Kautokeino) |
Rektor, Samisk høgskole.
|
|
Varamedlem (noverande varamedlem) |
Simen Bræin |
Senior Vice President i Statkraft. |
|
Varamedlem
|
Lise Rakner (1963, Bergen) |
Professor ved Institutt for administrasjon og organisasjonsvitskap, Universitetet i Bergen. |
|
|
|
|
NUPI har som føremål å bidra til auka innsikt i mellomfolkelege spørsmål gjennom forsking og utgreiingar, og ved å spreie informasjon om internasjonale forhold. Instituttet skal sjølv bygge opp og vedlikehalde kompetanse på område av sentral betydning for norsk utanrikspolitikk. Instituttet har ei fri og uavhengig stilling i alle faglege spørsmål.
Funksjonsperioden for det nye styret er frå 1. januar 2022 til 31. desember 2025.