Avdelingar

Administrasjonsavdelinga

Kultur- og likestillingsdepartementet

Administrasjonsavdelinga utviklar system for styring og fastset overordna retningsliner for ei effektiv og samordna leiing og drift av departementet. Avdelinga tar seg av administrative saker og ser til at departementet blir styrt i samsvar med gjeldande lover og reglar.

Avdelinga har følgande seksjonar:

  • HR seksjonen (AD1)

    HR seksjonen har ansvar for rekruttering, personalforvaltning og lønsforvaltning i departementet. Seksjonen arbeider med leiar og medarbeidarutvikling, kompetanseutvikling og organisasjonsutvikling, og gir fagleg støtte i saker som gjeld arbeidsmiljø, medarbeidaroppfølging og endrings- og utviklingsprosessar. Seksjonen har òg ansvar for internkommunikasjon og for drift og utvikling av departementets intranett.

  • Statsbudsjettseksjonen (AD2)

    Statsbudsjettseksjonen har ansvar for samordning og gjennomføring av departementets arbeid med statsbudsjettet og statsrekneskapen. Seksjonen sørgjer for koordinering, kvalitetssikring og analyse i budsjettprosessen og gir fagleg støtte til departementsleiinga og fagavdelingane. Kjerneoppgåvene omfattar oppfølging av tidsfristar, samordning av budsjettinnspel, kvalitetssikring av talmateriale og løpande arbeid knytt til statsbudsjettet og statsrekneskapen.

  • Forvaltingsseksjonen (AD3)

    Forvaltningsseksjonen har ansvar for tryggleik og beredskap i departementet. Dette omfattar førebyggjande tryggleik, informasjonssikkerheit, fysisk tryggleik, personellsikkerheit og koordinering av arbeidet med samfunnssikkerheit og beredskap. Seksjonen har òg ansvar for utvikling og drift av departementets arkiv- og dokumentforvaltning, inkludert postmottak og systemadministrasjon av sak- og arkivsystem. I tillegg koordinerer seksjonen departementets arbeid med digitalisering og teknologi.

  • Plan- og styringsseksjonen (AD4)

    Plan- og styringsseksjonen har systemansvar for intern styring og kontroll, etatsstyring, eigarstyring og tilskotsforvaltning. Seksjonen har òg ansvar for internbudsjett, rekneskap, økonomirutinar, saker med Riksrevisjonen og årsrapportering, og sørgjer for heilskapleg og koordinert oppfølging av departementets økonomi og styringsprosessar. Seksjonen koordinerer departementets saker til regjeringskonferansar, framlegg og høyringar. Seksjonen handterer òg større rapporteringar til Stortinget og Statsministerens kontor.